bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 7
Joshua 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Ĩndĩ ana ma Isilaeli mavĩtya kĩndũnĩ kĩvathĩtwe; nũndũ Akani, mwana wa Kalimi, mwana wa Nzaveti, mwana wa Nzela, wa mbaĩ ya Yuta, oosa kĩndũ kĩla kĩvathe: na ũthatu wa Yeova wamakanĩa ana ma Isilaeli.
2
Na Yosua atũma andũ kuma Yeliko mathi Ai, ĩla yĩ ũtee wa Mbethi‐aveni, ngalĩ ya wumĩlonĩ wa syũa ya Mbethi‐eli, na aneena namo, akĩmea, Ambatai mũthiane nthĩ. Na ala andũ mambata na mathiana Ai.
3
Na mamũsyokea Yosua, na mamwĩa, Andũ onthe matikambate; ĩndĩ andũ ta ngili ilĩ kana itatũ nĩmambate makũne Ai; ndũkatũme andũ onthe mathĩnĩe wĩa wa kũthi vo; nũndũ asu no avũthũ.
4
Na ĩndĩ mambata vo andũ ta ngili itatũ; namo makũkie makĩĩte andũ ma Ai.
5
Na andũ ma Ai mooaa ta andũ mĩongo ĩtatũ na thanthatũ katĩ woo; na mamalũngya kuma mbingĩlonĩ o na kũvika Sevalimu, na mamoaĩa kĩtheeonĩ: na ngoo sya andũ syatweka, na syeethĩwa ta manzĩ.
6
Na Yosua atembũa ngũa syake, na avalũka nthĩ na ũthyũ wake mbee wa yĩla ĩsandũkũ ya Yeova kũvika wĩoo, we na atumĩa ma Isilaeli; na meekĩa kĩtoo mĩtwenĩ yoo.
7
Na Yosua asya, Ĩiaa! Ame Mwĩaĩi Yeova, waingisye andũ aa Yolotani ũndũ wa kĩ we, ũtũnengane kw’okonĩ kwa Aamoli, ũtwanange? Nenda kethĩwa tweanĩwe nĩ kwĩkala mũingo wa Yolotani!
8
Ame Mwĩaĩi, nĩasya ata, Isilaeli mamina kwon’ya amaitha moo mĩongo!
9
Nũndũ Akanaani na onthe ala matwĩe nthĩ ĩno makawĩw’a, na makatũthyũlũlũka, na kũveta syĩtwa yitũ yume nthĩ: na ũkeeka ata kwondũ wa syĩtwa yaku ĩnene?
10
Na Yeova amwĩa Yosua, Ũkĩla we; ũvalũkĩte ũu na ũthyũ waku nĩkĩ?
11
Isilaeli nĩmavĩtĩtye; ĩĩ, o na nĩmavĩtĩtye ũtianĩo wakwa ũla nameaĩie: ĩĩ, o na nĩmosete kĩndũ kĩvathĩtwe, na ĩngĩ nĩmoyĩte, o na kũkengana; o na nĩmakiĩte mĩionĩ yoo ene.
12
Kwondũ wa ũu ana ma Isilaeli matitonya kũũngama mbee wa amaitha moo; nĩmonetye amaitha moo mĩongo, nĩkwĩthĩwa nĩmaumanĩwa: ndikethĩwa vamwe nenyu ĩngĩ, ate o mwaananga kĩla kĩndũ kĩvathĩtwe kyume katĩ wenyu.
13
Ũkĩla, ũvathan’ye andũ methĩwe atheu, na ũimea, Ĩvathan’yei kwondũ wa ũnĩ: nũndũ ũũ nĩw’o Yeova, Ngai wa Isilaeli, ũnũkwasya, Ve kĩndũ kĩvathĩtwe katĩ waku, we Isilaeli; ndũtonya kũũngama mbee wa amaitha maku, kũvika yĩla mwĩveta kĩla kĩndũ kĩvathĩtwe kyume katĩ wenyu.
14
Kwondũ wa ũu kĩoko mũkathengeew’a mbaĩ na mbaĩ: na kũkeethĩwa, mbaĩ ĩla Yeova wĩosa ĩkathengeea mũvĩa na mũvĩa; na mũvĩa ũla Yeova wĩosa ũkathengeea nyũmba na nyũmba; na nyũmba ĩla Yeova wĩosa ĩkathengeea mũndũ na mũndũ.
15
Na kũkeethĩwa, ũsu ũla wĩkwatwa e na kĩla kĩndũ kĩvathĩtwe akavĩvw’a na mwaki, we na syonthe ila wĩ nasyo; nĩkwĩthĩwa nũvĩtĩtye ũtianĩo wa Yeova, na nĩkwĩthĩwa nĩwĩkĩte ũtumanu nthĩnĩ wa Isilaeli.
16
Kwondũ wa ũu Yosua ookĩla kĩoko tene, na athengeesya Isilaeli mbaĩ na mbaĩ; na mbaĩ ya Yuta yooswa:
17
na athengeesya mũvĩa wa Yuta; na oosa mũvĩa wa Anzela: na athengeesya mũvĩa wa Anzela mũndũ na mũndũ; na Nzaveti ooswa:
18
na athengeesya nyũmba yake mũndũ na mũndũ; na Akani, mwana wa Kalimi, mwana wa Nzaveti, mwana wa Nzela, wa mbaĩ ya Yuta, ooswa.
19
Na Yosua amwĩa Akani, Mwana wakwa, nĩngũkwĩsũva, ũnenge Yeova, Ngai wa Isilaeli, ndaĩa, na ũimumbũlĩla; na ndavya yu ũla wĩkĩte; ndũkambithe.
20
Na Akani asũngĩa Yosua, na amwĩa, Nĩ w’o nĩnĩmũvĩtanĩsye Yeova, Ngai wa Isilaeli, na nĩkĩte ũũ na ũũ:
21
yĩla nĩnoonie mũtavonĩ suka mũseo wa Mbaviloni, na sekeli maana elĩ ma vetha, na kĩlungu kya thaavu kya sekeli mĩongo ĩtano, nĩvo ĩndĩ nĩnasyĩw’ĩe ĩtomo, na nĩnasyosa; na, sisya, nivithĩtwe nthĩ ĩeemanĩ yakwa katĩ, na ũla vetha ungu wasyo.
22
Na ĩndĩ Yosua atũma atũmwa, na masemba ĩeemanĩ; na, sisya, syaĩ mbithe ĩeemanĩ yake, na ũla vetha ungu wasyo.
23
Na masyosa kuma ĩeemanĩ katĩ, na maitwaĩa Yosua, na ana onthe ma Isilaeli; namo masia mbee wa Yeova.
24
Na Yosua, na Isilaeli onthe vamwe nake, moosa Akani mwana wa Nzela, na ũla vetha, na ũla suka, na kĩla kĩlungu kya thaavu, na ana make, na eĩtu make, na ng’ombe syake, na mang’oi make, na malondu make, na ĩeema yake, na syonthe ila waĩ nasyo: na mamaete vu mwandanĩ wa Akoli.
25
Na Yosua akũlya, Ũtũthĩnĩtye nĩkĩ? Yeova nũnũũkũthĩn’ya mũthenya ũũ. Na Isilaeli onthe mamũkimanga na mavia; na mamavĩvya na mwaki, na kũmakimanga na mavia.
26
Na moomba ĩũlũ wake mbumbu nene ya mavia, kũvika ũmũnthĩ; na Yeova aeka wai wa ũthatu wake. Kwondũ wa ũu syĩtwa ya vandũ vau yeetwa, Mwanda wa Akoli, kũvika ũmũnthĩ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24