bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 24
Joshua 24
Kamba (Mbivilia) 1956
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Na Yosua oomban’ya mbaĩ syonthe sya Isilaeli ku Sekemu, na ameta atumĩa ma Isilaeli, na atongoi moo, na asili moo, na anene ma kwoo; nao meeyonan’ya mbee wa Yeova.
2
Na Yosua amea andũ onthe, Ũũ nĩw’o Yeova, Ngai wa Isilaeli, ũnũkwasya, Aaĩthe menyu nĩmatũaa tene mũingo wa ũla Ũsĩ, o Tela, ĩthe wa Avalaamu, na ĩthe wa Neoli: na nĩmathũkũmaa ngai ingĩ.
3
Na noosa ĩthe wenyu Avalaamu kũmumya mũingo wa ũla Ũsĩ, na namũtongoeasya katĩ wa nthĩ yonthe ya Kanaani, na naingĩvya ũsyao wake, na namũnenga Isaka.
4
Na namũnenga Isaka, Yakovo na Esau: na namũnenga Esau kĩĩma kya Seili, kĩthĩwe ng’ũndũ yake; na Yakovo na ana make matheea Misili.
5
Na natũma Mose na Aluni, na nathĩn’ya Misili, kwĩanana na ũndũ neekie katĩ wayo: na ĩtina namumya.
6
Na naumya aaĩthe menyu Misili: na mavika ũkanganĩ; na Amisili mamaatĩĩa aaĩthe menyu na makasya ma kaũ na andũ matũlĩte mbalasi kũvika Ũkanga Mũtune.
7
Na yĩla mamwĩkaĩlile Yeova, eekĩa kĩvindu katĩ wenyu na Amisili, na aete ũkanga ĩũlũ woo, na amavw’ĩka; na metho menyu moona ũndũ neekie Misili: na nĩmwekalaa weũnĩ mĩthenya mingĩ.
8
Na namũete nthĩ ya Aamoli, ala matwĩe mũingo ũya wa Yolotani: na mokita nenyu; na namanengane kw’okonĩ kwenyu, na mwamesya nthĩ yoo; na namananga mbee wenyu.
9
Nĩvo ĩndĩ Mbalaki mwana wa Nzivoli, mũsumbĩ wa Moavi, wokĩlile na okita na Isilaeli: na atũmana na amwĩta Mbalaamu mwana wa Mbeoli amũumanĩe;
10
ĩndĩ ndyaaĩtĩkĩla kũmwĩthukĩĩsya Mbalaamu; kwondũ wa ũu aendeea na ũmũathima: na ĩndĩ namũvonokya kuma kw’okonĩ kwake.
11
Na mwainga Yolotani, na mwavika Yeliko: na andũ ma Yeliko mokita nenyu, Mũamoli, na Mũvelisi, na Mũkanaani, na Mũititi, na Mũngilikasi, na Mũivi, na Mũyevusi; na namanengane kw’okonĩ kwenyu.
12
Na natũma yĩla ĩuĩ mbee wenyu, yĩla yamalũngilye, o asumbĩ asu elĩ ma Aamoli, maume mbee wenyu; na ti na ũvyũ waku, kana ũta waku.
13
Na namũnenga nthĩ vala mũtaatethya wĩa, na ndũa ĩla mũtaaka, na nĩmũtwĩe nthĩnĩ wasyo; nĩmũĩsaa kya ũya kya mĩũnda ya mĩsavivũ na mĩũnda ya mĩthata ĩla mũtaavanda.
14
Kwondũ wa ũu ĩndĩ kĩai Yeova, na mũimũthũkũma na w’o, na vate wangangan’yo; na vetai ngai ila aaĩthe menyu mathũkũmie mũĩngo wa ũla Ũsĩ, na ku Misili; na mũithũkũma Yeova.
15
Na ethĩwa nimũkwona nĩ ũthũku kũthũkũma Yeova, nyuvai ũmũnthĩ ũla mwĩthũkũmaa; ethĩwa nĩ ngai ila aaĩthe menyu mathũkũmaa ila syaĩ mũingo wa ũla Ũsĩ, kana ngai sya Aamoli, ala mũtũaa nthĩ yoo: ĩndĩ ũndũ wakwa na nyũmba yakwa, tũkathũkũmaa Yeova.
16
Na andũ masũngĩa na masya, Nĩkwĩthĩwe kũasa naitũ kũmũtia Yeova, tũthũkũmae ngai ingĩ:
17
nũndũ Yeova Ngai waitũ, nĩwe watumisye ithyĩ na aaĩthe maitũ nthĩ ya Misili, kuma nyũmbanĩ ya ũkombo, na ũla wekie syama isu nene twene, na watũsũvĩaa nzĩanĩ yonthe ĩla twaendaa nayo, na katĩ wa ngo syonthe sya andũ ila twavĩtĩle katĩ wasyo;
18
na Yeova alũngya mbee waitũ ngo syonthe sya andũ, o Aamoli ala matwĩe nthĩ ĩno: kwondũ wa ũu ithyĩ naitũ tũkathũkũmaa Yeova; nũndũ nĩwe Ngai waitũ.
19
Na Yosua amea andũ, Mũtitonya kũthũkũma Yeova; nũndũ nĩ Ngai mũtheu; na nĩ Ngai wĩ kĩwĩu; ndakamũekea mavĩtyo menyu kana naĩ syenyu.
20
Ethĩwa mũkatia Yeova, na kũthũkũma ngai ngeni, nĩvo ĩndĩ ũkethyũũa na kũmwĩka naĩ, na kũmũmina, ĩtina wa kũmwĩka nesa.
21
Na andũ mamwĩa Yosua, Aiee; ĩndĩ tũkathũkũmaa Yeova.
22
Na Yosua amea andũ, Inyw’ĩ mwĩ ngũsĩ ĩũlũ wenyu ene kana mĩmũnyuvĩte Yeova mũmũthũkũmae. Na masya, Twĩ ngũsĩ.
23
Yũ ĩndĩ vetai ngai ngeni ila syĩ katĩ wenyu, na elekelyai ngoo syenyu kwa Yeova, Ngai wa Isilaeli.
24
Na andũ mamwĩa Yosua, Tũkathũkũmaa Yeova Ngai waitũ, na tũkeethukĩĩasya wasya wake.
25
Kwondũ wa ũu Yosua atianĩa ũtianĩo na andũ mũthenya ũsu, na amaiĩa mwamũlo na ũtw’ĩo ku Sekemu.
26
Na Yosua aandĩka ndeto isu ĩvukunĩ ya mĩao ya Ngai; na oosa ĩvia ĩnene, na ayĩũngamya o vau ĩtina wa mũtĩ wa mwaloni ũla waĩ vakuvĩ na vandũ vala vatheu va Yeova.
27
Na Yosua amea andũ onthe, Sisyai, ĩvia yĩĩ yĩkatũkũsĩĩa; nũndũ nĩyĩw’ĩte ndeto syonthe sya Yeova ila waneenie naitũ: kwondũ wa ũu yĩkamũkũsĩĩa, mũtikaakaĩe Ngai wenyu.
28
Kwondũ wa ũu Yosua amombũũkya andũ mathi, kĩla mũndũ ũtiĩwanĩ wake.
29
Na kweethĩwa ĩtina wa maũndũ asu, Yosua mwana wa Nuni, mũthũkũmi wa Yeova, akw’a, e wa myaka ĩana na ĩkũmi.
30
Na mamũthika mũvakanĩ wa ũtiĩwa wake ku Timinathi‐selaa, ĩla yĩ nthĩ yĩ iĩma ya Evalaimu, ngalĩ ya ĩũlũ ya kĩĩma kya Ngaasi.
31
Na Isilaeli mathũkũmaa Yeova mĩthenya yonthe ya Yosua, na mĩthenya yonthe ya atumĩa ala mekalile thayũ kũvĩtũka Yosua, na meesĩ wĩa w’onthe wa Yeova, ũla watethisye kwondũ wa Isilaeli.
32
Na mavĩndĩ ma Yosevu, ala ana ma Isilaeli mambatisye kuma Misili, mathika ku Sekemu, kĩlungunĩ kya nthĩ kĩla Yakovo wamathooee ana ma Amolu, ĩthe wa Sekemu na ilungu ĩana sya mbesa: na matw’ĩka ũtiĩwa wa ana ma Yosevu.
33
Na Eleasali, mwana wa Aluni, akw’a; na mamũthika kĩĩmanĩ kya Vineasi mwana wake, kĩla wanengiwe nthĩ yĩ iĩma ya Evalaimu.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24