bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 1
Joshua 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Na kweethĩwa ĩtina wa Mose mũthũkũmi wa Yeova akw’a, Yeova aneena na Yosua mwana wa Nuni, mũthũkũmi wa Mose, akĩmwĩa,
2
Mose, mũthũkũmi wakwa, nĩ mũkw’ũ; ũkĩla ĩndĩ yu, ũinge Yolotani ũyũ, we, na andũ aa onthe, kũlika nthĩ ĩla nĩmanengae, o ana ma Isilaeli.
3
Kĩla vandũ ũnyaĩĩ wenyu ũkakinya, kũu nĩmũnengete, o tondũ namwĩie Mose.
4
Kuma weũnĩ, na vaa Levanoni, o kũvika ũla ũsĩ mũnene, o ũsĩ wa Euvalati, nthĩ yonthe ya Aititi, na kũvika ũla ũkanga mũnene welekele ũthũĩlonĩ wa syũa, ũkeethĩwa mũvaka wenyu.
5
Kũtikethĩwa mũndũ o na wĩva ũla ũkatonya kũũngama mbee waku mĩthenya yonthe ya thayũ waku: o tondũ neethĩawa na Mose, o ta ũu ngeethĩawa vamwe naku; ndikakũnyivĩa, o na ndikakũtia.
6
Ĩthĩwa na vinya na ũkũmbaũ mũnene; nũndũ ũkatuma andũ aa mosa nthĩ ĩla neevĩtĩe aaĩthe moo nĩmanenga yithĩwe ũtiĩwa.
7
Ĩndĩ ĩthĩwa na vinya na ũkũmbaũ mũnene, ũsũvĩe wĩke kwĩanana na mĩao yonthe, ĩla Mose mũthũkũmi wakwa wakwĩaĩe: ndũkaamyelelũkĩle kwelekela kw’oko kwa aũme kana kw’oko kwa aka, nĩ kana ũathimĩke o vala wĩthi.
8
Ĩvuku yĩĩ ya mĩao yĩtikaaume kanyw’anĩ waku, ĩndĩ wĩmĩsũanĩaa mũthenya na ũtukũ, nĩ kana ũsũvĩe wĩke kwĩanana na w’onthe ũla ũandĩkĩtwe nthĩnĩ wayo: nũndũ nĩvo ĩndĩ wĩaĩlya nzĩa yaku, na nĩvo wĩĩka na kĩlĩko.
9
Ndikwĩaĩte? Ĩthĩwa na vinya na ũkũmbaũ mũnene; ndũkaakĩe, o na ndũkaateve: nũndũ Yeova Ngai waku e vamwe naku o kũla wĩthi.
10
Nĩvo ĩndĩ Yosua weaĩe anene ma andũ, akĩmea,
11
Vĩtĩlai katĩ wa mwako wa maeema, na mũkĩaĩa andũ, mũkĩmea, Seũvyai lĩu; nũndũ katĩ wa mĩthenya ĩtatũ mũkainga Yolotani ũyũ, mũlike mũmĩmesye nthĩ, ĩla Yeova Ngai wenyu ũmũnengae mũmĩmesye.
12
Na Yosua aneena na Aleuveni na Angati na ĩla nyunzu ya mbaĩ ya Manase, akĩmea,
13
Lilikanai ndeto ĩla Mose mũthũkũmi wa Yeova wamwĩaĩe, akĩmwĩa, Yeova Ngai wenyu nũmũnengaa kũthũmũa, na akamũnenga nthĩ ĩno.
14
Iveti syenyu, na syana nini syenyu, na indo syenyu, ikekala nthĩ ĩla Mose wamũnengie mũingo wa Yolotani; ĩndĩ inyw’ĩ, ngũmbaũ nene syonthe, mũkavĩte mbee wa ana‐a‐ĩthe menyu mwĩkĩĩte mĩio ya kaũ, na mũkamatethye;
15
kũvika Yeova amanenga ana‐a‐ĩthe menyu kũthũmũa, o tondũ ũmũnengete, namo meethĩwa mamĩmeetye nthĩ ĩla Yeova Ngai wenyu ũmanengae: nĩvo ĩndĩ mwĩsyoka nthĩ ĩla ng’ũndũ yenyu, na mũimĩmesya, ĩla Mose mũthũkũmi wa Yeova wamũnengie mũingo wa Yolotani kwelekela wumĩlonĩ wa syũa.
16
Na masũngĩa Yosua, makĩmwĩa, Ũu w’onthe ũla ũtwĩaĩte ũkeeka, na o vala wĩtũtũma tũkathi.
17
O tondũ twamwĩthukĩĩasya Mose maũndũnĩ onthe, o ta ũu tũkakwĩthukĩĩasya: ĩndĩ Yeova Ngai waku nĩethĩwe naku, o tondũ wethĩawa na Mose.
18
O ũla wĩng’endea mĩao yaku na ailea kwĩthukĩĩsya ndeto syaku nthĩnĩ wa onthe ala wĩmwĩaĩa, nake akooawa: ĩndĩ ĩthĩwa na vinya na ũkũmbaũ mũnene.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24