bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 33
Ezekiel 33
Kamba (MBIVILIA ŨVOO MŨSEO)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Mwĩai Ngai nĩwaneenie nakwa ambĩa atĩĩ,
2
“Mwana wa mũndũ, neena na andũ maku ũmee kana yĩla naete kaũ nthĩ, na andũ ma nthĩ ĩsu mainyuva mũndũ katĩ woo, na kũmũtw'ĩkĩthya mũsyaĩĩsya,
3
mũndũ ũsu oona mũmaitha okĩte kũvithũkĩa nthĩ, nũvuvaa soo na kũmanyĩthya andũ kana mũmaitha nĩwũkĩte.
4
Ethĩwa mũndũ akeew'a wasya ũsu wa soo na kũvũthya, na mũmaitha ũsu ayũka na kũmũaa, mũndũ ũsu akatalĩlwa ĩvĩtyo nũndũ wa kĩkw'ũ kyake.
5
Nũndũ nĩweewie wasya wa soo na avũthya we mwene, akatalĩlwa ĩvĩtyo nũndũ wa kĩkw'ũ kyake. Kethĩwa nĩweethukĩĩisye, no atangĩĩe thayũ wake.
6
Ĩndĩ mũsyaĩĩsya oona mũmaitha okĩte, na ailea kũvuva soo amanyĩthye andũ kana mũmaitha nĩwũkĩte, na mũmaitha ũsu ayũka na kũaa ũmwe woo, mũndũ ũsu wooawa akusaa e na ĩvĩtyo, ĩndĩ ngaandũa mũsyaĩĩsya kĩkw'ũ kya mũndũ ũsu.
7
“Mwana wa mũndũ, yu nĩnakũtw'ĩkĩthya mũsyaĩĩsya wa nthĩ ya Ĩsilaeli; weew'a naneena, matavasye ũkany'o ũsu weew'a.
8
Yĩla naneena na mũndũ mũthũku na ngĩmwĩa, ‘We mũndũ mũthũku, kwa w'o nũũkw'a,’ na ũilea kũneena ũkany'e mũndũ ũsu mũthũku aekane na mwĩkalĩle wake mũthũku, mũndũ ũsu akakw'ĩĩa ĩvĩtyonĩ yake, ĩndĩ ngakũtalĩla ĩvĩtyo nũndũ wa kĩkw'ũ kyake.
9
Ĩndĩ wakany'a mũndũ ũsu mũthũku aekane na mwĩkalĩle wake, na ailea kũekana na w'o, akakw'ĩĩa ĩvĩtyonĩ yake, ĩndĩ we ũkeethĩwa watangĩĩa thayũ waku.”
10
Mwĩai Ngai nĩwaneenie nakwa ambĩa atĩĩ, “Mwana wa mũndũ, neena na andũ ma Ĩsilaeli ũmee atĩĩ, inyw'ĩ mwĩasya, ‘Nĩtũitavĩwe nĩ mavĩtyo na naĩ sitũ; tũendee kwonza nũndũ wa syo! Tũtonya ata kũendeea kwĩkala thayũ?’
11
Matavye ũmee kana o tondũ nyie Mwĩai Ngai Mũsumbĩ nĩ thayũ, nditanĩthaw'a nĩ kĩkw'ũ kya mũndũ mũthũku. Ĩndĩ nendaa none aitia mwĩkalĩle wake na kwĩkala thayũ. Inyw'ĩ andũ ma Ĩsilaeli, ekanai na mothũku ala mũkwĩka. Mwĩenda kũkw'a nĩkĩ?
12
“Naku we mwana wa mũndũ, neena na andũ ma nthĩ yaku ũmee atĩĩ, ‘Yĩla mũndũ mũlũngalu wavĩtya, meko ma ũlũngalu ala weekie maitonya kũmũtangĩĩa. Yĩla mũndũ mũthũku waekana na ũthũku wake, ndakakanw'a nũndũ wa ũthũku ũla weekĩte mbeenĩ. Yĩla mũndũ mũlũngalu weeka naĩ, meko make ma ũlũngalu ala weekie maikatuma ekala thayũ.
13
Ethĩwa ngeea mũndũ mũlũngalu kana kwa w'o nũkwĩkala thayũ, ĩndĩ aiĩkĩĩa kana meko make ma ũlũngalu ala wĩkĩte nĩmeanĩte na ayĩka naĩ, vai ũmwe wa meko make ma ũlũngalu ala weekie ũkalilikanwa. Akakw'a nũndũ wa mavĩtyo ala wĩkĩte.
14
Ethĩwa ngeea mũndũ mũthũku kana vate nzika nũkũkw'a, ĩndĩ aieka kwĩka naĩ ĩla wĩkaa na kwĩka ũndũ mĩao ĩkwasya na ũla wa w'o,
15
ethĩwa akatũnga ngwatĩlĩĩlyo ĩla woosete nũndũ wa ĩkoani, na kũtũnga syĩndũ ila wooyĩte, na o ta ũu ayĩanĩsya motw'ĩo ala manenganae thayũ, na ailea kwĩka naĩ, mũndũ ũsu kwa w'o akekala thayũ; ndakakw'a.
16
Ndikamũsilĩla nũndũ wa naĩ ila wĩkĩte; akekala thayũ nũndũ nĩwĩkĩte ũndũ mĩao ĩkwasya, na ũla wa w'o.
17
“ ‘Ĩndĩ andũ ma nthĩ yaku meneena makasya kana maũndũ ala nyie Mwĩai ngwĩka mayaĩlĩte, o na kau meko moo nĩ mo mataĩlĩte.
18
Yĩla mũndũ mũlũngalu waeka kwĩka meko ma ũlũngalu na ambĩĩa kwĩka naĩ, akakw'a nũndũ wa naĩ ĩsu.
19
Yĩla mũndũ mũthũku waeka kwĩka naĩ na ambĩĩa kwĩka ũndũ mĩao ĩkwasya na ũla wa w'o, mũndũ ũsu akekala thayũ.
20
Ĩndĩ o na kau inyw'ĩ andũ ma Ĩsilaeli mwĩneena mũkasya maũndũ ala nyie Mwĩai ngwĩka mayaĩlĩte, ngasilĩla kĩla mũndũ kwĩanana na mwĩkalĩle wake.’ ”
21
Mũthenyanĩ wa katano mwei wa ĩkũmi, mwaka wa ĩkũmi na ilĩ kuma twatwawa nthĩ ya ũeninĩ, mũndũ ũmwe wakĩĩte kuma Yelũsalemu nĩwookie kũla nĩĩ na ambĩa atĩĩ, “Ndũa ya Yelũsalemu nĩyanangiwe!”
22
Wĩoo ũla waĩ mbee wa mũthenya ũla mũndũ ũsu wookie, vinya wa Mwĩai Ngai waĩ ĩũlũ wakwa, na nĩwambingũie kanyw'a wakwa mũndũ ũsu atanamba kũka vala nĩĩ kwakya; kwoou Mwĩai Ngai nĩwandonyethisye kũneena na ndyaaendeea kũvindya.
23
Mwĩai Ngai nĩwaneenie nakwa ambĩa atĩĩ,
24
“Mwana wa mũndũ, andũ ala matũaa maũombokunĩ ma ndũa sya nthĩ ya Ĩsilaeli measya atĩĩ, ‘Avalaamu aĩ mũndũ o ũmwe, ĩndĩ nthĩ ĩno yonthe yaĩ yake. Ĩndĩ ithyĩ twĩ aingĩ, na kwa w'o nĩtũnengetwe nthĩ ĩno tũmĩmesye.’
25
“Kwoou neena namo ũmee nyie Mwĩai Ngai Mũsumbĩ nĩmea atĩĩ, ‘Nĩmũĩsaa nyama syĩ na nthakame, nĩmũthaithaa ngai syenyu sya mĩvw'anano, na nĩmũaa andũ. Mwĩsũanĩa kana mũkamesya nthĩ ĩno?
26
Mwĩkwatasya mbyũ syenyu, mwĩkaa maũndũ ma kũthatya, na kĩla ũmwe wenyu nũvukasya kĩveti kya mũtũi wake. Mwĩsũanĩa kana mũkamesya nthĩ ĩno?’
27
“Matavye ũmee kana o tondũ nyie Mwĩai Ngai Mũsumbĩ nĩ thayũ, nĩasya kana andũ asu mekalaa ndũanĩ mbomboku na makooaĩwa kaũnĩ. Ala matũaa isesinĩ ngamanengane malĩke nĩ nyamũ sya kĩthekanĩ, na ala matũaa kũndũ kũlũmu na ngunganĩ makooawa nĩ ũwau mũthũku.
28
Ngatuma nthĩ ĩsu ĩtiwa yĩ nthei na yĩ mbanangĩku, na ngathĩĩo sya vinya wayo ikathela. Iĩma sya Ĩsilaeli ikatiwa syĩ nthei wĩthĩe vai mũndũ wĩsĩla vo.
29
Yĩla ngatuma nthĩ ĩsu ĩtiwa yĩ nthei na yĩ mbanangĩku nũndũ wa mothatyo onthe ala mekĩte, nĩvo ĩndĩ memanya kana ninyie Mwĩai Ngai.”
30
Mwĩai Ngai nĩwaneenie nakwa ambĩa atĩĩ, “Mwana wa mũndũ, andũ ma nthĩ yaku meneena ĩũlũ waku me vakuvĩ na ngũta sya ndũa, na me mĩomonĩ ya nyũmba syoo na kwasya, ‘Nĩtũthi tũkew'e ũndũ Mwĩai Ngai waisye.’
31
Kwoou nĩmokaa kũla ũĩ, o tondũ mekalaa mayĩka. Nĩmekalaa mbee waku ta andũ makwa methukĩĩsye ũndũ ũũmea, ĩndĩ mayĩkaa ũndũ wamatavya. Nĩmaneenaa makonany'a kwĩyumya kwoo, ĩndĩ methĩawa maisũanĩa ũndũ mekũkwata ũtandĩthyo woo ene.
32
Kwoo ũilyĩ ta mwini ũla winaa mbathi sya wendo na wasya mũseo, na kũkũna nesa mĩio ya wini, nũndũ nĩmethukĩĩasya ũndũ ũũmea, ĩndĩ mayĩkaa ũndũ wamatavya.
33
Ĩndĩ yĩla ndeto isu ikeanĩa, (ndeto isu no nginya syĩanĩe) nĩvo ĩndĩ memanya kana kwaĩ mwathani katĩ woo.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48