bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Joshua 8
Joshua 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Na Yeova amwĩa Yosua, Ndũkakĩe, o na ndũkateve: osa andũ onthe ma kaũ, na ũiũkĩla, wambate Ai; sisya, nĩnĩnenganĩte kw’okonĩ kwaku mũsumbĩ wa Ai, na andũ make, na ndũa yake, na nthĩ yake;
2
na ũkeke Ai na mũsumbĩ wayo o tondũ weekie Yeliko na mũsumbĩ wayo: ate o mũtavo wayo, o na indo syayo, mũkose syĩthĩwe mũtavo kwenyu: ĩyiĩe ala ma kwoveesya ndũa mbĩlĩlo wayo.
3
Na ĩndĩ Yosua ookĩla, na andũ onthe ma kaũ, mambate Ai: na Yosua anyuva andũ ngili mĩongo ĩtatũ, ila ngũmbaũ nene, na amatũma mathi ũtukũ.
4
Na ameaĩa, akĩmea, Sisyai, mũkoveesye ndũa, mwĩ mbĩlĩlo wa ĩ ndũa; mũtikathi kũasa mũno na ndũa, ĩndĩ ĩthĩwai mwĩyũmbanĩtye inyw’onthe:
5
nakwa, na andũ onthe ala me vamwe nakwa, tũkathengeea ĩla ndũa. Na kũkeethĩwa, yĩla meũtumaalĩla, o ta yĩ ya mbee, tũkakũka mbee woo;
6
namo makaumaala matũatĩĩe, mũvaka twamakusya kuma ndũanĩ; nũndũ makasya, Nĩmeũtũkĩa, o ta yĩla ya mbee: na ĩndĩ tũkakĩa mbee woo;
7
nenyu mũkokĩle kuma kũla mwoveesye, na mũikwata ndũa yĩthĩwe yenyu: nũndũ Yeova Ngai wenyu akamĩnengane mokonĩ menyu.
8
Na kũkeethĩwa, yĩla mwĩmĩkwata ndũa, mwĩmĩkwatya ndũa mwaki; mũkeke kwĩanana na ndeto ya Yeova: sisyai, nĩnamwĩaĩa.
9
Na Yosua amatũma mathi; na maenda kũla kwa kwoveesya, na mekala katĩ wa Mbethi‐eli na Ai, ngalĩ ya Ai ya ũthũĩlonĩ wa syũa: ĩndĩ Yosua akoma ũtukũ ũsu andũnĩ.
10
Na Yosua ookĩla kĩoko kwĩ masangya, na atala andũ, na ambata Ai, we na atumĩa ma Isilaeli, mbee wa andũ.
11
Na andũ onthe, o andũ ma kaũ ala maĩ nake, mambata, na mathengeea, na mavika mbee wa ĩla ndũa ya Ai, na mamba maeema ngali ya ĩũlũ: na ĩndĩ kwaĩ kyanda katĩ wake na Ai.
12
Na oosa andũ ta ngili itano, na amaia moveesye katĩ wa Mbethi‐eli na Ai, ngalĩ ya ndũa ya ũthũĩlonĩ wa syũa.
13
Na ĩndĩ maia andũ, o nguthu yonthe ĩla yaĩ ngalĩ ya ĩũlũ ya ndũa, na oveesya moo ala maĩ ngalĩ ya ndũa ya ũthũĩlonĩ wa syũa; na Yosua aenda ũtukũ ũsu kyandanĩ katĩ.
14
Na kweethĩwa, yĩla mũsumbĩ wa Ai wonie ũu, mookĩla na mĩtũkĩ kĩoko tene, na andũ ma ĩla ndũa maumaalĩla Isilaeli mokite namo, we na andũ make onthe, kwelekela Alava, vandũ vatw’ĩĩtwe; ĩndĩ ndaamanya kana kwaĩ ala mamwoveesye mbĩlĩlo wa ndũa.
15
Na Yosua na Isilaeli onthe meeka mbee woo ta makĩlw’a vinya, na makũka na nzĩa ya weũnĩ.
16
Na andũ onthe ala maĩ ndũanĩ meetwa mombane nĩ kana mamaatĩĩe: na mamũatĩĩa Yosua, na makusw’a matia ndũa.
17
Na kũtyaĩ mũndũ mũũme watialile Ai kana Mbethi‐eli, ũla ũtaaumaala aatĩĩe Isilaeli: na matia ndũa yĩ mbingũe, na maatĩĩa Isilaeli.
18
Na Yeova amwĩa Yosua, Tambũũkya katumo kala ke kw’okonĩ kwaku kelekele Ai; nũndũ nĩngũmĩnengane kw’okonĩ kwaku. Na Yosua atambũũkya katumo kala kaĩ kw’okonĩ kwake kelekele ĩla ndũa.
19
Na ala oveesya mookĩla mĩtũkĩ kuma vala maĩ, na o yĩla watambũũkisye kw’oko kwake masemba, na malika ndũanĩ, na mamĩkwata; na meekalaata na makwatya ndũa mwaki.
20
Na yĩla andũ ma Ai masyaisye ĩtina woo, moona, na, sisya, syũki ya ĩla ndũa yambata ĩtunĩ, na matyaĩ na vinya wa kũkũka kũũ o na kũũ: na andũ ala maĩ manakũka weũnĩ mamaalũkĩla ala mamaatĩĩe.
21
Na yĩla Yosua na Isilaeli onthe moonie kana ala oveesya nĩmakwata ndũa, na kana syũki ya ndũa nĩyambatĩte, meetulũla ĩngĩ; na mooaa andũ ma Ai.
22
Na ala angĩ mamaumaalĩla kuma ndũanĩ; na kwondũ wa ũu maĩ katĩ wa Isilaeli, amwe ngalĩ ĩno, na amwe ngalĩ ĩya: namo mamakũna, mateũmatialya o na ũmwe e thayũ o na wa kũvonoka.
23
Na mũsumbĩ wa Ai mamũkwata e thayũ, na mamũetee Yosua.
24
Na kweethĩwa, yĩla Isilaeli maĩ manamina kũmoaĩa kĩthekanĩ onthe ala matwĩe Ai, o vu weũnĩ vala mamaatĩĩe, na onthe mavalũkĩtw’e kwa kũtemangwa na ũvyũ mũvaka maminwa, Isilaeli onthe masyoka Ai, na mamĩkũna kwa kũtemanga na ũvyũ.
25
Na onthe ala mavalũkilw’e mũthenya ũsu, ma aũme o na aka, maĩ ngili ĩkũmi na ilĩ, o andũ onthe ma Ai.
26
Nũndũ Yosua ndaatũnga kw’oko kwake, kũla watambũũkĩtye katumo, mũvaka amamina vyũ ala matwĩe Ai.
27
Ĩndĩ mũtavo wa indo na mũtavo wa syĩndũ sya ndũa ĩsu Isilaeli moosa syĩthĩwe mũtavo woo ene, kwĩanana na ndeto ya Yeova ĩla wamwĩaĩe Yosua.
28
Na ĩndĩ Yosua avĩvya Ai, na amĩtw’ĩkĩthya kĩvumbu tene na tene, no ĩaanzo, kũvika mũnthĩ ũũ.
29
Na amũsũsya mũsumbĩ wa Ai mũtĩnĩ kũvika wĩoo: na syũa yĩkĩthũa Yosua aumya mwĩao, na maumya kimba kyake mũtĩnĩ, na makĩkya ũlikĩlonĩ mbingĩlonĩ ya ndũa, na makyũmbĩĩa mbumbu nene ya mavia, kũvika mũnthĩ ũũ.
30
Nĩvo ĩndĩ Yosua wakĩie Yeova, Ngai wa Isilaeli, kĩthembeo, kĩĩmanĩ kya Evali,
31
o tondũ Mose, mũthũkũmi wa Yeova, wameaĩe ana ma Isilaeli, o tondũ kũandĩkĩtwe ĩvukunĩ ya mĩao ya Mose, kĩthembeo kya mavia mate masũvye, ala mũndũ o na wĩva ũtaamasũvya na mũio o na wĩva wa kĩaa: na mathembea Yeova nthembo sya kũvĩvw’a ĩũlũ wakyo, na mathemba nthembo sya mũuo.
32
Na andĩka vo mavianĩ wumĩĩsyo wa mĩao ya Mose, ĩla waandĩkie, ana ma Isilaeli mene.
33
Na Isilaeli onthe, na atumĩa moo na anene, na asili moo, aeni o na ala masyaĩwe nthĩ ĩsu, maũngama ngalĩ ĩno ya yĩla ĩsandũkũ na ngalĩ ĩya mbee wa athembi Alivai, ala makuaa ĩsandũkũ ya ũtianĩo ya Yeova; nyunzu yamo yelekele kĩĩma kya Ngelisimu, na nyũnzu yamo yelekele kĩĩma kya Evali; o tondũ Mose, mũthũkũmi wa Yeova, wambie ũmeaĩa, nĩ kana maathime andũ ma Isilaeli.
34
Na ĩtina asoma ndeto syonthe sya ĩla mĩao, ũathimo o na kĩumo, kwĩanana na syonthe ila iandĩkĩtwe ĩvukunĩ ya mĩao.
35
Kũtyaĩ ndeto ya isu syonthe ila Mose weaie, Yosua ũtaasoma kũla kwĩ ĩkomano yonthe ya Isilaeli, o na aka, na syana nini, na ekali ma ũeninĩ ala maĩ katĩ woo.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24