bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 27
Ezekiel 27
Kamba (MBIVILIA ŨVOO MŨSEO)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
Mwĩai Ngai nĩwaneenie nakwa ambĩa atĩĩ,
2
“Yu we mwana wa mũndũ, inĩa ndũa ya Tile wathi wa kĩĩo.
3
Tavya ndũa ĩsu, ĩla yakĩtwe ũlikĩlonĩ wa ũkanga, na ĩthooaa na kũthoosya syĩndũ kwa atandĩthya ma nthĩ mbingĩ ila syĩ ũtee wa ũkanga, ũmĩe nyie Mwĩai Ngai Mũsumbĩ nĩasya atĩĩ: We Tile ũneenete ũkasya, ‘Nyie nĩ mwanake mũno.’
4
Mĩvaka yaku yĩ mokanganĩ katĩ; ala makwakie nĩmakwanakavisye mũno.
5
Maatũie mbwaũ syaku syonthe, kuma mĩtĩnĩ ya mĩsonovali yumĩte Senili; nĩmoosie mũkũũ kuma Levanoni, makũseũvĩsya mũtĩ wa kwoveea kĩtambaa kya kũtwaa meli.
6
Nĩmoosie mĩtĩ ya myalonĩ kuma Mbasani, makwasũvĩsya mĩtĩ ya kũtwaa meli; nĩmaseũvisye vandũ vaku va kũũngama melinĩ ĩũlũ, maitũmĩa mĩsonovali yumĩte kĩthamanĩ kya Saivulasi, na mavanakavya na maeo ma nzou.
7
Ngũa yaku ĩla yĩkĩawa mũtĩnĩ ĩtwae meli yaumĩte Misili, na yaĩ ya ndii nzeo ndũmu, na noyo yaĩ kĩvevelo kyaku. Kyandalũa kyaku kyaĩ kya langi wa mbuluu na langi wa nzambalaũ, na kyaumĩte ithamanĩ sya Elisaa.
8
Andũ kuma Sitoni na kuma Alivati, nĩmo meethĩawa makwete mĩtĩ ya kũtwaa meli; andũ maku me na ũmanyi we Tile nĩmo mathũkũmaa melinĩ.
9
Atumĩa ma Ngevali na andũ moo me na ũmanyi maĩ nthĩnĩ waku, mailinda mawalĩku maku. Meli syonthe ũkanganĩ na athũkũmi masyo, nĩmookaa kũla ũĩ nĩ kana mathooe syĩndũ syaku sya kũtandĩthya.
10
“Asikalĩ kuma Velisia, Litia na Limbya mathũkũmaa vamwe na asikalĩ maku ma kaũ. Nĩmanĩkaa ngao syoo na ngovia syoo sya kũsiĩĩa mũtwe ngũtanĩ syaku, na nĩmatumaa ũnengwa ndaĩa.
11
Asikalĩ ma kuma Alivati na ma Eleki nĩ mo masũvĩaa ngũta syaku kĩla ngalĩko. Asikalĩ ma Ngamandi nĩ mo masũvĩaa myako yaku mĩtũlu; manĩkaa ngao syoo ngũtanĩ syaku ngalĩko syonthe, na kwoou matuma wĩthĩwa wĩ mwanake mũno.
12
“Nĩweethĩiwe na ũtandĩthyo na andũ ma Talisisi nũndũ wa ũthwii waku mwingĩ wa kĩla mũthemba. Nĩmakũeteae silĩva, kyũma, ĩvulũ na kyũma kĩũmu, nĩ kana maũkũanĩsye na syĩndũ syaku sya kũthoosya.
13
Nĩweethĩiwe na ũtandĩthyo na andũ ma Yavani, Tuvali na ma Meseki. Nĩmakũeteae ngombo na syĩndũ sya mbulonzi, nĩ kana maũkũanĩsye na syĩndũ syaku sya kũthoosya.
14
Andũ ma Mbethi-tokalima makũeteae mbalasi, mbalasi sya kaũ, na nyũmbũ nĩ kana maũkũanĩsye na syĩndũ syaku sya kũthoosya.
15
Nĩweethĩiwe na ũtandĩthyo na andũ ma Ndetani; andũ ma nthĩ mbingĩ ila syĩ ũtee wa ũkanga nĩmakũeteae maeo ma nzou na mĩtĩ yĩtawa Evoni, nĩ kana maũkũanĩsye na syĩndũ syaku sya kũthoosya.
16
Nĩweethĩiwe na ũtandĩthyo na andũ ma Silia, nũndũ wa syĩndũ syaku mbingĩ. Nĩmakũeteae mavia ma thooa mũnene metawa emelandi, itambaa sya langi wa nzambalaũ, ngũa itumĩĩwe wanake, ngũa nzeo ndũmu, tũvila tũseo twa ũkanganĩ na tũngĩ twĩtawa maliani, nĩ kana maũkũanĩsye na syĩndũ syaku sya kũthoosya.
17
Nĩweethĩiwe na ũtandĩthyo na andũ ma Yuta na ma Ĩsilaeli. Nĩmakũeteae nganũ kuma Minithi, mauta ma mĩthata, ũkĩ wa nzũkĩ na mĩtĩ ĩnyungaa nesa, nĩ kana maũkũanĩsye na syĩndũ syaku sya kũthoosya.
18
Nĩweethĩiwe na ũtandĩthyo na andũ ma Ndamasikũ nũndũ wa ũthwii waku mwingĩ. Nĩmakũnengie ndivai kuma Elivoni na w'ĩa mweũ wa malondu.
19
Andũ ma Vetani na ma Yavani kuma Usali nĩmathooaa syĩndũ syaku sya kũthoosya. Nĩmakũeteae kyũma kĩtue, na syĩndũ sya kũsamya lĩu nesa, nĩ kana maũkũanĩsye na syĩndũ syaku sya kũthoosya.
20
Andũ ma Ndetani nĩmeethĩiwe na ũtandĩthyo naku; makũthooeasya matandĩko ma mbalasi.
21
Alavia na anene onthe ma nthĩ ya Ketali nĩmathooaa syĩndũ syaku sya kũthoosya, maũkũanĩasya syĩndũ isu na tũtena twa malondu, ndũũme na mbũi. Nĩwatandĩthasya syĩndũ isu na mo.
22
Nĩweethĩiwe na ũtandĩthyo na atandĩthya ma Sieva na ma Laama. Nĩmakũeteae mĩtĩ inyungaa nesa ya kĩla mũthemba, mavia ma thooa mũnene na thaavu maũkũanĩsye na syĩndũ syaku sya kũthoosya.
23
Nĩweethĩiwe na ũtandĩthyo na nthĩ sya Aalani, Kane, Eteni na athoosya ma Sieva, Asuli na Kilimati.
24
Nĩmakũthooeisye ngũa mbanake, ngũa sya langi wa mbuluu, ngũa itumĩĩwe mawanake, mĩkeka ya langi mũtisu, ndii na makanda matume nesa.
25
Meli sya Talisisi nĩ syo syakuaa syĩndũ syaku. “Kwoou wailyĩ ta meli yĩ ũkanganĩ katĩ, yusũĩtw'e mĩio mĩito.
26
Atwai maku makũtwaĩte ũkanganĩ mũliku, kĩseve kya kwananga kuma ngalĩko ya wumĩlonĩ wa syũa nĩkĩkwanangĩte wĩ ũkanganĩ katĩ.
27
Ũthwii waku, mĩio yaku, syĩndũ syaku sya ũthoosya, andũ maku ala mathũkũmaa melinĩ, atwai maku ma meli, ala malindaa mawalĩku melinĩ, atandĩthya maku na asikalĩ maku onthe, na andũ onthe ala me melinĩ nthĩnĩ, makalika kĩw'ũnĩ ũkanganĩ katĩ, mũthenya wa wanangĩko waku.
28
Yĩla kĩĩo kya atwai maku ma meli kĩĩw'ĩka, nthĩ ila syĩ ũtee wa ũkanga ikathingitha.
29
“Na onthe ala methĩawa makwete mĩtĩ ya kũtwaa meli, makatia meli syoo. Andũ ala mathũkũmaa melinĩ na atwai ma meli onthe, makaũngama ũtee wa ũkanga.
30
Makookĩlya mawasya moo nũndũ waku, na kũĩa na woo mwingĩ nũndũ waku. Makeeyũmba kĩtoo mũtwe, na kwiliita mũunĩ.
31
Makeenza mĩtwe nũndũ waku, na kwĩkĩa ngũa ngaamu sya makunia. Makaĩa nũndũ waku me na woo ngoonĩ, na kũĩa kĩĩo kĩ woo mũno.
32
Maendee na kũkĩlya wasya na kũĩa nũndũ waku, makaina wathi wa kĩĩo nũndũ waku mayasya: ‘Nũũ ũla waanangwa ta ndũa ya Tile, e ũkanganĩ katĩ?
33
Yĩla syĩndũ syaku sya kũthoosya syatwawa nthĩ ingĩ syĩsĩlĩtw'e ũkanganĩ, nĩwatumaa nthĩ mbingĩ syĩanĩwa; nĩwatumie asumbĩ ma nthĩ methĩwa me athwii, nũndũ wa ũthwii waku mwingĩ na syĩndũ syaku sya kũthoosya.
34
Yu wanangĩkĩe ũkanganĩ, kĩw'ũnĩ kũndũ kũliku. Nũlikĩte kĩw'ũnĩ we wĩ na syĩndũ syaku, na andũ maku onthe ala mathũkũmaa nthĩnĩ waku.’
35
“Andũ onthe ala matwĩe ithamanĩ, nĩmeũseng'wa nue; asumbĩ moo nĩmeũkĩa mũno, nĩmalutĩte mothyũ moo nĩ woo.
36
Atandĩthya ma nthĩ ingĩ nĩmeũkũthekeea, mũminũkĩlyo waku nĩ wa kũtĩsya, na ndũkethĩwa vo ĩngĩ tene na tene.”
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→