Joshua 15

Kamba (Mbivilia) 1956

← Chapter 14 Jump to: Chapter 16 →

1Na mũlimano kwondũ wa mbaĩ ya ana ma Yuta kũatĩĩa mĩvĩa yoo waĩ wa kũvika mũvaka wa Etomu, o kũvika weũ wa Nzini kwelekela ngalĩ ya ĩtheo, mũthelelo wa ngalĩ ya ĩtheo.

2Na mũvaka woo wa ngalĩ ya ĩtheo waĩ kuma mũthelelo wa Ũkanga wa Mũnyũ, kuma kyokonĩ kĩla kyelekele ngalĩ ya ĩtheo;

3na waumĩla ngalĩ ya ĩtheo ya kyambato kya Akilavimu na, waendeea kũvika Nzini, na wambata ngalĩ ya ĩtheo ya Katesi‐mbalinea, na waendeea vakuvĩ na Esiloni, na wambata kũvika Atali, na weelingĩla kwelekela Kalika;

4na waendeea kũvika Asimoni na waumĩlĩla kalũsĩnĩ ka Misili; na ũmalĩlo waw’o waĩ ũkanganĩ: ũsu nĩw’o ũkethĩwa mũvaka wenyu wa ngalĩ ya ĩtheo.

5Na mũvaka wa ngalĩ ya wumĩlonĩ wa syũa waĩ Ũkanga wa Mũnyũ o kũvika mũthelelo wa Yolotani. Na mũvaka wa ngalĩ ya ĩũlũ waĩ kuma kyokonĩ kya ũkanga mũthelelonĩ wa Yolotani;

6na mũvaka wambata kũvika Mbethi‐okila, na waendeea ngalĩ ya ĩũlũ ya Mbethi‐alava; na mũvaka wambata wavika ĩvia ya Mboanĩ mwana wa Leuvenĩ;

7na mũvaka wambata kũvika Ndevili kuma mwandanĩ wa Akoli, na ta ũu waendeea kwelekela ngalĩ ya ĩũlũ, kwelekela Ngilikali, ĩla yelekele kyambato kya Atumimu, ĩla yĩ ngalĩ ya ĩtheo ya ũsĩ: na mũvaka waendeea wavika manzĩnĩ ma Eni‐semesi, na umalĩlo waw’o waĩ Eni‐lokeli;

8na mũvaka wambata waendeea kyandanĩ kya mwana wa Inomu kũvika ngalĩ ya Mũyevusi kwelekela ngalĩ ya ĩtheo (nayo nĩ Yelusaleme); na mũvaka wambata waendeea kũvika mũtumbĩnĩ wa kĩĩma kĩla kĩthengeee kyanda kya Inomu ngalĩ ya ũthũĩlonĩ wa syũa, kĩla kĩ mũthelelo wa mwanda wa Alevai kwelekela ngalĩ ya ĩũlũ;

9na mũvaka waendeea kuma mũtumbĩnĩ wa kĩĩma kũvika nthongo ya manzĩ ma Nevitoa oa waendeea kũvika ndũa sya kĩĩma kya Eveloni; na mũvaka wavika ku Mbaala (nayo nĩ Kiliathi‐yealimu);

10na mũvaka weelingĩla kuma Mbaala kwelekela ngalĩ ya ũthũĩlonĩ wa syũa kũvika kĩĩma kya Seili, na waendeea kũvika mũkyamanonĩ wa kĩĩma kya Yealimu kĩla kĩ ngalĩ ya ĩũlũ (nakyo nĩ Kesaloni), na watheea kũvika Mbethi‐semesi, na waendeea vakuvĩ na Timina;

11na mũvaka waumĩla ũtee wa Ekiloni, kwelekela ngalĩ ya ĩũlũ; na mũvaka wavika Sikeloni, na waendeea wavika kĩĩma kya Mbaala, na waumĩla ku Yavineeli; na umalĩlo waw’o waĩ ũkanganĩ.

12Na mũvaka wa ngalĩ ya ũthũĩlonĩ wa syũa wavika ũkanga mũnene, na mũvaka waw’o. Ũsu nĩw’o mũvaka wa ana ma Yuta ũthyũlũlũkĩte ngalĩ syonthe kwĩanana na mĩvĩa yoo.

13Na anenga Kalevu mwana wa Yevune kĩanda katĩ wa ana ma Yuta, o tondũ Yeova wamwĩaĩe Yosua, o Kiliathi‐aliva, Aliva ũsu aĩ ĩthe wa Anaki (nĩyo Eviloni).

14Na Kalevu alũngya vo ana atatũ ma Anaki: Sesai, na Aimani, na Talimai, ana ma Anaki.

15Na ambata kw’o okite na andũ ala matwĩe Ndevili: na ĩndĩ syĩtwa ya Ndevili tene yeetawa Kiliathi‐seveli.

16Na Kalevu asya, Ũla wĩkũna Kiliathi‐seveli, na kũmĩkwata, we ngamũnenga Akisa mwĩĩtu wakwa ethĩwe mũka.

17Na Othinieli mwana wa Kenasi, mwana‐a‐inyia wa Kalevu, amĩkwata: na amũnenga Akisa mwĩĩtu wake ethĩwe mũka.

18Na kweethĩwa, yĩla wokie vala ũĩ, amũingĩĩsya avoye ĩthe mũũnda: na auma ĩng’oinĩ yake; na Kalevu amũkũlya, Wĩenda kĩ?

19Nake amũsũngĩa, Nenga ũathimo; nũndũ nũnenganĩte nthĩ ya ngalĩ ya Ĩtheo, nenga mbuluti sya manzĩ o nasyo. Na amũnenga mbuluti sya ĩũlũ na mbuluti sya ĩtheo.

20Ũsu nĩw’o ũtiĩwa wa mbaĩ ya ana ma Yuta kũatĩĩa mĩvĩa yoo.

21Na ndũa syĩ ngalĩ ya mũminũkĩlyo sya mbaĩ ya ana ma Yuta kwelekela mũvaka wa Etomu ngalĩ ya Ĩtheo syaĩ Kaviseeli, na Eteli, na Yakuli,

22na Kina, na Ndimona, na Atata,

23na Ketesi, na Asoli, na Ithinani,

24na Nzivu, na Telemu, na Mbealothi,

25na Asoliaatata, na Keliothi‐esiloni (nayo nĩ Asoli),

26na Amamu, na Sema, na Molata,

27na Asali‐ngata, na Esimoni, na Mbethi‐veleti,

28na Asali‐suali, na Mbeeli‐sieva, na Mbisiothia,

29na Mbaala, na Iimu, na Esemu,

30na Elitolati, na Kesili, na Olima,

31na Nzikilaki, na Matimana, na Sanisana,

32na Levaothi, na Siliimu, na Aini, na Limoni: ndũa syonthe mĩongo ĩlĩ na kenda, vamwe na mĩsyĩ yasyo.

33Nthĩ ndindimalu kwaĩ Esitaoli, na Nzola, na Asina,

34na Nzanoa, na Eni‐nganimu, na Tavua, na Enamu,

35na Yalimuthi, na Atulamu, na Soko, na Aseka,

36na Saalaimu, na Atithaimu, na Ngetela, na Ngetelothaimu; ndũa ĩkũmi na inya na mĩsyĩ yasyo.

37Nzenani, na Atasa, na Mikitalingati,

38na Ndileani, na Misiva, na Yokitheeli,

39na Lakisi na Mbosikathi, na Ekeloni,

40na Kavoni, na Lamasi, na Kithilisi,

41na Ngetelothi, na Mbethi‐ndakoni, na Naama, na Maketa; ndũa ĩkũmi na thanthatũ na mĩsyĩ yasyo.

42Livina, na Etheli, na Asani,

43na Ivita, na Asina, na Nesivu,

44na Keila, na Akisivu, na Malesa; ndũa kenda na mĩsyĩ yasyo.

45Ekiloni, vamwe na tũtũla twayo na mĩsyĩ yayo;

46kuma Ekiloni kũvika ũkanga, tw’onthe tũla twaĩ ũtee wa Asitoti vamwe na mĩsyĩ yatw’o.

47Asitoti, tũtũla twayo na mĩsyĩ yayo; Ngasa, tũtũla twayo na mĩsyĩ yayo; kũvika kalũsĩ ka Misili, na ũkanga mũnene, na mũvaka waw’o.

48Na nthĩ yĩ iĩma kwaĩ Samili, na Yatili, na Soko,

49na Ndana, na Kiliathi‐sana (nayo nĩ Ndevili),

50na Anavu, na Esitemo, na Animu,

51na Ngoseni, na Oloni, na Ngilo; ndũa ĩkũmi na ĩmwe na mĩsyĩ yasyo.

52Alavu, na Nduma, na Esani,

53na Yanumu, na Mbethi‐tavua, na Aveka,

54na Umuta, na Kiliathi‐aliva (nayo nĩ Eviloni), na Nzioli; ndũa kenda na mĩsyĩ yasyo.

55Maoni, na Kalimeli, na Nzivu, na Yute,

56na Yesileeli, na Yokiteamu, na Nzanoa,

57na Kaini, na Ngivea, na Timina; ndũa ĩkũmi na mĩsyĩ yasyo.

58Aliuli, na Mbethi‐suli, na Ngetoli,

59na Maalathi, na Mbethi‐anothi, na Elitekoni; ndũa thanthatũ na mĩsyĩ yasyo.

60Kiliathi‐mbaali (nayo nĩ Kiliathi‐yealimu), na Lava; ndũa ilĩ na mĩsyĩ yasyo.

61Weũnĩ kwaĩ Mbethi‐alava, na Mitini na Sakeka,

62na Nivisani, na Ndũa ya Mũnyũ, na Eni‐ngeti; ndũa thanthatũ na mĩsyĩ yasyo.

63Na ũvoo wa Ayevusi, ala matwĩe Yelusaleme, ana ma Yuta matyaatonya kũmalũngya: ĩndĩ Ayevusi matũaa vamwe na ana ma Yuta ku Yelusaleme kũvika ũmũnthĩ.

← Chapter 14 Jump to: Chapter 16 →