bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 26
Ezekiel 26
Kamba (MBIVILIA ŨVOO MŨSEO)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
1
Mũthenyanĩ wa mbee wa mwei, mwaka wa ĩkũmi na ũmwe kuma twatwawa nthĩ ya ũeninĩ, Mwĩai Ngai nĩwaneenie nakwa ambĩa atĩĩ,
2
“Mwana wa mũndũ, andũ ma Tile nĩmeũthekeea ndũa ya Yelũsalemu mayasya, ‘Ndũa ya Yelũsalemu ĩla andũ onthe mesĩlile nĩmbanange, nayu nĩtũvingũĩwe mĩvĩa ya yo, na nĩkwĩthĩwa yu ĩtiĩtwe yĩ mbanangĩku nĩtũkũendeea nesa.’
3
Kwoou nyie Mwĩai Ngai Mũsumbĩ nĩasya kana nĩndw'ĩkĩte mũmaitha waku we ndũa ya Tile, na ngatuma nthĩ mbingĩ syũka ũkũvithũkĩa; nthĩ isu ikooka iilyĩ ta itulumo sya ũkanga.
4
Nthĩ isu ikaananga ngũta syaku, na kũomboa myako yaku mĩtũlu. O ta ũu ngatuta mũthanga waku na ngakũtw'ĩkĩthya ĩvia ĩthei.
5
We ndũa ya Tile ũkeethĩwa vandũ va kwanĩka itei sya makũyũ ũkanganĩ katĩ. Syĩndũ syaku ikatavwa nĩ nthĩ ingĩ. Nĩasya ũu nyie Mwĩai Ngai Mũsumbĩ.
6
Andũ maku ala matwĩe ndũanĩ sya nthĩ yaku makooaĩwa kaũnĩ. Nĩvo ĩndĩ andũ ma Tile memanya kana ninyie Mwĩai Ngai.”
7
Mwĩai Ngai Mũsumbĩ easya atĩĩ, “Ngaete kuma ngalĩko ya ĩũlũ Mũsumbĩ Nevukatinesa wa Mbavilonĩ, ũla nĩ we mũsumbĩ mũnene kwĩ onthe akũvithũkĩe we Tile. Akooka e na mbalasi, makasya ma kaũ, asikalĩ malĩsĩte mbalasinĩ, na e na nguthu nene ya asikalĩ.
8
Akooaĩa kaũnĩ andũ maku ala matwĩe vaasa na ũkanga. Akaaka ũkũta na kũmba ivumbu ikũthyũlũlũke na aikwata ngao mbingĩ okite naku.
9
Akakũna ngũta syaku aitũmĩa syĩndũ sya kũomboa, na kũomboanga myako yaku mĩtũlu na mathoka make.
10
Mbalasi syake ikeethĩwa syĩ mbingĩ wĩthĩe kĩtoo kĩla syũkĩlĩtye kĩkakũvw'ĩka. Ngũta syaku ikathingithw'a nĩ kĩtuu kya mbalasi sya kaũ, makasya ma mĩio na makasya ma kaũ, yĩla Mũsumbĩ Nevukatinesa wĩlikĩla mĩvĩanĩ yaku, o tondũ andũ malikaa ndũanĩ mesĩlĩte ũkũtanĩ mũvũthũe.
11
Mavũngũ ma mbalasi syake makakinyanga malelũ maku onthe; akooaa andũ maku na ũvyũ, na ituĩ syaku ndũmu ikavalũkanga nthĩ.
12
Makatava ũthwii waku, na kwosa syĩndũ syaku sya kũthoosya; makaananga ngũta syaku na kwananga nyũmba syaku nzeo; makekya mavia maku, mbwaũ na mũthanga ũkanganĩ.
13
Ngatuma mbathi syaku ila winaa ithela, na wasya wa ngitaa syaku ndũkew'ĩka ĩngĩ.
14
Ngakũtw'ĩkĩthya ĩvia ĩthei, na ũitw'ĩka vandũ va kwanĩka itei sya makũyũ. Ndũkakwa ĩngĩ. Nĩasya ũu nyie Mwĩai Ngai Mũsumbĩ.”
15
Ũũ nĩ w'o Mwĩai Ngai Mũsumbĩ ũkũkũlya ndũa ya Tile, “Nthĩ ila syĩ ũtee wa ũkanga nikalea kũtetema nũndũ wa wasya wa kũvalũka kwaku, yĩla ala aũmĩsye meluma, na yĩla andũ aingĩ nthĩnĩ waku meũawa?
16
Nĩvo ĩndĩ asumbĩ ma nthĩ ila syĩ ũtee wa ũkanga meuma ivilanĩ syoo sya kĩ-ũsumbĩ, na kumya ngũa syoo ndaasa, na ngũa syoo mbanakavye. Makausũwa nĩ w'ĩa na kwĩkala nthĩ mũthanganĩ, matetemete ĩvinda yonthe, na kũseng'wa nue.
17
Nĩvo ĩndĩ mekwinĩa wathi ũũ wa kĩĩo mayasya, ‘Wĩ mwanange vyũ we ndũa yĩ nguma, vala andũ ma ũkanganĩ matwĩe! Waĩ na ũtonyi mokanganĩ, we na andũ maku. Nĩwatelemetye onthe ala matwĩe vo.
18
Nthĩ ila syĩ ũtee wa ũkanga niũtetema, mũthenyanĩ wa kũvalũka kwaku; ithama ila syĩ ũkanganĩ nitelemetw'e nĩ kwanangwa kwaku.’ ”
19
Ũũ nĩ w'o Mwĩai Ngai Mũsumbĩ ũkwasya, “Ngatuma ũtiwa ũte kĩndũ ta ndũa ila mbomboku itatwĩe andũ. Ngaete ũkanga ũkũvw'ĩke na kĩw'ũ kyaw'o kingĩ.
20
Nĩvo ĩndĩ ngakũlikya kũla kwĩ andũ matheeie kw'o tene, na kũtuma ũtũa naku ungu ta ndũa ila syaomboangiwe tene, wĩkale vamwe na ala matheeie kũu tene. Nũndũ wa ũu vai mũndũ ũkatũa nthĩnĩ waku ĩngĩ, na ndũkethĩwa na mwanya nthĩ ya ala me thayũ.
21
Ngatuma mũminũkĩlyo waku wĩthĩwa wĩ mũthũku mũno, na ndũkethĩwa vo ĩngĩ; o na wamanthwa, ndũkoneka ĩngĩ. Nĩasya ũu nyie Mwĩai Ngai Mũsumbĩ.”
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48