bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 16
Ezekiel 16
Kamba (MBIVILIA ŨVOO MŨSEO)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
Mwĩai Ngai nĩwaneenie nakwa ĩngĩ ambĩa atĩĩ,
2
“Mwana wa mũndũ, manyĩthya Yelũsalemu maũndũ ma kũthatya ala yĩkĩte.
3
Neena nayo ũmĩe atĩĩ, Ũũ nĩ w'o Mwĩai Ngai Mũsumbĩ ũkũtavya Yelũsalemu: Wumo waku nĩ nthĩ ya Akanaani kũla wasyaĩwe; ĩthe waku aĩ Mũamoli, nake inyia waku aĩ Mũititi.
4
Mũthenya ũla wasyaiwe ndwaatilwa mũkautĩ, ndwaathambw'a na kĩw'ũ ũthew'e, na ndwaavakwa mũnyũ kana kũvw'ĩkwa ngũa sya kaũkenge.
5
Ala makwonie mayaakwĩw'ĩa tei makakwĩka ũmwe wa maũndũ asu, ĩndĩ nĩwekiw'e ĩtheka kĩsesinĩ, nĩkwĩthĩwa nĩwameniwe mũthenya ũla wasyaiwe.
6
“Yĩla nesĩlile vakuvĩ naku, na nakwona wĩthokoanĩtye nthakamenĩ yaku, nĩnaneenie naku wĩ o vau nthakamenĩ yaku nakwĩa: Ĩkala thayũ,
7
na ũkĩana ta mũtĩ wĩ kĩsesinĩ! Nĩweanie na waasava watw'ĩka mwĩĩtu mũima; nĩwaumisye nondo na wamesya nzw'ĩĩ, ĩndĩ waĩ o mũthei, ndwaĩ na ngũa.
8
“Yĩla nesĩlile vakuvĩ naku ĩngĩ, nĩnakũsyaisye noona kana nũvikĩe ũkũũ wa kwendwa, na kwoou nĩnatambũũkisye mũthya wa ngũa yakwa nakũvw'ĩka, na navw'ĩka nthoni syaku. Nĩnakwĩvaaisye na naseũvya ũtianĩo naku, na watw'ĩka wakwa.” Nĩasya ũu nyie Mwĩai Ngai Mũsumbĩ.
9
Nĩvo ĩndĩ nakũthambisye na kĩw'ũ, naveta nthakame yaku, na nakũvaka mauta.
10
Nĩnakwĩkĩie ngũa ĩtumĩĩwe mawanake na nakwĩkĩa iatũ sya kĩthuma maũũ, nĩnakũvw'ĩkie kĩtambaa kĩseo kĩũmu na kĩtambaa kya thooa mũnene.
11
Nĩnakwĩkĩie syĩndũ sya wanake, nakwĩkĩa mbangili moko na ĩsoa ngingo.
12
Nĩnakwĩkĩie ngome ĩnyiũũnĩ, na nakwĩkĩa mĩnaĩ matũ, na ngovia nzeo mũno ya kĩ-ũsumbĩ mũtwenĩ waku.
13
Kwoou waanakavĩtw'e na thaavu na silĩva, na ngũa syaku syaĩ sya kĩtambaa kĩseo kĩũmu, kĩtambaa kya thooa mũnene, na ngũa ndumĩĩe mawanake. Waĩsaa lĩu wa mũtu mũvinyu, ũkĩ wa nzũkĩ na mauta. Nĩwaanakavie mũno vyũ na weethĩwa na ndaĩa ya kĩ-ũsumbĩ.
14
Nguma yaku nĩyanyaĩĩkie mbaĩnĩ syonthe nũndũ wa wanake waku, nĩkwĩthĩwa wanake waku waĩ mwĩanĩu nũndũ wa syĩndũ nzeo ila nakwĩkĩĩte. Nĩasya ũu nyie Mwĩai Ngai Mũsumbĩ.
15
“Ĩndĩ nĩweekwatisye wanake waku, na watw'ĩka ĩlwaya nũndũ wa nguma yaku, na weenengane kwa mũndũ o na wĩva ũla wavĩtĩlaa vala ũĩ.
16
Nĩwoosie imwe sya ngũa syaku waitũmĩa kwanakavya ithembeo syaku, na waikomea kwĩka ũmalwaya waku. Ũndũ ta ũsu ndwaaĩkwa na ndũkekwa ĩngĩ.
17
Nĩwasyokie woosa syĩndũ syaku sya wanake ila syaseũvĩtw'e na thaavu wakwa na silĩva wakwa, ila nakũnengie, na weeseũvĩsya mĩvw'anano ya aũme, na weeka ũmalwaya nayo.
18
Nĩwoosie ngũa syaku ila syatumĩĩwe mawanake wamĩvw'ĩka, na woosa mauta makwa wamĩthembea, na woosa ũvani wakwa wamĩtoeesya.
19
O na lĩu wakwa ũla nakũnengie: Mũtu mũvinyu, mauta, na ũkĩ wa nzũkĩ, nĩwaumĩisye mĩvw'anano ĩsu wĩthĩwe nthembo yĩ mũuke mũseo. Nĩasya ũu nyie Mwĩai Ngai Mũsumbĩ.
20
Nĩwasyokie woosa syana syaku ila wanzyaĩe, nasyo wasyũaa na waithembea mĩvw'anano ĩsu syĩthĩwe nthembo. Nĩũkũlya, woonaa ũmalwaya waku ta ũndũ ũnini,
21
o na wooaa syana syakwa na waivĩvya syĩthĩwe nthembo kwa mĩvw'anano yaku?
22
Ĩvinda yĩla weekaa maũndũ asu onthe ma kũthatya na ũmalwaya waku, ndwaalilikana mĩthenya ya wana waku, yĩla waĩ mũthei ũte ngũa, wĩthokoanĩtye na nthakame yaku.
23
“Nyie Mwĩai Ngai Mũsumbĩ nĩkwĩa kana kyeva nĩ kwaku! Nĩkwĩthĩwa ĩtina wa mothũku onthe ala weekie,
24
nĩweeyakĩie tũsũmba na ithembeo ndũlu sya mĩvw'anano ũtee wa kĩla nzĩa nene.
25
Mwambĩlĩĩlyonĩ wa kĩla nzĩa nene ya ndũa, nĩwakĩte ithembeo syaku ndũlu na ũkanangĩa wanake waku vo kwa kwĩka ũmalwaya. Nĩwĩnenganae kwa kĩla mũndũ ũvĩtĩlaa vo, ũkongeleela ũmalwaya waku.
26
Nĩweekie ũmalwaya na atũi maku andũ ma Misili ala me wendi mwingĩ, wongeleela ũmalwaya waku ũnthatye.
27
Kwoou nĩnakũtambũũkĩisye kw'oko kwakwa nakũkany'a, na naola lĩu waku ũla ũaĩwe. Nĩnakũnenganie kwendanĩ kwa amaitha maku Avilisiti, ala meew'aa nthoni nũndũ wa mwĩkalĩle waku mũvuku.
28
Nĩwasyokie weeka ũmalwaya na andũ ma Asuli, nĩkwĩthĩwa waĩ na wendi ũteanĩw'a. Ĩĩ, nĩweekie ũmalwaya namo, ĩndĩ o na ndwaaĩanĩwa.
29
Nĩwongelile kwĩka ũmalwaya na Akalitei, ala makũnaa wĩa wa kũtandĩthya, ĩndĩ o na ĩtina wa ũu ndwaaĩanĩwa.
30
“Nyie Mwĩai Ngai Mũsumbĩ nĩkwĩa kana nũwaĩtw'e nĩ wendo, na kwoou nĩwĩkĩte maũndũ aa onthe, ta ĩlwaya yĩte nthoni.
31
Nĩweeyakĩie tũsũmba mwambĩlĩĩlyonĩ wa kĩla nzĩa nene ya ndũa, na waaka ithembeo ndũlu ũtee wa kĩla nzĩa nene. Ĩndĩ we, ndwailyĩ ta ĩlwaya, nĩkwĩthĩwa nĩwaleile kũtuvwa.
32
We kĩveti kĩlaalai, ũthokasya aeni vandũ va mũũme waku!
33
Malwaya onthe nĩmanengawe ĩtuvi nĩ aũme, ĩndĩ we wanengie endwa maku onthe mĩthĩnzĩo, nĩwamatuvie nĩ kana moke kuma kĩla ngalĩko ũlaalae namo.
34
Kwoou ũmalwayanĩ waku waĩ kĩvathũkany'o na aka ala angĩ; vai mũndũ waaũka ũkũmantha alaalae naku, na nue wamatuvaa, ĩndĩ mo mayakũtuvaa; kwoou waĩ kĩvathũkany'o.
35
“Kwoou we Yelũsalemu, ĩlwaya, ĩw'a ũndũ nyie Mwĩai Ngai ngwasya.
36
Nyie Mwĩai Ngai Mũsumbĩ nĩkwĩa atĩĩ: Nĩkwĩthĩwa nĩwavuiwe ngũa watiwa wĩ mũthei, na nthoni syaku syooneka yĩla weekaa ũmalwaya na endwa maku, na nũndũ wa mĩvw'anano yaku, na nũndũ wa nthakame ya syana syaku ila wamĩthembeie,
37
yu ngoombany'a endwa maku onthe, ala weetanĩthasya namo; ala wendete o na ala wamenete. Ngamombany'a kuma kĩla ngalĩko methĩwe amaitha maku, na ngakũvua ũtiwe wĩ mũthei mbee woo, nĩ kana mone nthoni syaku syonthe.
38
Ngakũsilĩla o tondũ aka ala mekaa ũlaalai na kũaa masilĩlawa, ũthatunĩ wakwa mwai na woo mwingĩ ngakũtw'ĩĩa kũawa.
39
Ngakũnengane ũtonyinĩ wa endwa maku, na makaomboanga tũsũmba twaku, na kũomboa ithembeo syaku ndũlu. Makakumya ngũa na maĩkumya syĩndũ syaku nzeo sya wanake, makũtie wĩ mũthei ũte ngũa.
40
Makaete andũ aingĩ makũkimange na mavia na ũkũtilanga ilungu na mbyũ syoo.
41
Makavĩvya nyũmba syaku na ũkũkany'a ũsyaĩĩw'e nĩ aka aingĩ. Ngatuma ũeka ũmalwaya, na ndũkasyoka kũnengane ĩtuvi ĩngĩ.
42
Namina ũkwĩka ũu, ũthatu wakwa ũkathela na kĩwĩu kyakwa kĩkathela, ngausya na ndikathata ĩngĩ.
43
Nĩkwĩthĩwa ndũlilikanaa mĩthenya ya wana waku, ĩndĩ nũnthatĩtye na maũndũ aa onthe, na kwoou ngakũĩva kwĩanana na ũndũ wĩkĩte. Nĩasya ũu nyie Mwĩai Ngai Mũsumbĩ. Nĩkĩ wongelile ũlaalai maũndũnĩ ma kũthatya ala weekie?
44
“Kĩla mũndũ ũneenaa nthimo akakũneenea nthimo ĩno ayasya, ‘Mwĩĩtu atutasya nyinyia.’
45
We ũtutĩtye inyia waku ũla wamenaa mũũme wake na syana syake, na ũtutĩtye eĩtu-a-inyia maku, ala o namo mamenaa aũme moo na syana syoo. Inyia waku aĩ Mũititi na ĩthe waku aĩ Mũamoli.
46
Mwĩĩtu-a-inyia waku ũla mũkũũ nĩ Samalia, ũla wekalaa na eĩtu make ngalĩko yaku ya ĩũlũ, na mwĩĩtu-a-inyia waku ũla mũnini nĩ Sondomu na ekalaa na eĩtu make ngalĩko yaku ya ĩtheo.
47
Ĩndĩ we ndwaaĩanĩwa nĩ kũatĩĩa mĩendele yoo, na kwĩka mothatyo ala mo meekaa. Ĩtina wa kavinda kanini mĩendele yaku nĩyathũkie mũno mbee wa mĩendele yoo.
48
O tondũ nyie Mwĩai Ngai Mũsumbĩ nĩ thayũ, nĩkũsĩĩa kana mwĩĩtu-a-inyia waku Sondomu na eĩtu make mayĩkĩte ũndũ we na eĩtu maku mwĩkĩte.
49
Ĩvĩtyo ya mwĩĩtu-a-inyia waku Sondomu na eĩtu make yaĩ ngathĩĩo, na kũlea kũtethya ala ngya o na kau maĩ na lĩu mwingĩ na nĩmekalaa meanĩwe.
50
Nĩmeenenevisye na meeka maũndũ ma kũthatya, na kwoou nĩnamavetie o tondũ noonie wĩ ũseo.
51
Mothũku ala Samalia wĩkĩte o na mayĩana nyusu ya mothũku maku; we wĩkĩte mothatyo maingĩ kwĩ mo, na ũtumĩte eĩtu-a-inyia maku moneka ta alũngalu nũndũ wa mothatyo onthe ala wĩkĩte.
52
Yu o naku kua nthoni syaku nũndũ nũtumĩte eĩtu-a-inyia manengwa ũsilĩlo mũnini, nĩkwĩthĩwa nĩwĩkĩte naĩ sya kũthatya mũno mbee wa syoo, mo nĩ aseo mbee waku. Kwoou o naku ĩw'a nthoni na ũikua kũsonoka kwaku, nũndũ nũtumĩte eĩtu-a-inyia maku moneka ta alũngalu.
53
“ ‘Ngatũngĩĩa moseo ma Sondomu na ma eĩtu make, na ngatũngĩĩa moseo ma Samalia na ma eĩtu make, na o ta ũu ngatũngĩĩa moseo maku we Yelũsalemu,
54
nĩ kana ũkue nthoni syaku na ũisonoka nũndũ wa maũndũ onthe ala wĩkĩte na ũkatw'ĩka ũkiakisyo kwoo.
55
Namo eĩtu-a-inyia maku Sondomu na Samalia na eĩtu moo makasyoka kwĩkala o tondũ kĩla ũmwe woo wailyĩ mbeenĩ, o naku na eĩtu maku mũkasyoka kwĩkala o ũndũ mwailyĩ mbeenĩ.
56
Ĩvinda yĩla waĩ na ngathĩĩo ndwoonaa mwĩĩtu-a-inyia waku Sondomu ta mũndũ,
57
ũthũku waku ũtanamba kũvuanw'a. Ĩndĩ yu ũtw'ĩkĩte wa kũvũthĩĩw'a nĩ andũ ma Etomu na mbaĩ ila matũanĩe, na Avilisiti, andũ onthe ala makũthyũlũlũkĩte, ala makũvũthasya.
58
Nyie Mwĩai Ngai nĩkwĩa kana ũkuĩte ũkany'o wa ũvuku waku, na wa meko maku ma kũthatya.’ ”
59
Mwĩai Ngai Mũsumbĩ easya atĩĩ, “Ngakwĩka kwĩanana na meko maku, nĩkwĩthĩwa nĩwavũthisye wĩvĩto yĩla waanangie ũtianĩo.
60
Ĩndĩ ũu wĩ o vo, ngalilikana ũtianĩo ũla natianĩie naku wĩ wa mũika, na ngatianĩa naku ũtianĩo wa tene na tene.
61
Nĩvo ĩndĩ wĩlilikana mĩendele yaku, na ũisonoka yĩla nĩosa eĩtu-a-inyia maku, mũkũũu na mũinau, ngũnenge mo matw'ĩke eĩtu maku, ĩndĩ ndikũnenga mo atĩ nĩkwĩthĩwa nĩnĩtianĩie ũtianĩo naku.
62
Ngaseũvya ũtianĩo wakwa naku na ũkamanya kana ninyie Mwĩai Ngai,
63
nĩ kana ũlilikane na ũĩsaanĩw'a wĩthĩe ndũkaneena ĩngĩ nũndũ wa nthoni ila wĩĩw'a, yĩla nĩkũekea mothũku onthe ala wĩkĩte. Nĩasya ũu nyie Mwĩai Ngai Mũsumbĩ.”
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→