bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
1 Kings 18
1 Kings 18
Kamba (Mbivilia) 1956
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Na kweethĩwa ĩtina wa mĩthenya mingĩ, ndeto ya Yeova yamũkĩa Eliya, mwaka wa katatũ, ĩkĩmwĩa, Enda, ũkeyumbũe kwa Aavu; na ngausya mbua ĩũlũ wa nthĩ.
2
Na Eliya athi eeyumbũa kwa Aavu. Na yũa yaĩ ĩnene Samalia.
3
Na Aavu amwĩta Ovatia, ũla waĩ mũsyaĩĩsya wa andũ ma nyũmba yake. (Na Ovatia amũkĩĩte Yeova mũno:
4
nũndũ kweethĩiwe, yĩla Yeseveli wavetie athani ma Yeova, Ovatia oosa athani ĩana, na amavitha mĩongo ĩtano, mĩongo ĩtano, ngunganĩ, na amathĩasya imũtũ na manzĩ.)
5
Na Aavu amwĩa Ovatia, Anganga ĩ nthĩ kw’onthe, ũvike nthongonĩ syonthe sya manzĩ, na tũlũsĩnĩ tw’onthe: nokwĩthĩwa tũkona nyeki na kũvĩtya mbalasi na nyũmbũ, tũtikasye nyamũ syonthe.
6
Kwondũ wa ũu meeaan’ya nthĩ mamyangange kw’onthe: Aavu athi na nzĩa ĩmwe e weka, na Ovatia athi na nzĩa ĩngĩ e weka.
7
Na yĩla Ovatia waĩ nzĩanĩ, sisya, Eliya akomana nake: na amũmanya, na avalũka na ũthyũ wake, na amũkũlya, Nue mwĩaĩi wakwa Eliya?
8
Na amũsungĩa, Ninyie: enda, ũmwĩe mwĩaĩi waku, Sisya, Eliya e vaa.
9
Na amwĩa, Nĩvĩtĩtye ũndũnĩ mwaũ, kana wende kũnengane mũthũkũmi waku kw’okonĩ kwa Aavu, ambũae?
10
O tondũ Yeova Ngai waku wĩ thayũ, vati mbaĩ kana ũsumbĩ, vala mwĩaĩi wakwa ũtatũmanĩte ũmanthwe: na yĩla masya, Nde vaa, aiavĩthya ũsumbĩ na mbaĩ kĩavo kana matyaakwona.
11
Na yu wĩasya, Enda, ũmũtavye mwĩaĩi waku, Sisya, Eliya e vaa.
12
Na kwĩĩthĩwa, o nauma vala ũĩ, Veva wa Yeova akakũtwaa vala ndesĩ; na ĩndĩ yĩla nĩvĩka na kũmũtavya Aavu, nake ndakatonya ũkwona, akambũaa: ĩndĩ nyie mũthũkũmi waku nĩnĩmũkĩaa Yeova kuma wana wakwa.
13
Mwĩaĩi wakwa ndaatavw’a ũndũ neekie yĩla Yeseveli woaie athani ma Yeova, ũndũ navithie andũ ĩana athani ma Yeova mĩongo ĩtano, mĩongo ĩtano, ngunganĩ, na namathĩasya imũtũ na manzĩ?
14
Na yu wĩasya, Enda, ũmwĩe mwĩaĩi waku, Sisya, Eliya e vaa; na akambũaa.
15
Na Eliya asya, O tondũ Yeova wa nguthu wĩ thayũ, ũla nĩũngamaa mbee wake, vate ndĩi ngeeyumbũa kwake ũmũnthĩ.
16
Na ĩndĩ Ovatia athi akomane na Aavu, na amũtavya; na Aavu aenda akomane na Eliya.
17
Na kweethĩwa, yĩla Aavu wonie Eliya, Aavu amũkũlya, Nue, we mũthĩn’ya wa Isilaeli?
18
Na asũngĩa, Ndyaathĩn’ya Isilaeli, ĩndĩ nue, na nyũmba ya au, nũndũ nũtiĩte mĩao ya Yeova, na nũatĩĩe Mbaalimu.
19
Kwondũ wa ũu yu tũmana, noimbũmbanĩsya Isilaeli onthe kĩĩmanĩ kya Kalimeli, na athani ma Mbaali maana ana na mĩongo ĩtano, na athani ma Asela maana ana, ala maĩsaa mesanĩ ya Yeseveli.
20
Kwondũ wa ũu Aavu atũmana ana onthe ma Isilaeli, na oomban’ya athani kĩĩmanĩ kya Kalimeli.
21
Na Eliya athengeea andũ onthe, na akũlya, Mũkaendaa mũkĩthua katĩ wa ngalĩ ilĩ ĩvinda yĩana ata? Ethĩwa Yeova nĩwe Ngai, mũatĩĩei; ĩndĩ ethĩwa nĩ Mbaali, mũatĩĩei ĩndĩ. Na andũ matyaamũsũngĩa ndeto.
22
Nĩvo ĩndĩ Eliya wameie andũ, Nyie, o nyie nĩ nyioka, nĩtialĩte mwathani wa Yeova; ĩndĩ athani ma Mbaali nĩ andũ maana ana na mĩongo ĩtano.
23
Kwondũ wa ũu nĩmatũnenge tũsalũ twĩlĩ twa mũew’a; na manyuve kasalũ kamwe kwondũ woo ene, na makatilange ilungu, na kwilĩĩla ĩũlũ wa ngũ, na matikekĩe mwaki ungu; nakwa ngathĩnza kasalũ kala kangĩ, na ngakailĩĩla ĩũlũ wa ngũ, na ndikekĩa mwaki ungu.
24
Nenyu ĩkaĩlei syĩtwa ya ngai yenyu, nakwa ngeekaĩla syĩtwa ya Yeova: na Ngai ũla wĩsũngĩa na mwaki, nĩethĩwe Ngai. Na andũ onthe masũngĩa na masya, Nĩkwaw’a nesa.
25
Na Eliya amea athani ma Mbaali, Ĩnyuvĩei kasalũ kamwe, na mũkyamba kũkathĩnza; nũndũ inyw’ĩ mwĩ aingĩ; na ĩkaĩlei syĩtwa ya ngai yenyu, ĩndĩ mũtikekĩe mwaki ungu.
26
Na moosa kasalũ kala manengiwe, na makathĩnza na meekaĩla syĩtwa ya Mbaali kuma kĩoko o kũvika katambanga, makyasya, We, Mbaali, twĩw’e. Ĩndĩ vatyaĩ wasya, kana ũmwe waasũngĩa. Na matũlĩla makĩthyũlũlũka kĩthembeo kĩla kyaseũviw’e.
27
Na kweethĩwa katambanga, Eliya amathekeea na kĩvũthya, na asya, Ũkĩlyai wasya mũnene; nũndũ nake nĩ ngai: no ũnũkũsũanĩa, kana nĩwathũkĩte vandũ, kana nũendete kyalo, kana nokwĩthĩwa akomete na mũvaka aamũkw’e.
28
Na mookĩlya wasya mũnene, na meetemanga na tũvyũ na tũwenzi o tondũ mekaa, mũvaka nthakame yamanyũlũlũkĩla mũno.
29
Na kweethĩwa, kwathonoka katambanga, mathana kũvika ĩvinda ya kũthemba nthembo ya wĩoo; ĩndĩ vatyaĩ wasya, kana wa kũsungĩa o na wĩva, kana ũla waaona ta ũndũ.
30
Na Eliya amea andũ onthe, Nthengeeai; na andũ onthe mamũthengeea. Na atũngĩĩa kĩthembeo kya Yeova kĩla kyaĩ kĩomboe.
31
Na Eliya oosa mavia ĩkũmi na elĩ, kwĩanana na ũtalo wa mbaĩ sya ana ma Yakovo, ũla ndeto ya Ngai yamũkĩe, ĩkĩmwĩa, Syĩtwa yaku yĩkeethĩwa Isilaeli.
32
Na aaka kĩthembeo na mavia asu syĩtwanĩ ya Yeova; na enza mũtaũ kũthyũlũlũka kĩthembeo, mũnene ũndũ ũtonya kwĩanĩa ithimi ilĩ sya mbeũ.
33
Na aĩĩa ngũ, na atilanga kala kasalũ ilungu, na ailĩĩla ĩũlũ wa i ngũ. Na asya, Usũsyai mĩtũngi ĩna manzĩ, na mũkĩtulũla ĩũlũ wa nthembo ya kũvĩvw’a, na ĩũlũ wa ngũ.
34
Na amea, Ĩkai ũu ĩvinda ya kelĩ; na meeka ũu ĩvinda ya kelĩ. Na amea, Ĩkai ũu ĩvinda ya katatũ; na meeka ũu ĩvinda ya katatũ.
35
Na manzĩ meeyangalya ũtee wa kĩthembeo; na ausũsya mũtaũ naw’o manzĩ.
36
Na kweethĩwa ĩvinda ya kũthemba nthembo ya wĩoo, mwathani Eliya athengeea, na asya, Ame Yeova, Ngai wa Avalaamu, na wa Isaka, na wa Isilaeli, nĩkũmanyĩke ũmũnthĩ kana wĩ Ngai nthĩnĩ wa Isilaeli, na kana nyie nĩ mũthũkũmi waku, na nĩneeka maũndũ aa onthe kwondũ wa ndeto yaku.
37
Mbĩthukĩĩsya, ame Yeova, mbĩthukĩĩsya, nĩ kana andũ aa mamanye kana we, Yeova, nue Ngai, na nũalyũlĩte ngoo syoo ĩngĩ.
38
Nĩvo ĩndĩ mwaki wa Yeova watheeie, na wavĩvya nthembo ya kũvĩvw’a, na ngũ, na mavia, na kĩtoo, na wanyenya manzĩ ala maĩ mũtaũnĩ.
39
Na yĩla andũ onthe moonie ũu, mavalũka na mothyũ moo: na masya, Yeova, nĩwe Ngai; Yeova, nĩwe Ngai.
40
Na Eliya amea, Makwatei athani ma Mbaali; mũtikaeke ũmwe avonoke. Na mamakwata; na Eliya amatheesya kalũsĩnĩ ka Kisoni, na amoaĩa vo.
41
Na Eliya amwĩa Aavu, Ambata, ũye na kũnyw’a; nũndũ we kĩuumo kya mbua mbingĩ.
42
Kwondũ wa ũu Aavu ambata aye na kũnyw’a. Na Eliya ambata mũtumbĩnĩ wa Kalimeli; na eekunamya nthĩ, na eekĩa ũthyũ wake katĩ wa mau make.
43
Na amwĩa mũthũkũmi wake, Ambata yu, ũsisye kwelekela ũkanganĩ. Na ambata, na asisya, na asya, Vati kĩndũ. Na amwĩa, Enda ĩngĩ mavinda mũonza.
44
Na kweethĩwa ĩvinda ya mũonza, asya, Sisya, nĩkũũkĩla kathweo kuma ũkanganĩ, kanini ta kĩtaa kya mũndũ. Na asya, Ambata, ũmwĩe Aavu, Ova ĩkasya yaku, noitheea, nĩ kana mbua ndĩkakũsiĩĩe.
45
Na kweethĩwa o kavinda kanini, matu maia kwondũ wa mathweo na kĩseve, na kwaĩ mbua nene. Na Aavu aenda akuĩtwe, na avika ku Yesileeli;
46
na kw’oko kwa Yeova kwaĩ ĩũlũ wa Eliya; na eevotoa kĩnyunyu kyake, na asemba mbee wa Aavu ũlikĩlonĩ wa Yesileeli.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22