bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 5
1 Kings 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Na Ilamu mũsumbĩ wa Tile atũma athũkũmi make kwa Solomoni; nũndũ nĩwew’ĩte kana nĩmamwĩtĩkĩsye mauta ethĩwe mũsumbĩ vandũ va ĩthe wake: nũndũ Ilamu nĩwamwendete Ndaviti kuma tene.
2
Na Solomoni atũmana kwa Ilamu, akĩmwĩa,
3
Nĩwĩsĩ Ndaviti ĩthe wakwa ndaatonya kwaka nyũmba kwondũ wa syĩtwa ya Yeova Ngai wake nũndũ wa makaũ ala mamũthyũlũlũkĩte ngalĩ syonthe, kũvika Yeova amaia ungu wa nyaĩĩ syake.
4
Ĩndĩ yu Yeova Ngai wakwa nũnthũmũĩtye ngalĩ syonthe; vati nthũ, kana ũndũ ũthũku wĩkĩkaa.
5
Na, sisya, nĩngũsũanĩa kwaka nyũmba kwondũ wa syĩtwa ya Yeova Ngai wakwa, o tondũ Yeova waneenie na Ndaviti ĩthe wakwa, akĩmwĩa, Mwana waku ũla ngekalya kĩvĩlanĩ kyaku kya ũsumbĩ vandũ vaku, nĩwe ũkaka ĩ nyũmba kwondũ wa syĩtwa yakwa.
6
Yu ĩndĩ umya mwĩao mandemee mĩtĩ ya mĩkũũ ku Levanoni; na athũkũmi makwa makeethĩwa vamwe na athũkũmi maku; na ngakũĩva kwondũ wa athũkũmi maku kwĩanana na w’onthe ũla ũkaneena: nũndũ nĩwĩsĩ vati ũmwe katĩ waitũ ũla wĩsĩ kũtema mĩtĩ ta Asitoni.
7
Na kweethĩwa, yĩla Ilamu wewie ndeto sya Solomoni, atana mũno, na asya, Yeova nataĩwe ũmũnthĩ, ũla ũmũnengete Ndaviti mwana mũĩ asumbĩke andũ aa aingĩ.
8
Na Ilamu atũmana kwa Solomoni, akĩmwĩa, Nĩnĩw’ĩte ũvoo ũla wandũmĩe: ngeeka kwenda kwaku kw’onthe kwondũ wa mĩtĩ ya mĩkũũ, na kwondũ wa mĩtĩ ya mĩsonovali.
9
Athũkũmi makwa makamĩete kuma Levanoni kũvika ũkanganĩ; na ngamyovan’ya vamwe ĩthambĩĩle ũkanganĩ vandũ vala wĩmbatha, na ngamĩthaĩsya vo, naku ũkamyosa; na wĩĩanĩsya kwenda kwakwa, ũkĩnengane lĩu wa andũ ma nyũmba yakwa.
10
Na ĩndĩ Ilamu amũnenga Solomoni mĩtĩ ya mĩkũũ na mĩtĩ ya mĩsonovali o kwĩanana na kwenda kwake kw’onthe.
11
Na Solomoni anenga Ilamu ithimi ngili mĩongo ĩlĩ sya nganũ kwondũ wa lĩu wa andũ ma nyũmba yake, na ithimi mĩongo ĩlĩ sya mauta matheu: ũu nĩw’o Solomoni wanengae Ilamu kĩla mwaka.
12
Na Yeova anenga Solomoni ũĩ, o tondũ wamwathie; na kwaĩ mũuo katĩ wa Ilamu na Solomoni; na asu elĩ nĩmaseũvĩtye wĩw’ano vamwe.
13
Na mũsumbĩ Solomoni aumya kwa Isilaeli onthe andũ ma kũtethethw’a wĩa; na ala maumĩthiw’e maĩ andũ ngili mĩongo ĩtatũ.
14
Na amatũmaa Levanoni, ngili ĩkũmi kĩla mwei nguthu; mekalaa Levanoni mwei ũmwe, na myei ĩlĩ mũsyĩ; na Atonilamu aĩ mũnene wa andũ ala matethethaw’a wĩa na vinya.
15
Na Solomoni aĩ na ngili mĩongo mũonza ala makuaa mĩio, na ngili mĩongo nyanya ala masũvĩasya iĩmanĩ;
16
eka anene ma kwa Solomoni ala maĩ aũngamĩi ma wĩa, ngili itatũ na maana atatũ, ala masumbĩkie andũ ala matethasya wĩa.
17
Na mũsumbĩ eeaa, na maalya mavia manene, mavia ma thooa mũnene, makwatye wambĩlĩlyo wa nyũmba na mavia masũvye.
18
Na aki ma Solomoni na aki ma Ilamu na Angevali mamasũvya, na maseũvya mĩtĩ na mavia nĩ kana make ĩ nyũmba.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22