bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 32
Ezekiel 32
Kamba (MBIVILIA ŨVOO MŨSEO)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
1
Mũthenyanĩ wa mbee wa mwei wa ĩkũmi na ilĩ, mwaka wa ĩkũmi na ilĩ kuma twatwawa nthĩ ya ũeninĩ, Mwĩai Ngai nĩwaneenie nakwa ambĩa atĩĩ,
2
“Mwana wa mũndũ, inĩa Valao mũsumbĩ wa Misili wathi wa kĩĩo ũmwĩe atĩĩ: We wonaa ta wĩ mũnyambũ katĩ wa mbaĩ sya andũ, ĩndĩ ũilyĩ mũkũnga wĩ ũkanganĩ. Wumĩlaa na vinya mbũsĩnĩ syaku, ũthokoanasya kĩw'ũ na maũũ maku, na kũvukya mbũsĩ.
3
“Nyie Mwĩai Ngai Mũsumbĩ nĩasya: Yĩla andũ aingĩ meũmbana, ngekya kĩtei kyakwa ĩũlũ waku, namo makaũkusya na kĩtei kyakwa makwie ũtee.
4
Ngakwĩkya ũvalũke nthĩ, ngakwĩkya kĩsesinĩ. Ngatuma nyũnyi syonthe ikwĩvũĩla, na nyamũ syonthe sya kĩthekanĩ ikaya mwĩĩ waku ivũne.
5
Nganyaĩĩkĩsya nyama syaku iĩmanĩ, na kusũsya myanda na kimba kyaku.
6
Nganyithya nthĩ kũthi kũvika iĩmanĩ, na nthakame yaku ĩla yĩĩthĩwa yĩtĩkĩte, na tũlũsĩ tũkausũa nthakame ĩsu.
7
Yĩla nĩkũmina ngavw'ĩka matu, na kũtuma ndata ituka. Ngavw'ĩka syũa na ĩthweo, na mwei ndũkaumya kyeni kyaw'o.
8
Ngatuma syeni syonthe ila itisaa syĩ ĩũlũ waku itw'ĩka kĩvindu, na kũtuma nthĩ yaku yĩthĩwa na kĩvindu. Nĩasya ũu nyie Mwĩai Ngai Mũsumbĩ.
9
“Ngatuma ngoo sya andũ aingĩ syĩthĩwa na kĩũũyũ, yĩla nĩkũtwaa nthĩ ingĩ wĩ mwove, nthĩ ila we ũtesĩ.
10
Ngatuma andũ aingĩ masaanĩw'a nue, na asumbĩ moo makatetema nũndũ waku, yĩla nĩtambũũkya ũvyũ wakwa mbee woo. Makatetemaa kĩla ĩvinda, kĩla mũndũ akeethĩawa aikĩa nũndũ wa kwenda kũsũvĩa thayũ wake, mũthenyanĩ wa kũminwa kwaku.
11
Nyie Mwĩai Ngai Mũsumbĩ nĩasya: Ũkakomana na ũvyũ wa mũsumbĩ wa Mbavilonĩ.
12
Ngatuma andũ maku aingĩ moawa na mbyũ sya andũ ngũmbaũ; andũ athũku mbee wa andũ angĩ o na meva ĩũlũ wa nthĩ. Makatuma ngathĩĩo sya nthĩ ya Misili ithela, na andũ mayo onthe makaminwa.
13
Ngamina indo sya nthĩ ĩsu, ieke kwĩthĩwa ũtee wa Ũsĩ wa Naeli, na vai mũndũ ũkakinya kĩw'ũ kĩu akĩthokoany'e ĩngĩ; o ta ũu vai mavũngũ ma nyamũ makakĩthokoany'a ĩngĩ.
14
Nĩvo ĩndĩ ngatuma kĩw'ũ kyaw'o kĩkelema, na kũtuma kĩw'ũ kya tũlũsĩ twaw'o kĩtheea ta mauta. Nĩasya ũu nyie Mwĩai Ngai Mũsumbĩ.
15
Yĩla ngatuma nthĩ ya Misili ĩtiwa yĩ nthei, na syĩndũ syayo syonthe iikuwa; yĩla ngoaa onthe ala matũaa nthĩ ĩsu, nĩvo ĩndĩ memanya kana ninyie Mwĩai Ngai.
16
“Wathi ũsu wa kĩĩo ũkainwa nĩ aka ma mbaĩ ingĩ; makaina ĩũlũ wa Misili na andũ mayo onthe. Nĩasya ũu nyie Mwĩai Ngai Mũsumbĩ.”
17
Mũthenyanĩ wa ĩkũmi na itano wa mwei wa mbee mwaka wa ĩkũmi na ilĩ kuma twatwawa nthĩ ya ũeninĩ, Mwĩai Ngai nĩwaneenie nakwa ambĩa atĩĩ,
18
“Mwana wa mũndũ, ĩa nũndũ wa andũ aingĩ ma Misili. Matheesye me na mbaĩ ingĩ syĩ vinya mathi naku nthĩ, makekale vamwe na ala me nthĩ ya ala akw'ũ.
19
Neena namo ũmakũlye atĩĩ, ‘Mwĩsũanĩa mwĩ aseo mbee wa andũ ala angĩ onthe? Theeai nthĩ ya ala akw'ũ, mũkakome kũu mwĩ vamwe na ala matamwĩsĩ Ngai.’
20
“Andũ ma Misili makaminwa vamwe na andũ ala mooaĩiwe kaũnĩ. Ũvyũ wa kũmamina vamwe na andũ mayo aingĩ wĩ vo.
21
Atongoi moo me vinya vamwe na atetheesya moo me vala maveva ma ala akw'ũ mekalaa makaneena masye atĩĩ, ‘Andũ matamwĩsĩ Ngai ala mooaĩiwe kaũnĩ nĩmatheeie kũũ, na nĩ aa makomete vaa!’
22
“Andũ ma nthĩ ya Asuli me vo, na mbũa sya asikalĩ mayo onthe ala mooaĩiwe kaũnĩ mamĩthyũlũlũkĩte.
23
Mbũa syoo syĩ kũla kũliku vyũ nthĩ ya ala akw'ũ. Asikalĩ mayo onthe ala maetae thĩna nthĩ ya ala me thayũ nĩmooaĩiwe kaũnĩ na mbũa syoo ithyũlũlũkĩte mbũa ya yo.
24
“Andũ ma nthĩ ya Elamu o namo me kũu, mathyũlũlũkĩtwe nĩ mbũa sya asikalĩ ma nthĩ yoo ala mooaĩiwe kaũnĩ. Onthe asu ala matamwĩsĩ Ngai nĩmatheeie nthĩ ya ala akw'ũ. Yĩla maĩ thayũ nĩmaetae thĩna nthĩ ya ala me thayũ. Ĩndĩ yu me na nthoni me vamwe na ala maendie nthĩ ya ala akw'ũ.
25
Andũ ma nthĩ ya Elamu mavalũkangĩtw'e vamwe na asikalĩ mayo ala mooaĩiwe kaũnĩ. Ĩthyũlũlũkĩtwe nĩ mbũa sya asikalĩ mayo onthe ala mooaĩiwe kaũnĩ, na ala matamwĩsĩ Ngai. Yĩla maĩ thayũ nĩmaetae thĩna nthĩ ya ala me thayũ, ĩndĩ yu me vau me na nthoni, me vamwe na ala maendie nthĩ ya ala akw'ũ; me vamwe na ala mooaiwe.
26
“Andũ ma nthĩ ya Meseki na ya Tuvali onthe me kũu, mathyũlũlũkĩtwe nĩ mbũa sya asikalĩ moo. Andũ asu onthe matamwĩsĩ Ngai mooaĩiwe kaũnĩ, na nĩ andũ ala yĩla maĩ thayũ maetae thĩna nthĩ ya ala me thayũ.
27
Andũ asu matamwĩsĩ Ngai mayaathikwa vamwe na ngũmbaũ sya tene, ila syatheeie vala maveva ma ala akw'ũ mekalaa nthĩ ya ala akw'ũ syĩ na mĩio yoo ya kaũ, mbyũ syoo siĩtwe ungu wa mĩtwe yoo, na ngao syoo ĩũlũ wa mĩĩ yoo. Yĩla ngũmbaũ isu syaĩ thayũ nĩsyaetae thĩna nthĩ ya ala me thayũ.
28
Ũu nĩ w'o inyw'ĩ andũ ma Misili mũkaminwa na kũkoma vamwe na andũ matamwĩsĩ Ngai, ala mooaĩiwe kaũnĩ.
29
“Andũ ma Etomu me kũu me vamwe na asumbĩ moo, na atongoi moo onthe. Yĩla maĩ thayũ maĩ na ũtonyi mwingĩ, ĩndĩ yu makomete nthĩ ya ala akw'ũ me na andũ matamwĩsĩ Ngai ala mooaĩiwe kaũnĩ.
30
“Atongoi onthe ma ngalĩko ya ĩũlũ na andũ ma Sitoni onthe me kũu. Yĩla maĩ thayũ nĩmathĩnasya andũ nũndũ wa ũtonyi woo, ĩndĩ yu andũ asu matamwĩsĩ Ngai makomete kũu me vamwe na ala mooaĩiwe kaũnĩ, na me na nthoni me vamwe na ala maendie nthĩ ya ala akw'ũ.
31
“Yĩla mũsumbĩ wa Misili wĩoana andũ asu onthe mooaĩiwe kaũnĩ, akakiakiĩka e vamwe na asikalĩ make ma kaũ. Nĩasya ũu nyie Mwĩai Ngai Mũsumbĩ.
32
“Nĩnatumie mũsumbĩ wa Misili athĩny'a andũ ala me thayũ, ĩndĩ we na asikalĩ make onthe makooawa, na kũthikwa vamwe na ala matamwĩsĩ Ngai, ala moaĩawa kaũnĩ. Nĩasya ũu nyie Mwĩai Ngai Mũsumbĩ.”
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48