bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Chronicles 20
2 Chronicles 20
Kamba (Mbivilia) 1956
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Na kweethĩwa ĩtina wa ũu, ana ma Moavi, na ana ma Amimoni, na vamwe nao amwe ma Aamimoni, mooka kũkita na Yeosavati.
2
Na ĩndĩ kwooka amwe ala mamũtavisye Yeosavati, makĩmwĩa, Nĩkũkĩte nguthu nene yokite naku kuma mũingo ũya wa ũkanga kuma Silia; na, sisya, me Asasoni‐tamali (nayo nĩ Eni‐ngeti).
3
Na Yeosavati eew’a w’ĩa, na eelekela amũmanthe Yeova; na atavan’ya kũtĩĩa ũya Yuta yonthe.
4
Na Yuta moombana, mamanthe ũtethyo kwa Yeova: o kuma ndũanĩ syonthe sya Yuta mooka mamanthe Yeova.
5
Na Yeosavati aũngama ũmbanonĩ wa Yuta na Yelusaleme, nyũmbanĩ ya Yeova, ngalĩ ya mbee ya nza nzaũ;
6
na asya, Ame Yeova, Ngai wa aaĩthe maitũ, ndwĩ Ngai wĩ ĩtunĩ? Na ndwĩ mũsumbĩkĩ wa mosumbĩ onthe ma i mbaĩ? Na kw’okonĩ kwaku kwĩ vinya na ũtonyi, ũndũ kũte ũmwe ũtonya ũkũsiĩĩa we.
7
Ame Ngai waitũ, ndwaalũngya ala matwĩe nthĩ ĩno maume mbee wa andũ maku Isilaeli na kũmĩnengane kwa ũsyao wa Avalaamu mũnyanyau tene na tene?
8
Nao mamĩtũa, na makwakĩa ĩkalũ kw’o kwondũ wa syĩtwa yaku, makyasya,
9
Ethĩwa tũkookĩwa nĩ ũthũku, ũvyũ, kana ũsilĩlo, kana mũimũ, kana yũa, tũkaũngama mbee wa nyũmba ĩno, na mbee waku (nũndũ syĩtwa yaku yĩ nyũmbanĩ ĩno), na ũkwĩkaĩla thĩnanĩ witũ, naku ũkeethukĩĩsya na kũtangĩĩa.
10
Na yu, sisya, ana ma Amimoni na Moavi na kĩĩma kya Seili, ala ũtaaeka Isilaeli mamavithũkĩe, yĩla maumie nthĩ ya Misili, ĩndĩ mamathũkĩe ũtee, na matyaamananga;
11
sisya, ũndũ meũtũĩva, moke kũtũlũngya ng’ũndũnĩ yaku ĩla watũnengie yĩthĩwe ũtiĩwa.
12
Ame Ngai waitũ, ndwĩmasilĩla? Nũndũ tũti na ũtonyi wa kũkita na nguthu ĩno nene ĩla yũkĩte yũkite naitũ; o na tũtyĩsĩ wa kwĩka: ĩndĩ metho maitũ me vala ũĩ.
13
Na Yuta onthe maũngama mbee wa Yeova, vamwe na syana syoo nini, na iveti syoo, na ana moo.
14
Na ĩndĩ Veva wa Yeova ooka ĩũlũ wa Yaanzieli mwana wa Nzekalia mwana wa Mbenaia, mwana wa Yeieli, mwana wa Matania, Mũlivai wa ana ma Asavu, ũmbanonĩ katĩ;
15
na asya, Ĩthukĩĩsyei, Yuta inyw’onthe, na inyw’ĩ ala mũtwĩe Yelusaleme, na we mũsumbĩ Yeosavati: Ũũ nĩw’o Yeova ũnũũmwĩa, Mũikakĩe, o na mũikateve ũndũ wa nguthu ĩno nene; nũndũ kaũ ti wenyu, ĩndĩ wa Ngai.
16
Ũnĩ theeai mũkite nao: sisyai, nĩmekwambatĩla kyambatonĩ kya Nzisi; na mũkamethĩa mũthelelonĩ wa kyanda, kwelekela weũnĩ wa Yelueli.
17
Mũtikethĩwa na vata wa kũkita kaũnĩ ũũ: ĩlũlũmĩlyei, ũngamai, mwone ũtangĩĩo wa Yeova ũla wĩ vamwe nenyu, inyw’ĩ Yuta na Yelusaleme; mũikakĩe, o na mũikatave: ũnĩ ũmaalai mũkite nao; nũndũ Yeova e vamwe nenyu.
18
Na Yeosavati akunamya mũtwe wake ũthyũ wake welekele nthĩ; na Yuta onthe na ala matwĩe Yelusaleme mavalũka mbee wa Yeova, makĩthaitha Yeova.
19
Na Alivai, ma ana ma Akoathi na ma ana ma Akola, maũngama mataĩe Yeova, Ngai wa Isilaeli, na wasya mũnene mũno.
20
Na mookĩla kĩoko tene na maumaala maende weũnĩ wa Tekoa: na makyumaala Yeosavati aũngama na asya Mbĩthukĩĩsya, we Yuta, na inyw’ĩ ala mũtwĩe Yelusaleme: ĩkĩĩai Yeova Ngai wenyu, naw’o mũkalũiũmĩlw’a; ĩkĩĩai athani make, naw’o mũkaathimĩka.
21
Na amina kũsũanĩa na andũ, amaia ala memwinĩa Yeova, na kũtaĩa na ũseo wa ũtheu, makyumaala matongoesye ita, makyasya, Mũtũngĩei Yeova mũvea; nũndũ ũseo wake wĩ wendo nĩwĩkalaa tene na tene.
22
Na yĩla mambĩlĩlye kwina na kũtaĩa, Yeova aia oveesya moveesye ana ma Amimoni, na Moavi, na kĩĩma kya Seili, ala mookie kũkita na Yuta; na makũnwa.
23
Nũndũ ana ma Amimoni na Moavi maũngamie mokite na ala matwĩe kĩĩmanĩ kya Seili, nĩ kana mamoae na kũmamina vyũ: na yĩla mamaminie ala matwĩe Seili, kĩla ũmwe aminana na ũla ũngĩ.
24
Na yĩla Yuta mavikie mwakonĩ mũtũlu wa mũnyoolo wa kũsyaĩĩsya wĩ weũnĩ, masisya ĩ nguthu; na, sisya, maĩ simba ivalũkangĩte nthĩ, na vati ũmwe waavonoka.
25
Na yĩla Yeosavati na andũ make mookie mose mũtavo woo, moona katĩ woo ũthwii mwingĩ na simba, na mĩio ya wanake yĩ thooa mũnene, ĩla meetusĩe, kũvĩtũka ũndũ maĩ matonya kũtwaa: na meethĩwa na mĩthenya ĩtatũ makĩtava mũtavo, nũndũ waĩ mwingĩ mũno.
26
Na mũthenya wa kana moombana mwandanĩ wa Mbelaka; na vau mamũtaĩa Yeova: kwondũ wa ũu syĩtwa ya vandũ vau veetwa Mwanda wa Mbelaka kũvika ũmũnthĩ.
27
Nĩvo ĩndĩ masyokie, kĩla mũndũ wa Yuta na Yelusaleme, na Yeosavati amatongoesye, masyoke Yelusaleme ĩngĩ na ũtanu; nũndũ Yeova atumie matana ĩũlũ wa amaitha moo.
28
Na mavika Yelusaleme nyũmbanĩ ya Yeova me na inanda na mbeve na masoo.
29
Na kũmũkĩa Ngai kwaĩ mosumbĩnĩ onthe ma i nthĩ, yĩla meewie kana Yeova nĩwokitie na amaitha ma Isilaeli.
30
Kwondũ wa ũu ũsumbĩ wa Yeosavati waĩ na mũuo; nũndũ Ngai wake nĩwamũnengie ũthũmũo ngalĩ syonthe.
31
Na Yeosavati asumbĩka Yuta: yĩla wambĩlĩlye kũsumbĩka aĩ wa myaka mĩongo ĩtatũ na ĩtano; na asumbĩka myaka mĩongo ĩlĩ na ĩtano Yelusaleme: na syĩtwa ya inyia wake eetawa Asuva mwĩĩtu wa Silii.
32
Na aendaa mũendelenĩ wa Asa ĩthe wake, na ndaathũkĩla ũtee, akĩka ũla Yeova wonaa wĩ ũseo.
33
Ĩndĩ kũla kũndũ kũtũlu kũtyaavetwa; o na andũ matyaamba kũlũlũmĩlya ngoo syoo vala ve Ngai wa aaĩthe moo.
34
Na ĩndĩ meko ala angĩ ma Yeosavati, ma mbee na ma mũminũkĩlyo, sisya, nĩmaandĩkĩtwe maandĩkonĩ ma Yeu mwana wa Aanani, ũla ũwetetwe ĩvukunĩ ya asumbĩ ma Isilaeli.
35
Na ĩtina wa ũu Yeosavati mũsumbĩ wa Yuta eew’ana na Aasia mũsumbĩ wa Isilaeli; ũsu nĩwekaa ũthũku mũno:
36
na eew’ana nake maseũvye ngalawa sya kũthi Talisisi; na maseũvisya ngalawa ku Esioni‐ngeveli.
37
Na ĩndĩ Elieseli mwana wa Ndotavau wa Malesa amwathanĩa Yeosavati, akyasya, Nĩkwĩthĩwa nĩwĩw’anĩte na Aasia, Yeova nĩwanangĩte mawĩa maku. Na ngalawa syatũlĩka, ũndũ itaĩ itonya kũthi Talisisi.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36