bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 20
1 Kings 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
1
Na Mbeni‐aatati mũsumbĩ wa Silia oomban’ya nguthu yake onthe vamwe; na vamwe nake kwaĩ asumbĩ mĩongo ĩtatũ na elĩ, na mbalasi na makasya ma kaũ: na ambata na athyũlũlũka Samalia amĩtw’ĩkanĩsye, na okita nayo.
2
Na atũma atũmwa kwa Aavu mũsumbĩ wa Isilaeli, ndũanĩ nthĩnĩ, na amwĩa, Ũũ nĩw’o Mbeni‐aatati ũnũkwasya,
3
Vetha waku na thaavu waku nĩ wakwa; o na iveti syaku na syana syaku, o ila nzeo mbee, nĩ syakwa.
4
Na mũsumbĩ wa Isilaeli asũngĩa na asya, No kwĩanana na ndeto yaku, mwĩaĩi wakwa, ame mũsumbĩ; nyie nĩ waku, na syonthe ila nĩ nasyo.
5
Na atũmwa mooka ĩngĩ, na masya, Ũũ nĩw’o Mbeni‐aatati ũnũũneena, aikwĩa, Nĩ w’o, nĩnatũmana kwaku, ngĩkwĩa, Ũnenge vetha waku, na thaavu waku, na iveti syaku, na syana syaku;
6
ĩndĩ ngatũma athũkũmi makwa kwaku ũnĩ saa ũũ, na makamantha nyũmbanĩ yaku, na nyũmbanĩ sya athũkũmi maku; na kũkeethĩwa, atĩ kĩndũ o na kĩva kĩla kyendeeasya metho maku, makoosa na moko moo, na maikua.
7
Nĩvo ĩndĩ mũsumbĩ wa Isilaeli wetie atumĩa onthe ma nthĩ ĩsu, na amea, Sũanĩai, nĩngũmwĩsũva, nĩmwene ũndũ mũndũ ũũ ũnũũmantha kwĩka ũndũ ũthũku: nũndũ nũnatũmanie kwakwa ose iveti syakwa, na syana syakwa, na vetha wakwa, na thaavu wakwa; na ndyaamũvata.
8
Na atũmĩa onthe na andũ onthe mamwĩa, Ndũkethukĩĩsye, kana kwĩtĩkĩla.
9
Kwondũ wa ũu amea atũmwa ma Mbeni‐aatati, Mũtavyei mwĩaĩi wakwa mũsumbĩ, Kyonthe kĩla wambie kũtũmana kwa mũthũkũmi waku ngeeka; ĩndĩ ũndũ ũũ nditonya kwĩka. Na atũmwa mathi, na mamũtũngĩa ndeto ĩngĩ.
10
Na Mbeni‐aatati atũmana kwake, na asya, Ngai nimbĩke ũu, o na mbee, ethĩwa kĩtoo kya Samalia kĩkeanĩa mbĩ sya andũ onthe ala mangatĩĩe.
11
Na mũsumbĩ wa Isilaeli asũngĩa na asya, Mũtavyei, Ũla wĩvotoaa mĩio yake ya kaũ ndakekathũe ta ũla wĩvotookya.
12
Na kweethĩwa, yĩla Mbeni‐aatati wewie ũtũmane ũsu, akĩnyw’a, we na asumbĩ malwandanĩ, amea athũkũmi make, Ĩtaũsyei. Na meetaũsya mokite na ĩ ndũa.
13
Na, sisya, mwathani amũthengeea Aavu mũsumbĩ wa Isilaeli, na amwĩa, Ũũ nĩw’o Yeova ũnũkwasya, Nĩwene nguthu ĩno yonthe nene? Sisya, nĩmĩnengane kw’okonĩ kwaku ũmũnthĩ; na ũkamanya ninyie Yeova.
14
Na Aavu akũlya, Naaũ? Nake asya, Uũ nĩw’o Yeova ũnũkwasya, Na anake ma anene me mbee ũsumbĩnĩ ma mbalo sya ĩ nthĩ. Nĩvo ĩndĩ wakũlilye, Nũũ wĩkwatya kaũ? Nake asũngĩa, Nũe.
15
Na ĩndĩ oomban’ya anake ma anene me mbee ũsumbĩnĩ ma mbalo sya ĩ nthĩ, na maĩ maana elĩ na mĩongo ĩtatũ na elĩ: na ĩtina wa asu oomban’ya andũ onthe, o ana onthe ma Isilaeli, nao maĩ ngili mũonza.
16
Na maumaala katambanga. Ĩndĩ Mbeni‐aatati anyw’ĩte akalooteka e malwandanĩ, we na asumbĩ, asumbĩ mĩongo ĩtatũ na elĩ ala mamũtetheesye.
17
Na anake ma anene me mbee ũsumbĩnĩ ma i mbalo sya nthĩ mamba kumaala; na Mbeni‐aatati atũmana, na mamwĩa, makyasya, Kwĩ andũ maumĩte Samalia.
18
Na asya, Ethĩwa nĩmaumĩte kwondũ wa mũuo, makwatei me thayũ; kana ethĩwa nĩmaumĩte mokite, makwatei me thayũ.
19
Kwondũ wa ũu mauma ndũanĩ, anake ma anene me mbee ũsumbĩnĩ ma i mbalo sya nthĩ, na ita ila syamaatĩĩe.
20
Na mooaa kĩla ũmwe mũndũ wake; na Asilia makũka, na Isilaeli mamakũa: na Mbeni‐aatati mũsumbĩ wa Silia avonoka akuĩtwe nĩ mbalasi e na andũ matũlĩte mbalasi.
21
Na mũsumbĩ wa Isilaeli aumaala na akũna mbalasi na makasya ma kaũ, na ooaa Asilia na ũai mũnene.
22
Na ũla mwathani amũthengeea mũsumbĩ wa Isilaeli, na amwĩa, Enda, ĩyĩkĩe vinya, na sũanĩa, noisisya ũndũ ũkwĩka; nũndũ mwaka ũkyambĩlĩlya mũsumbĩ wa Silia akooka okite naku.
23
Na athũkũmi ma mũsumbĩ wa Silia mamwĩa, Ngai yoo nĩ ngai ya iĩma; kwondũ wa ũu maĩ na vinya kwĩ ithyĩ, ĩndĩ nĩtũkitĩe nao ũiĩnĩ, na vate ndĩi tũkeethĩwa twĩ vinya kwĩ mo.
24
Na ĩka ũndũ ũũ: veta asumbĩ vyũ, kĩla ũmwe vandũ vake, nokĩkĩa makavuteni vandũ voo;
25
na ĩtalĩle ita, ta ita ila ũnaaisye mbalasi vandũ va mbalasi, na ĩkasya vandũ va ĩkasya; na tũkokitĩa nao ũiĩnĩ, na vate ndĩi tũkeethĩwa na vinya kwĩ mo. Na eethukĩĩsya wasya woo, na eeka ũu.
26
Na kweethĩwa mwaka ũkyambĩlĩlya, Mbeni‐aatati oomban’ya Asilia, na ambata Aveki, okite na Isilaeli.
27
Na ana ma Isilaeli moombanw’a, na manengwa lĩu, na mamaumaalĩla: na ana ma Isilaeli mamba maeema moo mbee woo mailyĩ ta ndĩthya ilĩ nini sya tũtena twa mbũi; ĩndĩ Asilia mausũa nthĩ.
28
Na mũndũ wa Ngai athengeea na aneena na mũsumbĩ wa Isilaeli, na amwĩa, Ũũ nĩw’o Yeova ũnũkwasya, Nĩkwĩthĩwa Asilia nĩmaneenete, Yeova nĩ ngai ya iĩma, ĩndĩ ti ngai ya myanda; kwondũ wa ũu nganengane nguthu ĩno nene yonthe kw’okonĩ kwaku, na mũkamanya kana ninyie Yeova.
29
Na mamba maeema moo melekanĩlye mĩthenya mũonza. Na ĩndĩ kweethĩwa, o mũthenya wa mũonza kaũ wakwatw’a; na ana ma Isilaeli mooaa ma Asilia andũ ala maendaa na maũũ ngili ĩana mũthenya ũmwe.
30
Ĩndĩ ala angĩ makũka mathi Aveki, ndũanĩ nthĩnĩ; na ũvai wamavalũkĩla andũ ngili mĩongo ĩlĩ na mũonza ala matialĩte. Na Mbeni‐aatati akĩa, na alika ndũanĩ, kasũmbanĩ ka nthĩnĩ.
31
Na athũkũmi make mamwĩa, Sisya yu, nĩtwĩw’ĩte atĩ asumbĩ ma nyũmba ya Isilaeli nĩ asumbĩ me tei: nĩtũũkwĩsũva, twĩvotoe makunia inyunyunĩ sitũ, na makanda mĩtwenĩ yaitũ, na kwĩyumĩlya kwa mũsumbĩ wa Isilaeli: nokwĩthĩwa akatangĩĩa thayũ waku.
32
Kwondũ wa ũu meevotoa makunia inyunyu syoo, na meekĩa makanda mĩtwenĩ yoo, na mooka vala ve mũsumbĩ wa Isilaeli, na mamwĩa, Mũthũkũmi waku Mbeni‐aatati easya, Nĩngũkwĩsũva, ndeka nĩ thayũ. Na akũlya, E thayũ o na yu? Nĩ mwana‐a‐asa.
33
Na ĩndĩ andũ asu malolonza mũno, na meekalaata kũkwata ethĩwa ũu nĩw’o ũsũanĩĩte; na masya, Mwana‐a‐au Mbeni‐aatati. Nĩvo ĩndĩ waisye, Endai mũmũete. Na ĩndĩ Mbeni‐aatati aumaala vala ũĩ: na amũlikya ĩkasyanĩ.
34
Na Mbeni‐aatati amwĩa, Ndũa ila ĩthe wakwa wavenie ĩthe waku ngatũnga; na ũkeeseũvĩsya nzĩa Ndamasiku, o tondũ ĩthe wakwa waseũvisye Samalia. Aavu asya, Nakwa ngakũlekya ũende na ũtianĩo ũũ. Na ĩndĩ atianĩa ũtianĩo nake, na amũlekya.
35
Na mũndũ ũmwe wa ana ma athani amwĩa mũtindan’ya wake kwondũ wa ndeto ya Yeova, Ngũna, nĩngũkwĩsũva. Na mũndũ ũsu alea kũmũkũna.
36
Nĩvo ĩndĩ wamwĩie, Nĩkwĩthĩwa ndũnew’a wasya wa Yeova, sisya, o wauma vaa nĩĩ, mũnyambũ nũkũaa. Na o auma vala waĩ, mũnyambũ wamwona, na wamũaa.
37
Nĩvo ĩndĩ wonie mũndũ ũngĩ, na amwĩa, Ngũna, nĩngũkwĩsũva. Na mũndũ ũsu amũkũna, o kũmũkũna na kũmũkita.
38
Kwondũ wa ũu mwathani athi, na amweteela mũsumbĩ ũtee wa nzĩa, na eeyũlan’ya kwa kwĩvw’ĩka metho na kĩtambaa kya mũtwe.
39
Na mũsumbĩ akĩvĩta, amwĩkaĩla mũsumbĩ; na asya, Mũthũkũmi waku nĩwaumaalile aenda kaũnĩ katĩ; na, sisya, mũndũ aathũkĩla ũtee, na andetee mũndũ, na ambĩa, Sũvĩa mũndũ ũũ: ethĩwa kwondũ wa ũndũ o na wĩva, akaaa, nĩvo ĩndĩ thayũ waku wĩĩthĩwa vandũ va thayũ wake, kana ethĩwa ti ũu ũkaĩva talendi ya vetha.
40
Na yĩla mũthũkũmi waku wĩthĩiwe na wĩa kũũ na kũũ, aenda. Na mũsumbĩ wa Isilaeli amwĩa, Ũũ now’o ũsilĩlo waku wĩĩthĩwa; we mwene nũtwie.
41
Na akalaata, na aumya kĩtambaa kya mũtwe methoni make; na mũsumbĩ wa Isilaeli amũmanya atĩ nĩ ũmwe wa athani.
42
Na amwĩa, Ũũ nĩw’o Yeova ũnũkwasya, Nĩkwĩthĩwa nũleketye mũndũ ũla nĩvathĩte anangwe vyũ auma kw’okonĩ kwaku, kwondũ wa ũu thayũ waku ũkeethĩwa vandũ va thayũ wake, na andũ maku vandũ va andũ make.
43
Na mũsumbĩ wa Isilaeli aenda nyũmbanĩ yake atakinyĩkya na e na woo, na avika Samalia.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22