bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 2
Joshua 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Na Yosua mwana wa Nuni atũma andũ elĩ kuma Sitimu na kĩmbithĩ makathiane, akĩmea, Endai, mũsisye nthĩ, na Yeliko. Na mathi, na malika nyũmba ya ĩlwaya yĩla syĩtwa yayo yeetawa Laavi, na makoma vo.
2
Na mũsumbĩ wa Yeliko atavw’a, akĩw’a, Sisya, nĩkwalika kũũ andũ ma ana ma Isilaeli ũtukũ ũũ mathiane nthĩ.
3
Na mũsumbĩ wa Yeliko atũmana kwa Laavi, akĩmwĩa, Umaalya andũ ala mokie kwaku, ala malikile nyũmba kwaku; nũndũ nĩmokie mathiane nthĩ yonthe.
4
Na ũla mũndũ mũka oosa andũ asu elĩ, na amavitha; na asya, Ĩĩ, andũ asu nĩmokie kwakwa, ĩndĩ ndinamanya kũla maumĩte:
5
na kweethĩwa o ta ĩvinda ya kũvinga mbingĩlo, kwatuka, ala andũ maumaala; kũla andũ asu mathi ndyĩsĩ: maatĩĩei mĩtũkĩ; nũndũ nĩmũũmakwata.
6
Ĩndĩ aĩ anamatwaa kĩalanĩ ĩũlũ, na ũmavitha na ũa wa katane ũla walanĩtye kĩalanĩ.
7
Na andũ asu mamaatĩĩa nzĩanĩ ĩelete Yolotani kũvika masyũkonĩ: na o yĩla asu mamaatĩĩe maumaalile, mavinga mbingĩlo.
8
Na matanakoma, ambata vala maĩ kĩalanĩ ĩũlũ;
9
na eea ala andũ, Nĩnĩsĩ atĩ Yeova nũmũnengete nthĩ ĩno, na kana kũmũkĩa nĩkwatũvalũkĩĩle, na kana onthe ala mamĩtwĩe ĩ nthĩ nĩmeũnyaĩĩka mbee wenyu.
10
Nũndũ nĩtwĩw’ĩte ũndũ Yeova wang’alĩthisye manzĩ ma Ũkanga Mũtune mbee wenyu, yĩla mwaumie Misili; na ũla mweekie asumbĩ elĩ ma Aamoli, Sioni na Oku, ala maĩ mũingo wa Yolotani, ala mwooaie vyũ.
11
Na o yĩla tweewie, ngoo sitũ syatweka, o na vatyaatiwa ũnyiau mũndũnĩ o na wĩva, nũndũ wenyu: nũndũ Yeova Ngai wenyu, nĩwe Ngai ĩũlũ ĩtunĩ, na ĩtheo nthĩ.
12
Yu ĩndĩ, nĩngũmwĩsũva mbĩavĩei na Yeova, nĩkwĩthĩwa nĩmwĩkie nesa, inyw’ĩ nenyu mwĩmĩka nesa nyũmba ya nau, na mũkĩnenga ũvano ũla wa w’o;
13
na ĩngĩ kana mwĩmaeka me thayũ nau, na mwaitũ, na ana‐a‐asa, na eĩtu‐a‐asa, na onthe ala me namo, na kũtũtangĩĩa mathayũ maitũ tũtikakw’e.
14
Na ala andũ mamwĩa, Mathayũ maitũ vandũ va menyu, ethĩwa mũtiũweta ũndũ ũũ witũ; na kũkeethĩwa, yĩla Yeova wĩtũnenga ĩ nthĩ, tũkakwĩka nesa na w’o.
15
Nĩvo ĩndĩ wamatheelelye mbũthinĩ na ĩkanda: nũndũ nyũmba yake yaĩ wakonĩ wa ũvai wa ndũa, na atũĩte ũvainĩ.
16
Na amea, Endai kĩĩmanĩ, ala mamũatĩĩe matikamũwĩle; na ĩvithei vo matukũ atatũ, mũvaka ala mamũatĩĩe masyoka: na ĩtina wa ũu nĩmũtonya kwĩendea.
17
Na ala andũ mamwĩa, Ithyĩ tũkeethĩwa tũte na ĩvĩtyo wĩvĩtonĩ ũũ waku ũla watuma twĩvĩta.
18
Sisya, yĩla twĩlika ĩ nthĩ, nĩwĩovelela ĩkanda yĩĩ ya ũlii mũtune mbũthinĩ ĩla watũtheelelya: na wĩmombanĩsya nyũmbanĩ yaku au, na mwenyu, na ana‐a‐au, na andũ onthe ma nyũmba ya au.
19
Na kũkeethĩwa, o ũla wĩumaala mĩomonĩ ya nyũmba yaku athi nzĩanĩ nene, nthakame yake ĩkeethĩwa ĩũlũ wa mũtwe wake, naitũ tũkeethĩwa tũte na ĩvĩtyo: na o ũla ũkethĩwa vamwe naku nyũmbanĩ, nthakame yake ĩkeethĩwa ĩũlũ wa mĩtwe yaitũ, ethĩwa kw’oko o na kwĩva kũkeethĩwa ĩũlũ wake.
20
Ĩndĩ ethĩwa nũũweta ũndũ ũũ witũ, nĩvo ĩndĩ tũkethĩwa tũte na ĩvĩtyo wĩvĩtonĩ waku ũla watuma twĩvĩta.
21
Na amea, Nĩkwĩthĩwe kwĩanana na ndeto syenyu. Na amea mathi, namo maenda: nake ovelela ũlii mũtune mbũthinĩ.
22
Namo mathi, na mavika kĩĩmanĩ, na mekala vo matukũ atatũ, mũvaka ala mamaatĩĩe masyoka: na ala mamaatĩĩe mamamantha nzĩanĩ yonthe, ĩndĩ matyaamona.
23
Nĩvo ĩndĩ andũ asu elĩ masyokie, na matheea kuma kĩĩmanĩ, na mainga, na mavika vala Yosua mwana wa Nuni ũĩ; na mamũtavya onthe ala mamakĩtĩkĩe.
24
Na mamwĩa Yosua, Nĩ w’o, Yeova nĩwanenganie mokonĩ maitũ nthĩ ĩno yonthe; na mbee wa ũu onthe ala matwĩe nthĩ ĩsu nĩmeũnyaĩĩka mbee waitũ.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24