bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 43
Ezekiel 43
Kamba (MBIVILIA ŨVOO MŨSEO)
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
1
Ĩtina wa maũndũ asu, mũndũ ũsu nĩwandwaie mũvĩanĩ ũla ũsyaĩtye ngalĩko ya wumĩlonĩ wa syũa,
2
na vau noona ũtheu mũtisu wa Ngai wa Ĩsilaeli wũkĩte kuma ngalĩko ya wumĩlonĩ wa syũa. Wasya wake wailyĩ ta wa kĩuumo kya kĩw'ũ kingĩ, na nthĩ nĩyatisĩtw'e nĩ ũtheu wake mũtisu.
3
Woni ũsu noonie wailyĩ ta ũla noonete yĩla Ngai wookie kwananga Yelũsalemu, na ũla noonie nĩ ũtee wa Ũsĩ wa Kevali. Nĩvo ĩndĩ nakomie nthĩ na ĩvu nĩmũnenge ndaĩa.
4
Ũtheu ũsu mũtisu wa Mwĩai Ngai nĩwalikile Ĩkalũnĩ kwĩsĩla mũvĩanĩ ũla ũsyaĩtye ngalĩko ya wumĩlonĩ wa syũa.
5
Nĩvo ĩndĩ Veva wa Mwĩai Ngai wambũkĩlilye andwaa kĩwanzanĩ kya nthĩnĩ, na noona ũtheu mũtisu wa Mwĩai Ngai wausũa Ĩkalũnĩ.
6
Mũndũ ũsu o aũngamĩte vakuvĩ nakwa, nĩneewie Mwĩai aneena nakwa kuma Ĩkalũnĩ.
7
Nĩwambĩie atĩĩ, “Mwana wa mũndũ, vaa nĩvo ve kĩvĩla kyakwa kya kĩ-ũsumbĩ, vala nĩkinyasya nyaĩĩ syakwa, na ngekala katĩ wa andũ ma Ĩsilaeli tene na tene. Andũ ma Ĩsilaeli kana asumbĩ moo maikavukya ĩngĩ ĩsyĩtwa yakwa ĩtheu kwa kũthaitha ngai sya mĩvw'anano, kana kwa kũthika mĩĩ ya asumbĩ moo vaa.
8
Asumbĩ asu nĩmeekĩĩte mĩomo yoo vakuvĩ na mĩomo yakwa, na ituĩ sya mĩomo yoo ũtee wa ituĩ sya mĩomo yakwa, ũkethĩa no ũkũta watũvakanĩtye. Nĩmavukisye ĩsyĩtwa yakwa ĩtheu nũndũ wa maũndũ ma kũthatya ala meekaa, na kwoou nĩnamaminie na ũthatu wakwa.
9
Yu nĩmaeke kũthaitha ngai sya mĩvw'anano, na kũvetanga mĩĩ ya asumbĩ moo. Meeka ũu, ngatũaa katĩ woo tene na tene.
10
“Naku we mwana wa mũndũ, elesya andũ ma Ĩsilaeli ĩũlũ wa Ĩkalũ, na mayona ũndũ yĩkululĩtwe yĩilyĩ, nĩ kana mew'e nthoni nũndũ wa naĩ syoo.
11
Meew'a nthoni nũndũ wa maũndũ onthe ala mekĩte, maelesye ũndũ Ĩkalũ yĩkululĩtwe yĩilyĩ, mwakĩle wayo na mĩvĩa ya yo, mĩomo ya yo na wũmbo wayo, ũndũ kĩla kĩndũ kyayo kĩvangĩtwe kĩilyĩ, na mĩao na motw'ĩo mayo. Maandĩkie maũndũ asu onthe mene, nĩ kana meanĩsye na kwĩka ũndũ mĩao na myamũlo yonthe ya Ĩkalũ ĩkwasya.
12
Ũũ nĩ w'o mwĩao wa Ĩkalũ, kana kĩsio kyonthe kĩla kĩlingĩlĩte Ĩkalũ kĩkeethĩawa kĩ kĩtheu mũno.”
13
Ii nĩsyo ithimo sya kĩthembeo, ila no ũndũ ũmwe na ithimo sya Ĩkalũ. Ĩtina yĩla kilĩĩlwe yĩkeethĩwa na ũtũlu wa nyusu mita na ũthanthau wa nyusu mita, na ĩtina yĩu yĩkeethĩwa na mũlengo wĩ na ũthanthau wa sendimita mĩongo ĩlĩ na itano.
14
Ũtũlu wa kuma nthĩ vala ĩtina ya kĩthembeo yambĩĩe kũvika ũtiivonĩ wa ĩtheo nĩ nyusu mita. Ũasa wa kuma ũtiivonĩ ũla mũnini kũvika ũla mũnene nĩ mita ilĩ, na ũthanthau wa nyusu mita.
15
Vala mwaki ũvuvawa kĩthembeonĩ ĩũlũ vakeethĩwa na ũtũlu wa mita ilĩ, na kĩkeethĩwa na mĩthya ĩna yambatĩte ĩũlũ.
16
Vala mwaki ũvuvawa kĩthembeonĩ ĩũlũ vakeethĩwa na ũasa wa mita thanthatũ na ũthanthau wĩana o ũu.
17
O ta ũu ũtiivo ũkeethĩwa wĩanene ngalĩko syonthe, wĩ na ũasa wa mita mũonza na ũthanthau wĩana o ũu. Ũtiivo ũsu ũkeethĩwa na mũlengo wĩ na ũthanthau wa sendimita mĩongo ĩlĩ na itano, na ĩtina yĩna ũtũlu wa nyusu mita kwĩlingĩla kĩthembeo kĩu. Ngasi ya kwambata kĩthembeonĩ ĩkeethĩwa ngalĩko ya wumĩlonĩ wa syũa.
18
Mwĩai Ngai mũsumbĩ nĩwambĩie atĩĩ, “Mwana wa mũndũ, aa nĩmo motw'ĩo ala maĩlĩte kũatĩĩwa kwondũ wa kĩthembeo: Kyamina kwakwa kwondũ wa kũvĩvĩsya nthembo na kũminzangĩsya nthakame,
19
wĩosa kasalũ kethĩwe nthembo kwondũ wa ũekeo wa naĩ, na ũikanenga athembi ma mbaĩ ya Livai, ala nĩ nzyawa sya Nzatoki, na mokaa mbee wakwa manthũkũme. Nĩasya ũu nyie Mwĩai Ngai Mũsumbĩ.
20
Wĩosa nthakame yako ũmĩvake mĩthyanĩ ĩna ya kĩthembeo, mĩthyanĩ ĩna ya ũtiivo wa kĩthembeo na mũlengonĩ ũla ũkĩlingĩlĩte. Kwa kwĩka ũu ũkeethĩwa wavatha kĩthembeo kĩu na kũkĩthesya.
21
Wĩosa kasalũ kau ka nthembo kwondũ wa ũekeo wa naĩ, na ũikavĩvĩsya vandũ vanyuvĩtwe Ĩkalũnĩ, ĩndĩ nza wa vala vatheu.
22
“Mũthenyanĩ wa kelĩ wĩosa nthenge ĩte kĩema, na ũimĩthemba yĩthĩwe nthembo kwondũ wa ũekeo wa naĩ. Kĩthembeo kĩkathew'a na nthakame ya nthenge ĩsu, o ũndũ kyatheiw'e na nthakame ya kala kasalũ.
23
Wamina kũthesya kĩthembeo, wĩthemba kasalũ kate kĩema na ndũũme ĩte kĩema kuma ndĩthyanĩ.
24
Ũkaiete mbee wakwa nyie Mwĩai Ngai, na athembi mayivaka mũnyũ, na mayĩithemba syĩthĩwe nthembo ya kũvĩvw'a yakwa nyie Mwĩai Ngai.
25
“Kĩla mũthenya vandũ va mĩthenya mũonza, mũkathembaa nthenge, kasalũ na ndũũme kuma ndĩthyanĩ, syĩthĩwe nthembo kwondũ wa ũekeo wa naĩ. Syonthe no nginya syĩthĩwe ite kĩema.
26
Vandũ va mĩthenya mũonza athembi makaumasya nthembo nĩ kana kĩthembeo kĩthew'e, na kwa nzĩa ĩsu maikĩvatha.
27
Ĩtina wa mĩthenya ĩsu mũonza, kuma mũthenya wa nyanya kũthi na mbee, athembi makathembeaa kĩthembeonĩ kĩu nthembo syenyu sya kũvĩvw'a na sya ngwatanĩo, nakwa ngamwĩtĩkĩla. Nĩasya ũu nyie Mwĩai Ngai Mũsumbĩ.”
← Chapter 42
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 44 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→