Joshua 13

Kamba (Mbivilia) 1956

← Chapter 12 Jump to: Chapter 14 →

1Na ĩndĩ Yosua aĩ mũkũu na wa myaka mingĩ; na Yeova amwĩa, Wĩ mũkũu na wa myaka mingĩ, na kũtiele o na yu nthĩ nene mũno ya kwoswa yĩthĩwe ng’ũndũ yenyu.

2Nthĩ ĩla itiele o na yu nĩ ĩno: nthĩ syonthe sya Avilisiti, na Angesuli onthe;

3kuma ũsĩ wa Sioli, ũla ũthengeee Misili, o na kũvika mũvakanĩ wa Ekiloni welekele ngalĩ ya ĩũlũ, nthĩ ĩla ĩtalawa ya Akanaani: na eaĩi atano ma Avilisiti; na Angasa, na Aasitoti, na Aasikeloni, na Angiti, na Aekiloni; o na Aavi,

4ngalĩ ya ĩtheo; nthĩ yonthe ya Akanaani, na Meala ĩla ya Asitoni, kũvika Aveki, kũvika mũvakanĩ wa Aamoli;

5na nthĩ ya Angevali, na Levanoni w’onthe, kwelekela wumĩlonĩ wa syũa, kuma Mbaali‐ngati ĩtheo wa kĩĩma kya Elimoni kũvika ũlikĩlonĩ wa ku Amathi;

6onthe ala matwĩe nthĩ yĩ iĩma kuma Levanoni kũvika Misilevothi‐maimu, o Asitoni onthe; asu ngamalũngya kuma mbee wa ana ma Isilaeli: ĩndĩ wĩaan’ya kwa kũlimana yĩthĩwe ya Isilaeli ũtiĩwa woo, o tondũ nĩkwĩaĩte.

7Na ĩndĩ kwondũ wa ũu wĩaan’ya nthĩ ĩsu yĩthĩwe ũtiĩwa wa ila mbaĩ kenda, na nyunzu ya mbaĩ ya Manase.

8Vamwe nayo Aleuveni na Angati nĩmoosie ũtiĩwa woo, ũla Mose wamanengie, mũingo wa Yolotani kwelekela ngalĩ ya wumĩlonĩ wa syũa, o tondũ Mose mũthũkũmi wa Yeova wamanengie:

9kuma Aloeli, ĩla yĩ ũtee wa mwanda wa Alinoni, na ndũa ĩla yĩ mwandanĩ katĩ, na ũiĩ w’onthe wa Meteva kũvika Ndivoni;

10na ndũa syonthe sya Sioni mũsumbĩ wa Aamoli, ũla wasumbĩkie Esivoni, kũvika mũvakanĩ wa ana ma Amimoni;

11na Ngileati, na mũvaka wa Angesuli na Amaaka, na kĩĩma kyonthe kya Elimoni, na Mbasani yonthe kũvika Saleka;

12ũsumbĩko w’onthe wa Oku ku Mbasani, ũla wasumbĩkie Asetalothi na Atilei (o asu nĩmatialĩte ma ũtialo wa Alevai); nũndũ Mose amakũnie asu, na amalũngya.

13Ĩndĩ ana ma Isilaeli matyaalũngya Angesuli, o na Amaaka, ĩndĩ Angesuli na Amaaka matũaa katĩ wa Isilaeli kũvika mũnthĩ ũũ.

14Ĩndĩ mbaĩ ya Livai ndaamĩnenga ũtiĩwa; nthembo sya Yeova, Ngai wa Isilaeli, ivĩvaw’a na mwaki nĩsyo ũtiĩwa woo, o tondũ wamatavisye.

15Na Mose anenga mbaĩ ya ana ma Leuveni nthĩ kwĩanana na mĩvĩa yoo.

16Na mũvaka woo waĩ kuma Aloeli, ĩla yĩ ũtee wa mwanda wa Alinoni, na ndũa ĩla yĩ mwandanĩ katĩ, na ũiĩ w’onthe wa vakuvĩ na Meteva;

17na Esivoni, na ndũa syonthe syayo ila syĩ ũiĩnĩ; na Ndivoni, na Mbamothi‐mbaali, na Mbethi‐mbaali‐meoni,

18na Yaasa, na Ketemothi, na Mevaathi,

19na Kiliathaimu, na Sivima, na Nzelethi‐saali kalĩmanĩ ke mwandanĩ,

20na Mbethiveoli, na ĩvaũũko sya Visika, na Mbethi‐yesimothi,

21na ndũa syonthe sya ũiĩ, na ũsumbĩko w’onthe wa Sioni mũsumbĩ wa Aamoli, ũla wasumbĩkie ku Esivoni, ũla Mose wakũnie vamwe na anene ma Mitiani, Evi, na Lekemu, na Nzuli, na Uulu, na Leva, ala anene me mbee ũsumbĩnĩ wa Sioni, ala matwĩe nthĩ ĩsu.

22Mbalaamu nake mwana wa Mbeoli, ũla wathanaa maũndũ, ana ma Isilaeli mamũaa na ũvyũ vamwe na ala angĩ mooaie.

23Na mũvaka wa ana ma Leuveni waĩ Yolotani, o ngũkanĩ yaw’o. Ũsu waĩ ũtiĩwa wa ana ma Leuveni kwĩanana na mĩvĩa yoo, o ndũa syoo, na mĩsyĩ yoo.

24Na Mose anenga mbaĩ ya Ngati, o ana ma Ngati, nthĩ kwĩanana na mĩvĩa yoo.

25Na mũvaka woo waĩ Yaseli, na ndũa syonthe sya Ngileati, na nyunzu ya nthĩ ya ana ma Amimoni, kũvika Aloeli ĩla yelekele Lava;

26na kuma Esivoni kũvika Lamathi‐misive, na Mbetonimu; na kuma Maanaimu kũvika mũvaka wa Ndevili;

27na mwandanĩ, Mbethi‐alamu, na Mbethinimila, na Sũkothi, na Nzavoni, ũtialo wa ũsumbĩko wa Sioni mũsumbĩ wa Esivoni, ku Yolotani ngũkanĩ yaw’o, kũvika mũthelelo wa ũkanga wa Kinelethi mũingo wa Yolotani kwelekela ngalĩ ya wumĩlonĩ wa syũa.

28Ũsu nĩw’o ũtiĩwa wa ana ma Ngati, ndũa syoo na mĩsyĩ yoo, kwĩanana na mĩvĩa yoo.

29Na Mose anenga ĩla nyunzu ya mbaĩ ya Manase ũtiĩwa: na waĩ kwondũ wa ĩla nyunzu ya mbaĩ ya Manase kwĩanana na mĩvĩa yoo.

30Na mũvaka woo waĩ kuma Maanaimu, Mbasani yonthe, ũsumbĩko w’onthe wa Oku mũsumbĩ wa Mbasani, na tũtũla tw’onthe twa Yaili tũla twĩ Mbasani, o ndũa mĩongo thanthatũ:

31na nyunzu ya Ngileati, na Asetalothi, na Atilei, ndũa sya ũsumbĩko wa Oku ku Mbasani, syaĩ sya ana ma Makili mwana wa Manase, o asu nyunzũ ya ana ma Makili kwĩanana na mĩvĩa yoo.

32Asu nĩmo motiĩwa ala Mose waaanisye ndiĩnĩ sya Moavi, mũingo wa Yolotani ku Yelĩko, kwelekela ngalĩ ya wumĩlonĩ wa syũa.

33Ĩndĩ mbaĩ ya Livai Mose ndaamanenga ũtiĩwa: Yeova, Ngai wa Isilaeli, nĩ ũtiĩwa woo, o tondũ wamatavisye.

← Chapter 12 Jump to: Chapter 14 →