bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 39
Ezekiel 39
Kamba (MBIVILIA ŨVOO MŨSEO)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Mwĩai Ngai Mũsumbĩ easya atĩĩ, “Mwana wa mũndũ, umya wathani mũthũku ĩũlũ wa Ngoki, mũsumbĩ mũnene wa Meseki na Tuvali. Mwĩe kana nyie Mwĩai Ngai Mũsumbĩ nĩasya kana nĩ mũmaitha wake.
2
Nĩngũmũvĩndũa na kũtuma athi ngalĩko ĩngĩ, na kũmũtongoesya aume kũndũ kũasa ngalĩko ya ĩũlũ, nginya oke iĩmanĩ sya Ĩsilaeli.
3
Nĩvo ĩndĩ nĩtũla ũta waku ũla ũkwete na kw'oko kwa kĩmotho, na kũvalũkya maangi ala ũkwete na kw'oko kwa aũme.
4
Ũkakw'ĩĩa iĩmanĩ sya Ĩsilaeli wĩ na asikalĩ maku onthe na mbaĩ syonthe ila syĩ vamwe naku. Ngaeka mĩĩ yenyu ĩĩwe nĩ nyũnyi sya kĩla mũthemba, na nyamũ sya kĩthekanĩ.
5
Makavalũkanga kĩthekanĩ me akw'ũ. Nĩkwĩthĩwa nyie Mwĩai Ngai Mũsumbĩ nĩasya ũu.
6
Ngaete mwaki nthĩ ya Mangoki na kũla kwĩ ala mekalaa me ũsũvĩonĩ nthĩ ila syĩ ũtee wa ũkanga, namo makamanya kana ninyie Mwĩai Ngai.
7
Ngatuma ĩsyĩtwa yakwa ĩtheu yĩmanyĩka nĩ andũ ma Ĩsilaeli, na ndikaeka ĩsyĩtwa yakwa ĩtheu yĩvukw'e ĩngĩ. Nĩvo ĩndĩ mbaĩ syĩmanya kana ninyie Mwĩai Ngai, Ngai ũla mũtheu wa Ĩsilaeli.”
8
“Mũthenya ũsu ngũneena ĩũlũ waw'o, kwa w'o nĩwũkĩte. Nyie Mwĩai Ngai Mũsumbĩ nĩnaneena.
9
Andũ ala mekalaa ndũanĩ sya Ĩsilaeli makaumaala makakolany'e mĩio ya kaũ ĩla ĩtiĩtwe ĩtw'ĩke ngũ. Makavuva mwaki vandũ va myaka mũonza maitũmĩa ngao, mbũta, maangi, matumo na nzũma.
10
Maikethĩwa na vata wa kũmbany'a ngũ kuma kĩthekanĩ, kana kũtema mĩtĩ kuma mĩtitũnĩ, nũndũ makatũmĩa mĩio ĩsu ya kaũ ta ngũ. Makatava syĩndũ sya ala mamatavĩie, na kwosa syĩndũ sya ala moosie syĩndũ syoo.” Easya ũu Mwĩai Ngai Mũsumbĩ.
11
“Mũthenyanĩ ũsu nganenga Ngoki vandũ va kũthikwa nthĩ ya Ĩsilaeli, Mwandanĩ wa Aendi ma Kyalo, wumĩlonĩ wa syũa wa Ũkanga Mũkw'ũ. Ngoki akathikwa vau e na asikalĩ make onthe, namo aendi ma kyalo makasiĩĩawa kwĩsĩla vau. Mwanda ũsu ũkeetawa, ‘Mwanda wa Amoni-ngoki.’
12
Andũ ma Ĩsilaeli makathika mĩĩ ĩsu yonthe vandũ va myei mũonza, na kũtuma nthĩ ĩthea ĩngĩ.
13
Andũ onthe nthĩ ĩsu makamathika, na ũndũ ũsu ũkatuma manengwa nguma, mũthenya ũla ũkumyo wakwa wĩonanw'a. Ũu nĩ w'o nyie Mwĩai Ngai Mũsumbĩ ngwasya.
14
Ĩtina wa myei ĩsu mũonza, makanyuva andũ mesĩle nthĩ ĩsu nĩ kana mamanthe na kũthika mĩĩ ĩla ĩtialĩte ĩvalũkangĩte nthĩ, nĩ kana mathesye nthĩ.
15
Yĩla makethĩwa mesĩlĩte nthĩ ĩsu, na mũndũ ayona ĩvĩndĩ ya mũndũ, akeekĩaa ũvano vakuvĩ nayo, nĩ kana ala menzaa mbũa moke na kũyĩthika Mwandanĩ wa Amoni-ngoki.
16
O ta ũu vakeethĩwa ndũa ĩketawa Amona. Kwoou nthĩ ĩkeethĩwa yathew'a ĩngĩ.”
17
Mwĩai Ngai Mũsumbĩ nĩwambĩie atĩĩ, “Mwana wa mũndũ, ĩta nyũnyi syonthe, na nyamũ syũke kuma kĩla vandũ iye nthembo ĩla ngũsyũmbanĩsya. Ĩkeethĩwa yĩ mboka nene ĩla ĩkethĩwa iĩmanĩ sya Ĩsilaeli vala ikaya nyama na kũnyw'a nthakame.
18
Mũkaya mĩĩ ya andũ me ũtonyi, na kũnyw'a nthakame ya asumbĩ ma nthĩ ala makoawa ta ndũũme, tũtena twa malondu, mbũi, kana ta nzaũ; nyamũ iĩthĩtw'e ikanoa kuma Mbasani.
19
Mbokanĩ ĩsu ya nthembo ĩla ngũmũmbanĩsya, mũkaya mathunya nginya mũvũne, na kũnyw'a nthakame nginya mũmilwe.
20
Mwĩ mesanĩ ĩsu yakwa, mũkavũnw'a nĩ mbalasi, andũ ala malĩsaa mbalasinĩ, andũ me ũtonyi, na asikalĩ ma kĩla mũthemba. Ũu nĩ w'o nyie Mwĩai Ngai Mũsumbĩ ngwasya.”
21
Mwĩai Ngai nĩwaneenie nakwa ambĩa atĩĩ, “Ngatuma andũ ma mbaĩ ingĩ mona ũkumyo wakwa, na makoona ũkany'o ũla ngaete na ũndũ ngatũmĩa vinya wakwa kũmakany'a.
22
Kuma mũthenya ũsu kũthi na mbee, andũ ma Ĩsilaeli makamanya kana ninyie Mwĩai Ngai, Ngai woo.
23
O ta ũu andũ ma mbaĩ ingĩ makamanya kana andũ ma Ĩsilaeli nĩmaendie nthĩ ĩngĩ me ove, nũndũ wa naĩ yoo, nũndũ mayaaĩthĩwa me aĩkĩĩku kũla nĩĩ. Kwoou nĩnamatiie, na namanengane kũla kwĩ amaitha moo, na onthe mooaĩwa nĩ amaitha kaũnĩ.
24
Nĩnamatiie na nameka ũu nũndũ wa ũvuku na mavĩtyo moo.”
25
“Kwoou nyie Mwĩai Ngai Mũsumbĩ nĩasya kana nĩngwĩw'ĩa nzyawa sya Yakovo, andũ ma Ĩsilaeli tei, na kũtuma maendeea nesa ĩngĩ. Ngasũvĩa ĩsyĩtwa yakwa ĩtheu.
26
Yĩla metũa nthĩ yoo me ũsũvĩonĩ, na vate mũndũ wa kũmatelemya, makoolwa nĩ nthoni syoo, na mothũku ala mambĩkie.
27
Yĩla ngatũnga andũ ma Ĩsilaeli kuma kwa andũ ma mbaĩ ingĩ, na kũmombany'a kuma nthĩ sya amaitha moo, ngoonany'a ũtheu wakwa kwa andũ ma mbaĩ ingĩ.
28
Nĩvo ĩndĩ andũ makwa memanya kana ninyie Mwĩai Ngai, Ngai woo, nĩkwĩthĩwa o na kau nĩnamatwaie nthĩ sya andũ ma mbaĩ ingĩ me ove, nĩngũmombanĩsya nthĩ yoo, na vai ũmwe woo ngatia ĩtina.
29
Ngatulũla Veva wakwa andũnĩ ma Ĩsilaeli, na ndikamatia ĩngĩ. Ũu nĩ w'o nyie Mwĩai Ngai Mũsumbĩ ngwasya.”
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48