Joshua 12

Kamba (Mbivilia) 1956

← Chapter 11 Jump to: Chapter 13 →

1Na ĩndĩ aa nĩo asumbĩ ma nthĩ ĩsu, ala ana ma Isilaeli makũnie, na mamĩmesya nthĩ yoo mũingo wa Yolotani kwelekela vala syũa yumĩlaa, kuma mwanda wa Alinoni kũvika kĩĩma kya Elimoni, na Alava w’onthe kwelekela ngalĩ ya wumĩlonĩ wa syũa:

2Sioni mũsumbĩ wa Aamoli, ũla watwĩe Esivoni, na aisumbĩka kuma Aloeli, ĩla yĩ ũtee wa mwanda wa Alinoni, na ndũanĩ ĩla yĩ mwandanĩ katĩ, na nyunzu ya Ngileati, o kũvika ũsĩ wa Yavoki, mũvaka wa ana ma Amimoni;

3na ũla Alava, kũvika ũkanga wa Kinelethi, kwelekela ngalĩ ya wumĩlonĩ wa syũa, na kũvika ũkanga wa Alava, o ũsu Ũkanga wa Mũnyũ, kwelekela ngalĩ ya wumĩlonĩ wa syũa, nzĩanĩ ya kũthi Mbethi‐yesimothi; na ngalĩ ya ĩtheo, ĩtheo wa ivaũũko sya Visika:

4o na mũvaka wa Oku mũsumbĩ wa Mbasanĩ, wa ala matialĩte ma Alevai, ala matwĩe Asetalothi na Etilei,

5na asumbĩka kĩĩmanĩ kya Elimoni, na Saleka, na Mbasani yonthe, kũvika mũvakanĩ wa Angesuli na Amaaka na nyunzu ya Ngileati, mũvaka wa Sioni mũsumbĩ wa Esivoni.

6Mose mũthũkũmi wa Yeova na ana ma Isilaeli mamakũna; na Mose mũthũkũmi wa Yeova amĩnengane kwa Aleuveni, na Angati, na nyunzu ya mbaĩ ya Manase yĩthĩwe ng’ũndũ yoo.

7Na aa nĩo asumbĩ ma nthĩ ĩla Yosua na ana ma Isilaeli makũnie mũingo wa Yolotani kwelekela ngalĩ ya ũthũĩlonĩ wa syũa, kuma Mbaali‐ngati mwandanĩ wa Levanoni o na kũvika kĩĩma kya Alaki, kĩla kĩtambũũkĩte kũvika Seili (na Yosua amĩnengane kwa mbaĩ sya Isilaeli, yĩthĩwe ng’ũndũ yoo kwĩanana na ũaan’yo woo;

8nthĩ yĩ iĩma, na nthĩ ndindimalu, na ũla Alava, na ivaũũkonĩ, na weũnĩ na nthĩ ya yĩ Ĩtheo; Mũititi, na Mũamoli, na Mũkanaani, na Mũvelisi, na Mũivi, na Mũyevusi):

9mũsumbĩ wa Yeliko, ũmwe; na mũsumbĩ wa Ai, yĩ vakuvĩ na Mbethi‐eli, ũmwe;

10na mũsumbĩ wa Yelusaleme, ũmwe; na mũsumbĩ wa Eviloni, ũmwe;

11na mũsumbĩ wa Yalimuthi, ũmwe; na mũsumbĩ wa Lakisi, ũmwe;

12na mũsumbĩ wa Ekeloni, ũmwe; na mũsumbĩ wa Ngeselĩ, ũmwe;

13na mũsumbĩ wa Ndevili ũmwe; na mũsumbĩ wa Ngeteli, ũmwe;

14na mũsumbĩ wa Olima, ũmwe; na mũsumbĩ wa Alati, ũmwe;

15na mũsumbĩ wa Livina, ũmwe; na mũsumbĩ wa Atulamu, ũmwe;

16na mũsumbĩ wa Maketa, ũmwe; na mũsumbĩ wa Mbethi‐eli, ũmwe;

17na mũsumbĩ wa Tavua, ũmwe; na mũsumbĩ wa Eevieli, ũmwe;

18na mũsumbĩ wa Aveki, ũmwe; na mũsumbĩ wa Lasaloni, ũmwe;

19na mũsumbĩ wa Matoni, ũmwe; na mũsumbĩ wa Asoli, ũmwe;

20na mũsumbĩ wa Similonimeloni, ũmwe; na mũsumbĩ wa Akisavu, ũmwe;

21na mũsumbĩ wa Taanaki, ũmwe; na mũsumbĩ wa Mekito, ũmwe;

22na mũsumbĩ wa Ketesi, ũmwe; na mũsumbĩ wa Yokineamu ku Kalimeli, ũmwe;

23na mũsumbĩ wa Ndoli ũtũlunĩ wa Ndoli, ũmwe; na mũsumbĩ wa Ngoiimu ku Ngilikali, ũmwe;

24na mũsumbĩ wa Tilisa, ũmwe: asumbĩ onthe maĩ mĩongo ĩtatũ na ũmwe.

← Chapter 11 Jump to: Chapter 13 →