bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 12
1 Kings 12
Kamba (Mbivilia) 1956
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
1
Na Leovoamu aenda Sekemu: nũndũ Isilaeli onthe maĩ aendu Sekemu makamũtw’ĩkĩthye mũsumbĩ.
2
Na kweethĩwa, yĩla Yelovoamu mwana wa Nevati wewie ũu (nũndũ aĩ o Misili ĩvinda yĩu, vala wakĩĩe aume vala ve mũsumbĩ Solomoni, na Yelovoamu atwĩe Misili,
3
na matũmana aketwe), Yelovoamu na ũmbano w’onthe wa Isilaeli mooka, na maneena na Leovoamu, maimwĩa,
4
Ĩthe waku nĩwatw’ĩkĩthĩtye ĩsoki yitũ ĩito: yu kwondũ wa ũu vũthangya ũthũkũmi ũsu mũito wa ĩthe waku, na ĩsoki yake ĩito yĩla watwĩkĩie, na tũkakũthũkũma.
5
Na amea, Endai mwĩkale o mĩthenya ĩtatũ, na ĩndĩ mũimbũkĩa ĩngĩ. Na andũ asu mathi.
6
Na mũsumbĩ Leovoamu eethĩwa nzama na atumĩa, ala manaũngamaa mbee wa ĩthe wake Solomoni yĩla ũnaĩ o thayũ, akĩmakũlya, Mwĩnenga ũtao wĩva nĩmasũngĩa andũ asu?
7
Na maneena nake, makĩmwĩa, Ethĩwa ũkeethĩwa mũthũkũmi wa andũ asu ũmũnthĩ, na ũkamathũkũma, na kũmasũngĩa, na kũmaneen’ya ndeto nzeo, mo makeethĩwa athũkũmi maku tene na tene.
8
Ĩndĩ atia ũtao wa atumĩa ũla mamũtaie naw’o, na eethĩwa nzama na anake ala ma mũika wake, ala maũngamaa mbee wake.
9
Na amakũlya, Mwĩnenga ũtao wĩva, nĩ kana twĩmasũngĩa andũ asu, ala maneenete nakwa, makĩmbĩa, Tũvũthangĩsye ĩsoki yĩla ĩthe waku watwĩkĩie?
10
Na anake ala ma mũika wake maneena nake, makĩmwĩa, Ũũ nĩw’o wĩmatavya andũ asu ala maneenie naku, makĩkwĩa, Ĩthe waku nĩwatw’ĩkĩthisye ĩsoki yitũ ĩito, ĩndĩ we tũvũthangĩsye; ũũ nĩw’o wĩmatavya, Kyaa kyakwa kya mwela nĩ kĩnene kwĩ kĩnyunyu kya ĩthe wakwa.
11
Na yu o ũndũ ĩthe wakwa wamwaĩkĩtye ĩsoki ĩito, nakwa ngongeleela ĩsoki yenyu: ĩthe wakwa amũsilĩlaa na mĩsalisa, ĩndĩ nyie ngamũsilĩlaa na ing’auũ.
12
Na ĩndĩ Yelovoamu na andũ onthe mooka vala ve Leovoamu mũthenya wa katatũ, o tondũ mũsumbĩ weaĩte, akĩmea, Mbũkĩai ĩngĩ mũthenya wa katatũ.
13
Na mũsumbĩ amasũngĩa andũ na vinya, na atia ũtao wa atumĩa ũla mamũtaie naw’o,
14
na aneena nao kwĩanana na ũtao wa anake, akĩmea, Ĩthe wakwa nĩwatw’ĩkĩthisye ĩsoki yenyu ĩito, ĩndĩ nyie ngayongeleela ĩsoki yenyu: ĩthe wakwa amũsilĩlaa na mĩsalisa, ĩndĩ nyie ngamũsilĩlaa na ing’auũ.
15
Na ĩndĩ mũsumbĩ ndaaĩthukĩĩsya andũ; nũndũ ũu waĩ ũndũ waetetwe nĩ Yeova, nĩ kana alũlũmĩlye ndeto yake, ĩla Yeova wamũtavisye Yelovoamu mwana wa Nevati na kanyw’a wa Aiya Mũsilo.
16
Na yĩla Isilaeli onthe moonie kana mũsumbĩ ndaamethukĩĩsya, andũ mamũsũngĩa mũsumbĩ, makĩmwĩa, Twĩ na kĩanda kyaũ nthĩnĩ wa Ndaviti? O na tũti na ũtiĩwa nthĩnĩ wa mwana wa Yese: endai maeemanĩ menyu, inyw’ĩ Isilaeli: na yu ĩsyaĩĩsye nyũmba yaku mwene Ndaviti. Na ĩndĩ Isilaeli maenda maeemanĩ moo.
17
Ĩndĩ ũndũ wa ana ma Isilaeli ala matwĩe ndũanĩ sya Yuta, Leovoamu amasumbĩka.
18
Na ĩndĩ mũsumbĩ Leovoamu atũma Atolamu, ũla waĩ mũnene wa andũ ala matethethaw’a wĩa na vinya; na Isilaeli onthe mamũkimanga na mavia akw’a. Na mũsumbĩ Leovoamu eekalaata ambate vala ve ĩkasya yake, akĩe avike Yelusaleme.
19
Ũu nĩw’o Isilaeli mang’endee nyũmba ya Ndaviti kũvika ũmũnthĩ.
20
Na kweethĩwa, yĩla Isilaeli onthe meewie Yelovoamu nũsyokete, matũmana mamwĩte oke ũmbanonĩ, na mamũtw’ĩkĩthya mũsumbĩ wa Isilaeli onthe: vati ĩmwe yaaatĩanĩa na nyũmba ya Ndaviti, ate o mbaĩ ya Yuta yĩ yoka.
21
Na yĩla Leovoamu wavikie Yelusaleme, oomban’ya nyũmba yonthe ya Yuta, na mbaĩ ya Mbenyamini, andũ ngili ĩana na mĩongo nyanya ala anyuve, ala maĩ ma kaũ, mokite na nyũmba ya Isilaeli, mamũtũngĩe Leovoamu mwana wa Solomoni ũsumbĩ.
22
Ĩndĩ ndeto ya Ngai yamũkĩa Semaia mũndũ wa Ngai, ĩkĩmwĩa,
23
Neena na Leovoamu mwana wa Solomoni, mũsumbĩ wa Yuta, na nyũmba yonthe ya Yuta na Mbenyamini, na andũ ala angĩ, ũkĩmea,
24
Ũũ nĩw’o Yeova ũnũkwasya, Mũtikambate, o na mũtikokite na ana‐a‐ĩthe menyu ana ma Isilaeli: syokai kĩla mũndũ nyũmbanĩ yake; nũndũ ũndũ ũũ wumĩte kwakwa. Na ĩndĩ meethukĩĩsya ndeto ya Yeova, na masyoka na meeendea, kwĩanana na ndeto ya Yeova.
25
Na ĩndĩ Yelovoamu aaka Sekemu nthĩ yĩ iĩma ya Evalaimu, na atũa kw’o; na auma kw’o, na aaka Venueli.
26
Na Yelovoamu asya ngoonĩ yake, Yu ũsumbĩ ũkasyoka nyũmbanĩ ya Ndaviti:
27
ethĩwa andũ aa makambata mathembe nthembo nyũmbanĩ ya Yeova Yelusaleme, nĩvo ĩndĩ ngoo sya andũ aa syĩmwĩthyũũĩa mwĩaĩi woo, o Leovoamu mũsumbĩ wa Yuta; na makambũaa, na kũmũsyokea Leovoamu mũsumbĩ wa Yuta.
28
Nĩvo ĩndĩ mũsumbĩ wasũanĩie, na atusya tũsaũ twĩlĩ twa thaavu; na amea, Nĩ vinya kwenyu kwambata Yelusaleme: sisyai ngai syenyu, inyw’ĩ Isilaeli, ila syamwambatisye kuma nthĩ ya Misili.
29
Na aũngamya kamwe Mbethi‐eli, na kala kangĩ aũngamya Ndani.
30
Na ũndũ ũsu watw’ĩka naĩ; nũndũ andũ maendaa kũthaitha vala ve kamwe, o kũvika Ndani.
31
Na aaka nyũmba sya kũla kũndũ kũtũlu, na amatw’a athembi kuma andũnĩ onthe, ala mataĩ ma ana ma Livai.
32
Na Yelovoamu atw’a mboka mwei wa nyanya, mũthenya wa ĩkũmi na ĩtano wa mwei, ĩilyĩ mboka ĩla yĩ Yuta, na ambata vala ve kĩthembeo; na ũu now’o wekie Mbethi‐eli, akĩthembea tũsaũ tũla watuĩtye: na aia ku Mbethi‐eli athembi ma kũndũ kũtũlu kũla waseũvĩtye.
33
Na ambata vala vaĩ kĩthembeo kĩla waseũvĩtye ku Mbethi‐eli mũthenya wa ĩkũmi na ĩtano wa mwei wa nyanya, o mwei ũla wasũanĩie na ngoo yake mwene: na atw’a mboka kwondũ wa ana ma Isilaeli, na ambata vala vaĩ kĩthembeo, atoeesye ũvani.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22