bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 6
1 Kings 6
Kamba (Mbivilia) 1956
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Na kweethĩwa mwaka wa maana ana na mĩongo nyanya ĩtina wa ana ma Isilaeli mauma nthĩ ya Misili, mwaka wa kana wa Solomoni kũsumbĩka Isilaeli, mwei wa Nzivi, naw’o nĩ mwei wa kelĩ, ambĩlĩlya kwaka nyũmba ya Yeova.
2
Na nyũmba ĩla mũsumbĩ Solomoni wamwakĩe Yeova, ũasa wayo waĩ mĩkono mĩongo thanthatũ, na ũthanthau wayo mĩkono mĩongo ĩlĩ, na ũtũlu wayo mĩkono mĩongo ĩtatũ.
3
Na valasya wa ĩkalũ ya nyũmba, ũasa waw’o waĩ mĩkono mĩongo ĩlĩ kwĩanana na ũthanthau wa nyũmba; na ũthanthau waw’o kuma ĩ nyũmba waĩ mĩkono ĩkũmi.
4
Na eekĩa ĩ nyũmba mbũthi sya kũete kyeni syĩ tũmĩtĩ tũkelangan’ye.
5
Na kũkwatan’ya na wako wa nyũmba aakĩĩa tũsũmba twilĩanĩlw’e tũthyũlũlũkĩte, tũkwatene na mawako ma nyũmba ngalĩ syonthe, o ma ĩkalũ na ma vandũ va Ngai va ũneenea; na aaka tũsũmba tũkwatanĩlw’e ũtee tũthyũlũlũkĩte.
6
Ũthanthau wa kasũmba kala ke ĩtheo waĩ mĩkono ĩtano, na kala ka katĩ ũthanthau wako waĩ mĩkono thanthatũ, na kala ka katatũ ũthanthau wako waĩ mĩkono mũonza; nũndũ ngalĩ ya ũtee nĩwakie maũwengo ma wako wa nyũmba ngalĩ syonthe, nĩ kana mĩamba ndĩkakwatanw’e na mawako ma nyũmba.
7
Na ĩ nyũmba, ĩkyakwa, yaakwa na mavia ala masũvĩw’e vala menzawa; na kũtyaaĩw’ĩka kĩiva kana ĩthoka kana kĩndũ kya kĩaa o na kĩva ĩ nyũmba ĩkyakwa.
8
Mũomo wa tũsũmba tũkwatanĩlw’e ũtee twa katĩ waĩ ngalĩ ya kw’oko kwa aũme kwa nyũmba: na mambataa tũsũmbanĩ twa katĩ na mbasya yĩmilĩĩle, na kuma tũla twa katĩ kũvika tũla twa katatũ.
9
Ũu nĩw’o wakie nyũmba, na amĩmina; na aĩĩa nyũmba na mĩamba na mbwaũ sya mĩkũũ.
10
Na aaka tũla tũsũmba twilĩanĩlw’e tũkwatene na nyũmba yonthe, kĩla kamwe ka ũtũlu wa mĩkono ĩtano: na tũtinĩanĩw’e na nyũmba na mĩtĩ ya mĩkũũ.
11
Na ndeto ya Yeova yamũkĩa Solomoni, ĩkĩmwĩa,
12
Ũndũ wa nyũmba ĩno ĩla ũkwaka, ethĩwa ũkaendaa myamũlonĩ yakwa, na kwĩkaa motw’ĩo makwa, na kwataa mĩao yakwa yonthe ũendae nthĩnĩ wayo; nĩvo ĩndĩ nĩlũlũmĩlya ndeto yakwa kwaku, ĩla namũtavisye Ndaviti ĩthe waku.
13
Na ngekalaa katĩ wa ana ma Isilaeli, na ndikatia andũ makwa Isilaeli.
14
Na ĩndĩ Solomoni aaka nyũmba na amĩmina.
15
Na aaka mawako ma nyũmba ngalĩ ya nthĩnĩ na mbwaũ sya mĩkũũ: kuma nyũmba nthĩ kũvika mawakonĩ ũvengeelonĩ, aĩĩa ngalĩ ya nthĩnĩ mbwaũ; na aĩĩa nthĩ nyũmbanĩ nthĩnĩ mbwaũ sya mĩtĩ ya mĩsonovalĩ.
16
Na aakĩĩa kasũmba nyũmbanĩ ngalĩ ya ĩtina kuma nthĩ kũvika mawakonĩ ũvengeelonĩ, ũasa wako mĩkono mĩongo ĩlĩ, ka mbwaũ sya mĩkũũ: amyakĩĩa nthĩnĩ, vethĩwe vandũ va Ngai va kũneenea, o vala vandũ vatheu mbee.
17
Na ĩ nyũmba, o ĩkalũ yĩla yakwatene na vala vandũ va kũneenea, yaĩ mĩkono mĩongo ĩna ũasa wayo.
18
Na nyũmbanĩ nthĩnĩ kwaĩ mbwaũ sya mĩkũũ, mbasũvye mĩkauti na malaa malaũkye: kw’onthe kwaĩ mbwaũ sya mĩkũũ; mavia matyaĩ moneka.
19
Na aseũvya vala vandũ va ũneenea katĩ wa nyũmba nthĩnĩ, nĩ kana aie vo ĩsandũkũ ya ũtianĩo ya Yeova.
20
Na nthĩnĩ wa vandũ vau va ũneenea vaĩ ũthei ũasa wa vo mĩkono mĩongo ĩlĩ, na ũthanthau mĩkono mĩongo ĩlĩ, na ũtũlu mĩkono mĩongo ĩlĩ; na avavw’ĩka thaavu mũtheu: na avw’ĩka kĩthembeo na mbwaũ sya mĩkũũ.
21
Ũu nĩw’o Solomoni wavw’ĩkie nyũmba nthĩnĩ thaavu mũtheu: na atila vandũ vau va ũneenea na mĩnyololo ya thaavu; na avavw’ĩka thaavu.
22
Na nyũmba yonthe avw’ĩka thaavu, mũvaka nyũmba yonthe yathela: o na kĩthembeo kyonthe kya vala vandũ va ũneenea akĩvw’ĩka thaavu.
23
Na nthĩnĩ wa vala vandũ va ũneenea aseũvya akeluvi elĩ ma mbwaũ sya mĩthata, kĩla ũmwe waĩ na ũasa wa mĩkono ĩkũmi.
24
Na ũthwau ũmwe wa mũkeluvi waĩ mĩkono ĩtano, na ũthwau ũngĩ waĩ mĩkono ĩtano: kuma mũthya wa ũthwau ũmwe kũvika mũthya wa ũla ũngĩ kwaĩ mĩkono ĩkũmi.
25
Na mũkeluvi ũngĩ waĩ mĩkono ĩkũmi: akeluvi me elĩ maĩ ma kĩthimo kĩmwe na mũmbĩlwe ũmwe.
26
Ũtũlu wa mũkeluvi ũmwe waĩ mĩkono ĩkũmi, na now’o wa ũla ũngĩ.
27
Na aia ala akeluvi nthĩnĩ wa kasũmba ka nthĩnĩ; na nthwau sya akeluvi syaĩ ndambũũku, ũndũ ũthwau wa ũmwe watinĩte wakonĩ ũmwe, na ũthwau wa mũkeluvi ũla ũngĩ watinĩte wakonĩ ũla ũngĩ; na nthwau syoo syatinanĩe nyũmbanĩ katĩ.
28
Na avw’ĩka akeluvi thaavu.
29
Na avana mawako onthe ma nyũmba ngalĩ syonthe na ngelekan’yo mbasũvye sya akeluvi, na mĩtende, na malaa malaũkye, nthĩnĩ na nza.
30
Na nyũmba nthĩ avw’ĩka thaavu, nthĩnĩ na nza.
31
Na vandũ va ũlikĩla vala vandũ va ũneenea aseũvya mĩomo ya mbwaũ sya mĩthata: kĩthaku na mĩtĩ ĩla yĩ ndee sya mĩomo yaminĩte kĩlungu kya katano kya wako.
32
Na ĩndĩ atuma mĩomo ĩlĩ ya mbwaũ sya mĩthata; na amĩvanĩa ngelekan’yo mbasũvye sya akeluvi, na mĩtende, na malaa malaũkye, na aivw’ĩka thaavu; na atendesya thaavu ĩũlũ wa akeluvi, na ĩũlũ wa mĩtende.
33
Na o ta ũu aseũvĩsya vandũ va ũlikĩla ĩkalũnĩ mĩtĩ yĩ ndee sya mĩomo ya mĩthata, yamina kĩlungu kya kana kya wako;
34
na mĩomo ĩlĩ ya mbwaũ sya mĩtĩ ya mĩsonovali: mbwaũ ilĩ sya mũomo ũmwe syaĩ sya kũkũnzwa, na mbwaũ ilĩ sya mũomo ũla ũngĩ syaĩ sya kũkũnzwa.
35
Na avana ĩũlũ wayo akeluvi, na mĩtende, na malaa malaũkye; na amĩvw’ĩka thaavu wũmbĩĩwe wĩanene na movano.
36
Na aaka nza ya nthĩnĩ na mĩsoa ĩtatũ ya mavia masũvye, na mũsoa wa mĩamba ya mĩkũũ.
37
Mwaka wa kana wambĩlĩlyo wa nyũmba ya Yeova wakwatw’a, mwei wa Nzivi.
38
Na mwaka wa ĩkũmi na ũmwe, mwei wa Mbuli, naw’o nĩ mwei wa nyanya, nyũmba yathela kũndũ kw’onthe kwayo, na kwĩanana na mwakĩle w’onthe wayo. Na ĩndĩ amyakie myaka mũonza.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22