Joshua 19

Kamba (Mbivilia) 1956

← Chapter 18 Jump to: Chapter 20 →

1Na mũlimano wa kelĩ waumĩla wa Simeoni, o kwondũ wa mbaĩ ya ana ma Simeoni kũatĩĩa mĩvĩa yoo: na ũtiĩwa woo waĩ katĩ wa ũtiĩwa wa ana ma Yuta.

2Na ũtiĩwa woo waĩ Mbeeli‐sieva, kana Sieva, na Molata,

3na Asali‐suali, na Mbala, na Esemu,

4na Elitolati, na Mbethuli, na Olima,

5na Nzikilaki, na Mbethi‐malikavothi, na Asali‐susa,

6na Mbethi‐levaothi, na Salueni; ndũa ĩkũmi na itatũ na mĩsyĩ yasyo:

7na Aini, na Limoni, na Etheli, na Asani; ndũa inya na mĩsyĩ yasyo:

8na mĩsyĩ yonthe ĩla ĩthyũlũlũkĩte ndũa isu kũvika Mbaalathi‐mbeeli, Lama ya ngalĩ ya ĩtheo. Ũsu nĩw’o ũtiĩwa wa mbaĩ ya ana ma Simeoni kũatĩĩa mĩvĩa yoo.

9Ũtiĩwa wa ana ma Simeoni waĩ kuma kĩlungunĩ kya ana ma Yuta; nũndũ kĩanda kya ana ma Yuta kyaĩ kĩnene kwoo: kwondũ wa ũu ana ma Simeoni maĩ na ũtiĩwa katĩ wa ũtiĩwa woo.

10Na mũlimano wa katatũ waumila wa ana ma Nzevuluni kũatĩĩa mĩvĩa yoo. Na mũvaka wa ũtiĩwa woo wavika Saliti;

11na mũvaka woo wambata kwelekela ngalĩ ya ũthũĩlonĩ wa syũa, o kũvika Malala, na wavika Ndavesethi; na wavika kalũsĩ kala kathengeee Yokineamu:

12na weelingĩla kuma Saliti kwelekela ngalĩ ya wumĩlonĩ wa syũa kwelekela vala syũa yumĩlaa kũvika mũvaka wa Kisilothi‐tavoli; na waumĩla wavika Ndavelathi, na wambata kũvika Yavia;

13na kuma vau waendeea kwelekela wumĩlonĩ wa syũa kũvika Ngathi‐eevieli, kũvika Ethi‐kasini; na waumĩlĩla ku Limoni ũla ũvikĩte Nea;

14na mũvaka wamĩthyũlũlũka ngalĩ ya ĩũlũ yayo kũvika Anathoni; na umalĩlo waw’o waĩ mwandanĩ wa Ivita‐eli;

15na Katathi, na Naalali, na Similoni, na Itala, na Mbethi‐leemu: ndũa ĩkũmi na ilĩ na mĩsyĩ yasyo.

16Ũsu nĩw’o ũtiĩwa wa ana ma Nzevuluni kũatĩĩa mĩvĩa yoo, ndũa ĩsu na mĩsyĩ yasyo.

17Mũlimano wa kana waumĩla wa Isakali, o kwondũ wa ana ma Isakali, kũatĩĩa mĩvĩa yoo.

18Na mũvaka woo wavika Yesileeli, na Kesulothi, na Sunemu,

19na Avalaimu, na Siioni, na Anaalathi,

20na Lavithi, na Kisioni, na Evesu,

21na Lemethi, na Eni‐nganimu, na Eni‐aata, na Mbethi‐vasesi,

22na mũvaka wavika Tavoli, na Saasima, na Mbethi‐semesi; na umalĩlo wa mũvaka woo waĩ Yolotani; ndũa ĩkũmi na thanthatũ na mĩsyĩ yasyo.

23Ũsu nĩw’o ũtiĩwa wa mbaĩ ya ana ma Isakali kũatĩĩa mĩvĩa yoo, ndũa na mĩsyĩ yasyo.

24Na mũlimano wa katano waumĩla wa mbaĩ ya ana ma Aseli kũatĩĩa mĩvĩa yoo.

25Na mũvaka woo waĩ Elikathi, na Aali, na Mbeteni, na Akisavu,

26na Alamelekĩ, na Amati, na Misaali; na wavika Kalimeli kwelekela ngalĩ ya ũthũĩlonĩ wa syũa, na kũvika Siolilivinathi;

27na weelelũka welekela wumĩlonĩ wa syũa kũvika Mbethi‐ndakoni, na wavika Nzevuluni, na wavika mwanda wa Ivita‐eli kwelekela ngalĩ ya ĩũlũ kũvika Mbethi‐emeki na Neieli; na waumĩla ku Kavuli ngalĩ ya kw’oko kwa aka,

28na Eviloni, na Leovu, na Amumoni, na Kana, o kũvika Sitoni ĩla nene;

29na mũvaka weelelũka kũvika Lama, na kũvika ndũa mbiie ya Tile; na mũvaka weelelũka kũvika Osa; na umalĩlo waw’o waĩ ũkanganĩ vakuvĩ na nthĩ ya Akisivu;

30o na Uma, na Aveki, na Leovu: ndũa mĩongo ĩlĩ na ilĩ na mĩsyĩ yasyo.

31Ũsu nĩw’o ũtiĩwa wa mbaĩ ya ana ma Aseli kũatĩĩa mĩvĩa yoo, ndũa isu na mĩsyĩ yasyo.

32Mũlimano wa thanthatũ waumĩla wa ana ma Navitali, o kwondũ wa ana ma Navitali kũatĩĩa mĩvĩa yoo.

33Na mũvaka woo waĩ kuma Elevi, kuma mũtĩ wa mwaloni wĩ Nzananimu, na Atami‐nekevu, na Yavineeli, kũvika Lakumu; na umalĩlo waw’o waĩ Yolotani;

34na mũvaka weelelũka kwelekela ngalĩ ya ũthũĩlonĩ wa syũa kũvika Asinothitavoli, na waumĩla vau kũvika Ukoki; na wavika Nzevuluni ngalĩ ya ĩtheo, na wavika Aseli ngalĩ ya ũthũĩlonĩ wa syũa, na kũvika Yuta ku Yolotani kwelekela wumĩlonĩ wa syũa.

35Na ndũa mbiie sya Nzitimu, na Seli, na Amimathi, na Lakathi, na Kinelethi,

36na Atama, na Lama, na Asoli,

37na Ketesi, na Etilei, na Eni‐asoli,

38na Iloni, na Mikitali‐eli, na Olemu, na Mbethi‐anathi, na Mbethi‐semesi; ndũa ĩkũmi na kenda na mĩsyĩ yasyo.

39Ũsu nĩw’o ũtiĩwa wa mbaĩ ya ana ma Navitali kũatĩĩa mĩvĩa yoo, ndũa isu na mĩsyĩ yasyo.

40Mũlimano wa mũonza waumĩla wa mbaĩ ya ana ma Ndani kũatĩĩa mĩvĩa yoo.

41Na mũvaka wa ũtiĩwa woo waĩ Nzola, na Esitaoli, na Ilisemesi,

42na Saalavini, na Aiyaloni, na Ithila,

43na Eloni, na Timina, na Ekiloni,

44na Eliteke, na Ngivethoni, na Mbaalathi,

45na Yeuti, na Mbene‐mbelaki, na Ngathi‐limoni,

46na Me‐yalikoni, na Lakoni, vamwe na mũvaka ũla wĩ vakuvĩ Yova.

47Na mũvaka wa ana ma Ndani waumĩla mbee woo: nũndũ ana ma Ndani mambata na mokita na Lesemu, na mamĩkwata, na mamĩkũna kwa kũtemanga na ũvyũ, na mamĩmesya, na mekala kw’o, na mamĩta Lesemu, Ndani, o ta syĩtwa ya ĩthe woo Ndani.

48Ũsu nĩw’o ũtiĩwa wa mbaĩ ya ana ma Ndani kũatĩĩa mĩvĩa yoo, ndũa isu na mĩsyĩ yasyo.

49O ta ũu mamina kũaan’ya nthĩ kwondũ wa ũtiĩwa kũatĩĩa mĩvaka yayo; na ana ma Isilaeli manenga Yosua wa Nunĩ ũtiĩwa katĩ woo:

50kwĩanana na mwĩao wa Yeova mamũnenga ndũa ĩla wetisye, o Timinathi‐selaa yĩ nthĩ yĩ iĩma ya Evalaimu; na aaka ndũa ĩsu, na atũa nthĩnĩ wayo.

51Asu nĩmo motiĩwa ala mũthembi Eleasali na Yosua mwana wa Nuni, na atongoi ma nyũmba sya aaĩthe ma mbaĩ sya ana ma Isilaeli, maaanisye kwa kũlimana ku Silo kũla kwĩ Yeova, mũomonĩ wa ĩeema ya kũmbanĩa, methĩwe motiĩwa. O ta ũu mamina kũaan’ya nthĩ.

← Chapter 18 Jump to: Chapter 20 →