bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 21
Ezekiel 21
Kamba (MBIVILIA ŨVOO MŨSEO)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Mwĩai Ngai nĩwaneenie nakwa ambĩa atĩĩ,
2
“Mwana wa mũndũ, ĩthyũũe ũsisye ndũa ya Yelũsalemu, na ũyathana ũthũku ĩũlũ wa kũndũ kwoo kwa kũthaithĩa, na ũyathanĩa nthĩ ya Ĩsilaeli ũthũku.
3
Neena na andũ ma Ĩsilaeli ũmee kana nyie Mwĩai Ngai nĩasya atĩĩ, ‘Nĩnũkĩte kũmũkany'a, na nĩngũkũa ũvyũ wakwa ndoonĩ nũae andũ ala alũngalu na ala athũku.
4
Nĩngũaa andũ onthe ala aseo na ala athũku, kuma ngalĩko ya ĩũlũ kũvika ya ĩtheo ngĩtũmĩa ũvyũ wakwa.
5
Nĩvo ĩndĩ andũ onthe memanya kana nyie Mwĩai Ngai nĩngũĩte ũvyũ wakwa ndoonĩ, na ndiũtũngĩa vo.’
6
“Kwoou we mwana wa mũndũ, luma! Luma wĩ mbee woo ta mũndũ ũkw'ĩte ngoo, na wĩ na woo mwingĩ.
7
Maũkũlya atĩĩ, ‘Wĩluma nĩkĩ?’ Masũngĩe ũmee wĩluma nũndũ wa ũvoo ũla wũkĩte. Yĩla ũvoo ũsu wĩũka, kĩla ngoo ĩkausũwa nĩ w'ĩa, moko moo makaleela, ũkũmbaũ woo ũkathela, na mau moo maikethĩwa na vinya. Ũvoo ũsu nĩwũkĩte na ũkeanĩw'a. Nĩasya ũu nyie Mwĩai Ngai.”
8
Mwĩai Ngai nĩwaneenie nakwa ambĩa atĩĩ,
9
“Mwana wa mũndũ, athana wasye ũũ nĩ w'o nyie Mwĩai Ngai ngwasya: ‘Ũvyũ, ũvyũ nĩmũnoe, na ũkakutwa.
10
Ũnoetwe nĩ kana wũae, ũkutĩtwe nĩ kana ũtise ta ũtisi! Nĩtwaĩlĩtwe nĩ kũtana? We mwana wakwa nũvũthĩtye ũkany'o na ũtao.
11
Ũvyũ nũendee na kũkutwa, nĩ kana ũmbanw'e kwondũ wa kũtũmĩwa. Nũnoetwe na ũkakutwa, nĩ kana ũnenganwe mokonĩ ma mũaani.
12
Mwana wa mũndũ, ĩa na ũyua mbu, nĩkwĩthĩwa ũvyũ ũũ ũmbanĩw'e andũ makwa; ũmbanĩw'e atongoi onthe ma Ĩsilaeli. Nĩmekũawa vamwe na andũ ala angĩ makwa onthe, kwoou ĩkũnange kĩthũi nĩ kyeva.
13
Ũsu wĩĩthĩwa wĩ ũtato mũnene mũno, na malea kumbũla, maũndũ aa onthe nĩmekwĩkĩka kũla maĩ. Nĩasya ũu nyie Mwĩai Ngai Mũsumbĩ.’
14
Kwoou yu we mwana wa mũndũ, athana, na ũikũnany'a moko maku. Ũvyũ nũũtethya wĩa waw'o mavinda elĩ kana atatũ, nĩ ũvyũ wa kũaa andũ aingĩ, ũmelingĩlĩte ngalĩko syonthe.
15
Nũtumaa andũ methĩwa mate na wĩkwatyo, na aingĩ maivalũkanga. Nĩnĩvangĩte ũvyũ wũae andũ, mĩvĩanĩ yoo yonthe. Asi, ũvyũ ũsu ũseũvĩtw'e ũtise ta ũtisi, ũkwetwe nĩ kana wũae andũ aingĩ.
16
We ũvyũ, temanga ũendete ngalĩko ya kw'oko kwa aũme, na ũithi ngalĩko ya kw'oko kwa aka, vĩndũa ũĩ waku ngalĩko syonthe.
17
O nakwa nĩngũkũnany'a moko makwa, na ũthatu wakwa ũithela. Nyie Mwĩai Ngai nĩnaneena.”
18
Mwĩai Ngai nĩwaneenie nakwa ambĩa atĩĩ,
19
“Mwana wa mũndũ, kulula nzĩa ilĩ vala mũsumbĩ wa Mbavilonĩ ũkũka kwĩsĩla; syonthe syambĩĩe kuma nthĩ ĩmwe. Ĩkĩa kĩvwaũ vala lelũ ũaanĩkĩle ũkathi ndũanĩ.
20
Kulula nzĩa ĩmwe yonetye mũsumbĩ ũsu nzĩa ya kũthi ndũanĩ ya Aamimoni ĩla yĩtawa Lava, na ĩla ĩngĩ yonanĩtye nzĩa ya kũthi Yuta, ndũanĩ mbiĩĩe ya Yelũsalemu.
21
Mũsumbĩ wa Mbavilonĩ nũũngamĩte mwambĩlĩĩlyonĩ wa nzĩa isu syelĩ, mataanĩsyonĩ masyo, nĩ kana aaũsye, akũne kula na maangi, akũlye ngai syake sya mĩvw'anano syĩtawa Telavimu, na aisisya ĩtema ya nyamũ ya nthembo.
22
Kw'okonĩ kwake kwa aũme akwete ĩangi yake yĩla yĩandĩkĩtwe ‘Yelũsalemu.’ Ĩangi yĩu yĩmwĩa nĩathi aseũvye syĩndũ sya kũomboa, na kũkĩlya wasya nĩ kana kaũ wambĩĩe, kwia syĩndũ sya kũomboanga ngũta mĩvĩanĩ, kwaka ivumbu na kwĩnza mĩtaũ.
23
Andũ ala maseũvisye ngwatanĩo nake meĩthĩwa matatonya kũĩkĩĩa, ĩndĩ nũkũmalilikany'a ĩũlũ wa mavĩtyo moo, na aimakwata amove.
24
“Kwoou nyie Mwĩai Ngai Mũsumbĩ nĩasya kana nũndũ inyw'ĩ nĩmũtumĩte ũthũku wenyu ũlilikanwa, nĩkwĩthĩwa ũng'endu wenyu nĩwenekee, na naĩ syenyu nĩsyumĩlaa maũndũnĩ onthe ala mũkwĩka; nũndũ wa kwĩthĩwa nĩmwĩkĩte maũndũ asu, nĩmũũkwatwa mwovwe.
25
“We mũsumbĩ mũthũku wa Ĩsilaeli na ũte mũtheu, mũthenya wa ũkany'o waku wa mũthya nĩmũviku.
26
Nyie Mwĩai Ngai Mũsumbĩ nĩkwĩa nĩumye ngovia yaku, na ũyumya kĩlaũnĩ. Maũndũ maiĩthĩwa mailyĩ ũndũ meeilyĩ. Ala menyivasya nĩmeũnenevw'a na ala menenevasya nĩmeũnyivw'a.
27
Nĩngũomboa! Nĩngũomboa! Nĩngũomboa ndũa ĩsu! Ĩndĩ ũu ndwĩĩkĩka nginya ũla nĩnyuvĩte oke kũmĩkany'a oke, na ĩndĩ ngĩmũnenga ndũa ĩsu.
28
“Mwana wa mũndũ, athana wasye kana ũũ nĩ w'o nyie Mwĩai Ngai Mũsumbĩ ngwasya ĩũlũ wa Aamimoni, na nũmangano syoo, ‘Ũvyũ, ũvyũ, ũkũĩtwe nĩ kana wũae, ũkutĩtwe nĩ kana ũmine, na ũitisa ta ũtisi!
29
Ĩvindanĩ yĩla mũendee na kwona mawoni ma ũvũngũ, na kũneena mawathani ma ũvũngũ, ũvyũ ũkeethĩwa wĩyũmbanĩtye kũtila ngingo sya andũ athũku ala maĩlĩte kũawa, ala mũthenya woo wa kũkanw'a nũvikie.
30
“ ‘Tũngĩa ũvyũ ndoonĩ yaw'o, nĩmũkanĩsya vala mwoombĩiwe, nthĩ ĩla mwasyaĩwe.
31
Nĩngũmũetee ũthatu wakwa, na kũmũthatĩa na ũthatu wakwa mwai; nĩngũmũnengane ũtonyinĩ wa andũ athũku, andũ mesĩ kwananga.
32
Mwĩtw'ĩka ngũ syĩ mwakinĩ; nthakame yenyu nĩkwĩtwa nthĩ yenyu. Mũikalilikanwa ĩngĩ. Nĩkwĩthĩwa nyie Mwĩai Ngai nĩnaneena.’ ”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→