bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
2 Chronicles 33
2 Chronicles 33
Kamba (Mbivilia) 1956
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Manase aĩ wa myaka ĩkũmi na ĩlĩ yĩla wambĩlĩlye kũsumbĩka; na asumbĩka myaka mĩongo ĩtano na ĩtano Yelusaleme.
2
Na eekaa ũla Yeova wonaa wĩ ũthũku, akĩatĩĩa mothatyo ma mbaĩ ila Yeova walũngilye syume mbee wa ana ma Isilaeli.
3
Nũndũ nĩwatũngĩĩie ĩngĩ kũla kũndũ kũtũlu kũla Esekia ĩthe wake wanangĩte; na ookĩlya ĩthembeo kwondũ wa Mbaalimu, na aseũvya Aselothi, na athaitha nguthu yonthe ya ĩtunĩ, na kũmĩthũkũmaa.
4
Na aaka ithembeo nyũmbanĩ ya Yeova, ĩla Yeova waisye ũndũ wayo, Yelusaleme nĩvo syĩtwa yakwa yĩkethĩwa tene na tene.
5
Na aakĩa nthĩnĩ wa nza syelĩ sya nyũmba ya Yeova ithembeo kwondũ wa nguthu yonthe ya ĩtunĩ.
6
O na avĩtĩlya syana syake mwakinĩ kyandanĩ kya mwana wa Inomu; na aingasya nyũnyi, na eekaa maũndũ ma mowe, na eekaa mooi, na akũlasya ala mesene na maveva, na oombasya ithitũ; eekaa mũno ũla Yeova wonaa wĩ ũthũku, akĩmũthatya.
7
Na aũngamya mũvw’anano mwasũvye, ũla wasũvĩtye, nyũmbanĩ ya Ngai, ĩla Ngai wamũtavisye Ndaviti na Solomoni mwana wake ũndũ wayo, Nyũmbanĩ ĩno, na ku Yelusaleme, ĩla nĩnyuvĩte mbaĩnĩ syonthe sya Isilaeli, ngekalya syĩtwa yakwa tene na tene:
8
o na ndikaveta kũũ kwa Isilaeli ĩngĩ kuma nthĩ ĩla namatw’ĩĩe aaĩthe menyu, ethĩwa no makasũvĩaa w’onthe ũla nameaĩe, o mĩao yonthe na myamũlo na motw’ĩo ala manenganĩtwe nĩ Mose.
9
Na Manase asesenga Yuta na ala matwĩe Yelusaleme, na nĩmeekie ũthũku kwĩ mbaĩ ila Yeova waanangie mbee wa ana ma Isilaeli.
10
Na Yeova aneena na Manase, na andũ make; ĩndĩ matyaaĩw’a.
11
Kwondũ wa ũu Yeova amaetee makavutenĩ ma nguthu ya mũsumbĩ wa Asuli, ala mamũtwaie Manase e mwove na mĩnyololo, na mamwova na mbĩngũ, na mamũtwaa Mbaviloni.
12
Na yĩla waĩ thĩnanĩ, amwĩsũva Yeova Ngai wake, na eenyivya mũno mbee wa Ngai wa aaĩthe make.
13
Na amwĩsũva; nake eesũvĩka nĩwe, na eew’a wĩsũvano wake, na amũtũnga ĩngĩ Yelusaleme ũsumbĩnĩ wake. Nĩvo ĩndĩ Manase wamanyie kana Yeova nĩwe Ngai.
14
Na ĩtina wa ũu aaka ũvai wa ũtee wa ndũa ya Ndaviti, ngalĩ ya ũthũĩlonĩ wa syũa ya Ngioni, kyandanĩ, o kũvĩka ũlikĩlonĩ mbingĩlonĩ ya makũyũ; na athyũlũlũkya Oveli ngalĩ syonthe naw’o, na ootũlya watũla mũno: na aia makavuteni me ũkũmbaũ ndũanĩ syonthe mbiie sya Yuta.
15
Na aveta ngai ngeni, na mũvw’anano wĩ nyũmbanĩ ya Yeova, na ithembeo syonthe ila waĩ anaaka kĩĩmanĩ kya nyũmba ya Yeova, na ku Yelusaleme, na asyĩkya ũtee wa ndũa.
16
Na aaka kĩthembeo kya Yeova, na athemba ĩũlũ wakyo nthembo sya nthembo sya mũuo na sya mũvea, na eeaĩa Yuta mathũkũme Yeova, Ngai wa Isilaeli.
17
Ĩndĩ andũ nĩmathembeaa kũla kũndũ kũtũlu, ĩndĩ no kũmũthembea Yeova Ngaĩ woo e weka.
18
Na ĩndĩ meko ala angĩ ma Manase, na kũvoya kwake kwa Ngai wake, na ndeto sya oni ala maneenie nake syĩtwanĩ ya Yeova, Ngai wa Isilaeli, sisya, nĩmaandĩkĩtwe maandĩkonĩ ma meko ma asumbĩ ma Isilaeli.
19
O na mboya yake, na ũndũ Ngai wesũvĩkie nĩwe, na naĩ yake yonthe na ĩvĩtyo yake, na kũndũ kũla wakie kũla kũndũ kũtũlu, na akũũngamya Aselimu na mĩvw’anano myasũvye, atanamba kwĩnyivya, sisya, nĩmaandĩkĩtwe maandĩkonĩ ma Osai.
20
Na ĩndĩ Manase akoma na aaĩthe make, na mamũthika nyũmbanĩ yake mwene: na Amoni mwana wake asũmbĩka vandũ vake.
21
Amoni aĩ wa myaka mĩongo ĩlĩ na ĩlĩ yĩla wambĩlĩlye kũsumbĩka; na asumbĩka myaka ĩlĩ Yelusaleme.
22
Na eekaa ũla Yeova wonaa wĩ ũthũku, o tondũ Manase ĩthe wake wekie; na Amoni amĩthembeaa mĩvw’anano yonthe myasũvye ĩla Manase ĩthe wake waseũvĩtye, na kũmĩthũkũmaa.
23
Na ndaaĩnyivĩsya Yeova tondũ Manase ĩthe wake wenyivisye; ĩndĩ Amonĩ ũsu ongeleela kũvĩtya.
24
Na athũkũmi make mamũsamĩa, na mamũaĩa nyũmbanĩ yake mwene.
25
Ĩndĩ andũ ma nthĩ ĩsu mamoaa onthe ala mamũsamĩĩte mũsumbĩ Amoni: na andũ ma nthĩ ĩsu mamũtw’ĩkĩthya Yosia mwana wake mũsumbĩ vandũ vake.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36