bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 20
Ezekiel 20
Kamba (MBIVILIA ŨVOO MŨSEO)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Mũthenya wa ĩkũmi wa mwei wa katano, mwakanĩ wa mũonza kuma twatwawa nthĩ ya ũeninĩ, amwe ma atumĩa ma Ĩsilaeli nĩmookie kũkũlya ũtao wa Mwĩai Ngai, na mekala nthĩ mbee wakwa.
2
Nĩvo ĩndĩ Mwĩai Ngai waneenie nakwa ambĩa atĩĩ,
3
“Mwana wa mũndũ, neena na atumĩa ma Ĩsilaeli ũmee atĩĩ, ‘Ũũ nĩ w'o Mwĩai Ngai Mũsumbĩ ũkũmũkũlya: Nĩ w'o kana mwooka kũngũlya ũtao? O tondũ nyie Mwĩai Ngai Mũsumbĩ nĩ thayũ, ndiĩtĩkĩla mũngũlye ũtao.’
4
“We mwana wa mũndũ, nĩkũlya, nũũmasilĩla? Malilikany'e maũndũ ma kũthatya ala aaũmae moo meekie,
5
na ũimea atĩĩ, Ũũ nĩ w'o Mwĩai Ngai Mũsumbĩ ũkwasya: Mũthenya ũla nanyuvie andũ ma Ĩsilaeli, nĩneevĩtĩie ũsyao wa Yakovo, na namamanyĩthya ninyie ũũ me nthĩ ya Misili. Nĩneevĩtie namea: Nyie ninyie Mwĩai Ngai, Ngai wenyu.
6
Mũthenya ũsu nĩnamevĩtĩie namea kana ngamaumya nthĩ ya Misili nĩmatwae malike nthĩ nĩmamanthĩĩte, nthĩ nthwii na nou, nthĩ ĩla nzeo mũno kwĩ nthĩ ila ingĩ syonthe.
7
Nĩnaneenie namo namea: Kĩla ũmwe wenyu navete kũasa nake syĩndũ sya kũthatya ila mwendete, na mũikevukye na mĩvw'anano ya Misili. Nyie ninyie Mwĩai Ngai, Ngai wenyu.
8
Ĩndĩ nĩmang'endeie na malea kũmbĩthukĩĩsya; vai mũndũ woo o na ũmwe waaĩtĩkĩla kũveta mĩvw'anano yoo ya kũthatya ĩla mendete, o na mayaaekana na mĩvw'anano ya Misili. Kwoou nĩnasũanĩie kũmonoesya ũthatu wakwa mwingĩ nĩmamine me o kũu Misili.
9
Ĩndĩ nĩnatwie kũsũvĩa ĩsyĩtwa yakwa, nĩ kana yĩikaumwe nĩ andũ ma mbaĩ ila andũ ma Ĩsilaeli mekalanasya nasyo, andũ ala neemanyĩthanisye kwoo yĩla naumisye andũ ma Ĩsilaeli Misili.
10
Kwoou nĩnamatongoeisye namaumya nthĩ ya Misili namatwaa weũnĩ.
11
Nĩnamanengie motw'ĩo makwa na namony'a myamũlo yakwa, ĩla mũndũ waĩlĩte kũatĩĩa nĩ kana ekale thayũ.
12
Vamwe na ũu, nĩnamanengie Savato syakwa syĩthĩwe wonany'o katĩ wakwa namo, nĩ kana mamanye kana nyie Mwĩai Ngai ninyie nĩmatheasya.
13
Ĩndĩ andũ ma Ĩsilaeli nĩmang'endeie yĩla maĩ kũu weũnĩ; nĩmaleile kũatĩĩa motw'ĩo makwa, na malea myamũlo yakwa, ĩla mũndũ waĩlĩte kũatĩĩa nĩ kana ekale thayũ, na mavukya Savato syakwa mũno. Kwoou nĩnasũanĩie kũmonoesya ũthatu wakwa mwingĩ nĩmamine me o kũu weũnĩ.
14
Ĩndĩ nĩnatwie kũsũvĩa ĩsyĩtwa yakwa nĩ kana yĩikaumwe nĩ andũ ma mbaĩ ingĩ, ala makũsĩĩie yĩla naumisye andũ ma Ĩsilaeli nthĩ ya Misili.
15
Ĩndĩ ũu wĩ o vo, me kũu weũnĩ nĩnamevĩtĩie kana ndikamatwaa makalike nthĩ ĩla namathĩte kũmanenga, nthĩ nthwii na nou, nthĩ ĩla nzeo mũno kwĩ nthĩ ila ingĩ syonthe,
16
nĩkwĩthĩwa nĩmaleile myamũlo yakwa na malea kũatĩĩa motw'ĩo makwa, na mavukya Savato syakwa, nũndũ nĩmeenenganĩte kũthaitha mĩvw'anano yoo.
17
Ĩndĩ nĩnamew'ĩie tei na ndyaamananga kana ngamamina yĩla maĩ kũu weũnĩ.
18
“Nĩnaneeneie na syana syoo weũnĩ nasyĩa atĩĩ, “Mũikaatĩĩe motw'ĩo ma aaũmae menyu, kana kũatĩĩa myamũlo yoo, o na mũikevukye na mĩvw'anano yoo.
19
Nyie Mwĩai Ngai, ninyie Ngai wenyu; atĩĩai motw'ĩo makwa, na mũyĩthĩwa na kĩthito kũatĩĩa myamũlo yakwa,
20
na ĩkalyai mĩthenya yakwa ya Savato yĩ mĩtheu, nĩ kana yĩthĩwe wonany'o katĩ wakwa nenyu, na mũimanya kana nyie Mwĩai Ngai ninyie Ngai wenyu.”
21
“ ‘Ĩndĩ o nasyo syana syoo nĩsyang'endeie. Nĩsyaleile kũatĩĩa motw'ĩo makwa, na syalea kwĩkĩa kĩthito kũatĩĩa myamũlo yakwa, ĩla andũ maĩlĩte kũatĩĩa nĩ kana mekale thayũ, na mavukya Savato syakwa. Kwoou nĩnasũanĩie kũmakany'a ũthatunĩ wakwa nĩmamine me o kũu weũnĩ.
22
Ĩndĩ nĩnatwie kũmaeka na kũsũvĩa ĩsyĩtwa yakwa, nĩ kana yĩikaumwe nĩ andũ ma mbaĩ ingĩ, ala makũsĩĩie yĩla naumisye andũ ma Ĩsilaeli nthĩ ya Misili.
23
Ĩndĩ ũu wĩ o vo, me kũu weũnĩ nĩnamevĩtĩie kana ngamanyaĩĩkya katĩ wa andũ ma mbaĩ ingĩ, na kũmanyaĩĩkya katĩ wa andũ ma nthĩ ingĩ,
24
nĩkwĩthĩwa nĩmaleile kwĩanĩsya myamũlo yakwa, na malea kũatĩĩa motw'ĩo makwa, na mavukya Savato syakwa, na maendeea kũthaitha mĩvw'anano ya aaũmae moo.
25
O na nĩnamanengie motw'ĩo mate maseo, na myamũlo ĩla ĩtaĩ ĩmanenga thayũ.
26
O na nĩnamaekie mavukw'e nĩ nthembo ila maumasya, nũndũ nĩnatumie maumya makithathi moo methĩwe nthembo ya kũvĩvw'a na mwaki, nĩ kana nĩmasaanĩsye na maimanya kana nyie ninyie Mwĩai Ngai.’
27
“Kwoou mwana wa mũndũ, tavya andũ ma Ĩsilaeli ũmee atĩĩ, ‘Ũũ nĩ w'o Mwĩai Ngai Mũsumbĩ ũkwasya: Ũndũnĩ ũũ o naw'o aaũmae menyu nĩmanumie kwa kwĩthĩwa mate aĩkĩĩku.
28
Nũndũ yĩla namalikilye nthĩ ĩla neevĩtie kũmanenga, nĩmaendaa kĩla vandũ moona kĩĩma kĩtũlu kana mũtĩ mũthungu, makaumĩsya nthembo sya kũthatya vo, makaumya syĩndũ ila inyungaa nesa na kũthemba nthembo syoo sya kũnyuwa sya ndivai.
29
Nĩvo ĩndĩ namakũlilye: Kũndũ kũu kũtũlu kwa kũthaithĩa mũendaa nĩ kũ?’ ” (Vandũ vau vetawa Mbama kũvika o na ũmũnthĩ)
30
“Kwoou ĩndĩ neena na andũ ma Ĩsilaeli ũmee atĩĩ, ‘Ũũ nĩ w'o Mwĩai Ngai Mũsumbĩ ũkũkũlya: Mwĩenda kwĩvukya ũndũ aaũmae menyu meevukisye na kũndia mũatĩĩe mĩvw'anano yoo ĩla ĩthatasya?
31
Yĩla mũkumya mĩthĩnzĩo yenyu na mũyumya syana syenyu nthembo ya kũvĩvw'a na mwaki, nĩmwĩvukasya na mĩvw'anano yenyu yonthe kũvika ũmũnthĩ. Yu inyw'ĩ andũ ma Ĩsilaeli, nĩmwaĩlĩte kũngũlya ũtao? O tondũ nyie nĩ thayũ, ndiĩtĩkĩla mũngũlye ũtao. Nĩasya ũu nyie Mwĩai Ngai Mũsumbĩ.’
32
Ũndũ ũla mũũsũanĩa ndũkeanĩa. Mwĩsũanĩa mũkasya, ‘Twĩenda twĩthĩwe tũilyĩ mbaĩ ila ingĩ, ta andũ ma nthĩ ila ingĩ, tũthaithae ngai sya mĩtĩ na mavia.’
33
“O tondũ nyie Mwĩai Ngai Mũsumbĩ nĩ thayũ, nĩngwĩvĩta kana ngamũsumbĩka ũtonyinĩ wakwa mũnene nĩ mũthatu mũno.
34
Ngamumya andũnĩ ma mbaĩ ingĩ, na kũmũmbany'a kuma nthĩ ila mwanyaĩĩkĩiw'e ũtonyinĩ wakwa mũnene nĩ mũthatu mũno.
35
Na ngamũete weũnĩ wa mbaĩ sya andũ, na vau nĩvo nĩmũsilĩla twenene metho kwa metho.
36
O tondũ namasilĩle aaũmae menyu yĩla maĩ weũnĩ nthĩ ya Misili, no w'o o nenyu nĩmũsilĩla. Nĩasya ũu nyie Mwĩai Ngai Mũsumbĩ.
37
Ngatuma mwĩkala ungu wa ũkũmũ wakwa, na ngatianĩa ũtianĩo nenyu.
38
Ngaveta andũ ala ang'endu na ala mambĩtĩasya maume katĩ wenyu; ngamaumya nthĩ ĩla maendete kwĩkala ũeninĩ, ĩndĩ maikalika nthĩ ya Ĩsilaeli. Nĩvo ĩndĩ mwĩmanya kana nyie ninyie Mwĩai Ngai.
39
“Ĩndĩ inyw'ĩ andũ ma Ĩsilaeli, nyie Mwĩai Ngai Mũsumbĩ nĩmwĩa atĩĩ: Ethĩwa mũikwenda kũmbĩw'a, kĩla ũmwe wenyu aende akathaithe ngai syake sya mĩvw'anano, kuma yu na kũendeea, ĩndĩ mũisyoka kũvukya ĩngĩ ĩsyĩtwa yakwa ĩtheu na mĩthĩnzĩo ĩla mumasya, na mĩvw'anano ĩla mũthaithaa.
40
Nĩkwĩthĩwa nyie Mwĩai Ngai Mũsumbĩ nĩasya kana inyw'ĩ andũ onthe ma Ĩsilaeli mũkanthaithĩa kĩĩmanĩ kyakwa kĩtheu, kĩĩmanĩ kĩtũlu kya Ĩsilaeli, na nĩvo nĩmwĩtĩkĩlĩla, na vau no vo mwaĩlĩte kũmbumĩasya mĩvothi yenyu na mĩthĩnzĩo yenyu ĩla nzeo mbee, vamwe na nthembo syenyu ntheu.
41
Yĩla nĩmũete kuma katĩ wa andũ ma mbaĩ ingĩ, na kũmũmbany'a kuma nthĩ ila mwanyaĩĩkĩiw'e, ngamwĩtĩkĩla ta kĩndũ kĩ na mũuke mũseo, na ngamũvuanĩsya ũtheu wakwa mbaĩ ila ingĩ syene.
42
Mũkamanya kana ninyie Mwĩai Ngai, yĩla nĩmũete mũlike nthĩ ya Ĩsilaeli, nthĩ ĩla neevĩtie kũnenga aaũmae menyu.
43
Nĩvo ĩndĩ mwĩ vau mwĩlilikana mĩendele yenyu na meko menyu ala mwĩvukĩtye namo, na mũkeemena nũndũ wa mothũku onthe ala mwĩkĩte.
44
Mũkamanya kana ninyie Mwĩai Ngai, yĩla nĩmwĩka maũndũ aa kwondũ wa ndaĩa ya ĩsyĩtwa yakwa, ndikamwĩka kwĩanana na mĩendele yenyu mĩthũku, kana kwĩanana na meko menyu mathũku, inyw'ĩ andũ ma Ĩsilaeli. Nĩasya ũu nyie Mwĩai Ngai Mũsumbĩ.”
45
Mwĩai Ngai nĩwaneenie nakwa ambĩa atĩĩ,
46
“Mwana wa mũndũ, ĩthyũũe ũsisye ngalĩko ya ĩtheo, na ũyathanĩa nthĩ isu ũthũku, athanĩa mũtitũ wa ngalĩko ya ĩtheo ũthũku.
47
Tavya mũtitũ wa ngalĩko ya ĩtheo ũwĩe atĩĩ, ‘Ĩw'a ũndũ Mwĩai Ngai ũkũkwĩa. Mwĩai Ngai Mũsumbĩ ekwĩa atĩĩ: Ngakany'a mwaki nthĩnĩ waku, naw'o ũkavĩvya kĩla mũtĩ mwĩũ nthĩnĩ waku na kĩla mũtĩ mũmũ, mwaki ũla wĩakana ndũkavoeka, na mothyũ ma andũ onthe kuma ngalĩko ya ĩtheo kũvika ngalĩko ya ĩũlũ makavĩvw'a nĩ mwaki ũsu.
48
Andũ onthe makoona kana nyie Mwĩai Ngai ninyie nakany'a mwaki ũsu; mwaki ũsu ndũkavoeka.’ ”
49
Nĩvo ĩndĩ naisye atĩĩ, “Asi Mwĩai Ngai Mũsumbĩ! Andũ aa nĩmekũnyungunyĩsya ĩũlũ wakwa mayasya, ‘Mũndũ ũũ aneenaa na ngelekany'o syoka.’ ”
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→