bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 3
Joshua 3
Kamba (Mbivilia) 1956
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Na Yosua ookĩla kĩoko tene; na mauma Sitimu, na mavika Yolotani, we na ana onthe ma Isilaeli; na makoma vo matanainga.
2
Na kweethĩwa matukũ atatũ mathela, anene mavĩtĩla katĩ wa mwako wa maeema;
3
na mameaĩa andũ, makĩmea, Yĩla mwĩona ĩsandũkũ ya ũtianĩo ya Yeova Ngai wenyu, na athembi Alivai mayĩkuĩte, nĩvo ĩndĩ mwĩuma vala mũĩ, na mũkĩyĩvikĩla.
4
Ĩndĩ nĩveĩthĩwa ũthei katĩ wenyu nayo, o ta mĩkono ngili ilĩ kwa kũthima: mũtikayĩthengeee, nĩ kana mũtonye kũmanya nzĩa ĩla mwĩendela nayo; nũndũ mũtyaavĩtĩla nzĩanĩ ĩno ĩngĩ.
5
Na Yosua amea andũ, Ĩvathan’yei mwĩthĩwe atheu; nũndũ ũnĩ Yeova akeeka moseng’yo katĩ wenyu.
6
Na Yosua aneena na athembi, akĩmea, Ũkĩlyai ĩsandũkũ ya ũtianĩo, na mũkĩinga mbee wa andũ. Na mookĩlya ĩsandũkũ ya ũtianĩo, na maenda mbee wa andũ.
7
Na Yeova amwĩa Yosua, Mũnthĩ ũũ nĩngwambĩlĩlya ũkũnenevya Isilaeli onthe mene, nĩ kana mamanye, o tondũ naĩ vamwe na Mose, o ta ũu ngeethĩawa vamwe naku.
8
Naku ũkameaĩe athembi ala makuaa ĩsandũkũ ya ũtianĩo, ũkĩmea, Yĩla mwĩvika ũtee wa manzĩ ma Yolotani, nĩmwĩũngama ki Yolotani.
9
Na Yosua amea ana ma Isilaeli, Thengeeai, mwĩw’e ndeto sya Yeova Ngai wenyu.
10
Na Yosua amea, Kwondũ wa ũu mũkamanya atĩ Ngai ũla wĩ thayũ e katĩ wenyu, na kana nde ndĩi ya ũlea ũlũngya mbee wenyu Mũkanaani, na Mũititi, na Mũivi, na Mũvelisi, na Mũngilikasi, na Mũamoli, na Mũyevusi.
11
Sisyai, ĩsandũkũ ya ũtianĩo ya Mwĩaĩi wa nthĩ yonthe nĩyĩũvĩtĩla mbee wenyu kũlika Yolotani.
12
Kwondũ wa ũu ĩndĩ osai andũ ĩkũmi na elĩ kuma mbaĩnĩ sya Isilaeli, kĩla mbaĩ mũndũ ũmwe.
13
Na kũkeethĩwa, yĩla nyaĩĩ sya athembi ala makuaa yĩla ĩsandũkũ ya Yeova, Mwĩaĩi wa nthĩ yonthe, syĩkinya nthĩ manzĩnĩ ma Yolotani, manzĩ ma Yolotani makavingĩwa, o manzĩ ala matheeaa kuma ĩũlũ; na makaũngama kĩvumbu kĩmwe.
14
Na kweethĩwa, yĩla andũ maumie maeemanĩ moo mainge Yolotani, athembi ala makuaa ĩsandũkũ ya ũtianĩo meethĩawa makĩtongoesya andũ;
15
na yĩla asu makuaa yĩla ĩsandũkũ maĩ manavika Yolotani, na maũũ na athembi ala makuaa yĩla ĩsandũkũ malika manzĩnĩ ũtee (nũndũ Yolotani nũvingaa ũkakĩla ngũka syonthe ĩvinda yonthe ya ngetha),
16
nĩw’o manzĩ ala matheeaa kuma ĩũlũ maũngamie, na mookĩla kĩvumbu kĩmwe, me kũasa, ku Atamu, ndũa ĩla yĩ vakuvĩ na Nzalethani; na asu ala matheeaa kwelekela ũkanga wĩ ku Alava, ũla Ũkanga wa Mũnyũ, mathi vyũ; na andũ asu mainga melekele Yeliko.
17
Na athembi ala makuaa ĩsandũkũ ya ũtianĩo ya Yeova maũngama ki nthĩ nyũmũ Yolotani katĩ; na Isilaeli onthe mainga makinyĩle nthĩ nyũmũ, mũvaka mbaĩ ĩsu yonthe yainga Yolotani vyũ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24