bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 36
Ezekiel 36
Kamba (MBIVILIA ŨVOO MŨSEO)
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
Mwĩai Ngai nĩwaneenie nakwa ambĩa atĩĩ, “Mwana wa mũndũ, athana ĩũlũ wa iĩma sya Ĩsilaeli. Syĩe syĩthukĩĩsye ndeto syakwa
2
ila nyie Mwĩai Ngai Mũsumbĩ ngũneena ngyasya kana amaitha ma Ĩsilaeli maneenie ndeto sya kĩvũthya mayasya atĩĩ, ‘Yu iĩma ii sya tene nĩ sitũ!’ ”
3
“Kwoou we Esekieli athana wasye kana nyie Mwĩai Ngai Mũsumbĩ nĩasya kana yĩla andũ ma nthĩ ila ingĩ syĩ vakuvĩ makwatie na mooyĩa iĩma sya Ĩsilaeli, onthe nĩmaumangie andũ ma Ĩsilaeli.
4
Yu ĩthukĩĩsyei ũndũ nyie Mwĩai Ngai Mũsumbĩ ngũmwĩa inyw'ĩ iĩma na tũlĩma, mbũsĩ, myanda, inyw'ĩ kũndũ kũla kwatiiwe kwĩ kũomboku, na inyw'ĩ ndũa ila syatiiwe syĩ nthei, ila syataviwe na syavũthw'a nĩ nthĩ ila syĩ vakuvĩ.
5
“Nũndũ wa kwĩthĩwa nĩnĩthatĩtw'e mũno, nĩngũkany'a nthĩ ingĩ, na mũno mũno andũ onthe ma nthĩ ya Etomu. Nĩmoosie nthĩ ĩsu yaĩ yakwa yatw'ĩka yoo me na ũtanu na kĩvũthya.
6
“Kwoou athana ĩũlũ wa andũ ma nthĩ ya Ĩsilaeli; neena na iĩma, tũlĩma, mbũsĩ, na myanda ũitavye ũndũ nyie Mwĩai Ngai Mũsumbĩ ngwasya nĩ na ũthatu mwingĩ, nũndũ wa ũndũ nthĩ ingĩ imaumangĩte na ikamavũthya.
7
Nyie Mwĩai Ngai Mũsumbĩ nĩasya nĩngwĩvĩta kwa nzĩa ya mwanya kana nthĩ isu syĩ vakuvĩ ikavũthw'a.
8
Ĩndĩ mĩtĩ ĩla yĩ iĩmanĩ sya Ĩsilaeli ĩkamea matũ ĩngĩ na kũsyaa matunda kwondũ wa andũ makwa Ĩsilaeli, nũndũ nĩmekwĩnũka ĩngĩ mĩtũkĩ.
9
Nyie nĩ ngalĩkonĩ ĩla yenyu, nĩngũsisya nĩtie namanya kana nthĩ yenyu nĩyaĩmwa ĩngĩ na nĩyavandwa.
10
Ngatuma andũ ma Ĩsilaeli maingĩva; ndũa ikatũwa, na ila mbomboku ikaakwa ĩngĩ.
11
Ngatuma andũ ma Ĩsilaeli maingĩva, na o ta ũu indo iyingĩva; ikasyaana na kwingĩva, na ngatuma mũtũa kũu o tondũ mwatũaa tene, na kũtuma mũendeea nesa mbee wa ũndũ mwaaendeea. Nĩvo ĩndĩ mwĩmanya kana ninyie Mwĩai Ngai.
12
Inyw'ĩ andũ ma Ĩsilaeli ngamũtũnga mũtũe nthĩ ĩno ĩngĩ. Ĩkeethĩwa nthĩ yenyu ene, na ndĩkaekana na syana syenyu syĩw'e nzaa ĩngĩ.
13
“Nyie Mwĩai Ngai Mũsumbĩ nĩasya kana nũndũ andũ meneena ĩũlũ wenyu mayasya kana mwĩya andũ, na nĩmũvenete nthĩ yenyu syana syayo,
14
ĩndĩ kuma yu mũikambĩla ũya andũ, kana kũtuma nthĩ yenyu ĩtethĩwa na syana, nĩasya ũu nyie Mwĩai Ngai Mũsumbĩ.
15
Ndikaeka ĩngĩ mwĩw'e mũyĩumangwa nĩ andũ ma nthĩ ingĩ, na mũikathĩna ĩngĩ nũndũ wa kĩvũthya kya andũ, kana kũtuma nthĩ ĩvalũka. Ũu nĩ w'o nyie Mwĩai Ngai Mũsumbĩ ngwasya.”
16
Mwĩai Ngai nĩwaneenie nakwa ambĩa atĩĩ,
17
“Mwana wa mũndũ, yĩla andũ ma Ĩsilaeli matwĩe nthĩ yoo, nĩmamĩvukisye nũndũ wa mwĩkalĩle woo na maũndũ ala meekaa. Mwĩkalĩle woo kwakwa wailyĩ ũvuku ũla mũndũ mũka wĩthĩawa naw'o ĩvindanĩ yĩla wĩ mweinĩ wake.
18
Kwoou nĩnamatulũĩile ũthatu wakwa nũndũ wa andũ ala mooaĩte nthĩ ĩsu, na nũndũ wa ngai sya mĩvw'anano ila syatumĩte mavukya nthĩ.
19
Nĩnamanyaĩĩkĩisye andũnĩ ma mbaĩ ingĩ, na manyaĩĩkĩa kĩla vandũ nthĩ ingĩ; nĩnamasilĩle kwĩanana na mwĩkalĩle na meko moo.
20
Kũla kw'onthe maendie mbaĩnĩ sya andũ angĩ, nĩmavukisye ĩsyĩtwa yakwa ĩtheu, nũndũ andũ nĩmaasya kana, ‘Aa nĩ andũ ma Mwĩai Ngai, ĩndĩ ũu wĩ o vo, nĩmaaĩlĩte kũtia nthĩ yake.’
21
Ũndũ ũsu nĩwatumie nĩthĩnĩkĩa ĩsyĩtwa yakwa, nũndũ kĩla vandũ andũ ma Ĩsilaeli maendaa nĩmatumie ĩsyĩtwa yakwa yĩvũthw'a.
22
“Kwoou neena na andũ ma Ĩsilaeli ũmee kana nyie Mwĩai Ngai Mũsumbĩ nĩasya: Maũndũ ala ngwĩka ndiĩka nũndũ wenyu, ĩndĩ nĩĩka nũndũ wa ĩsyĩtwa yakwa ĩtheu, yĩla mũvukĩsye andũnĩ ma mbaĩ ingĩ kũla mũendaa.
23
Ngoonany'a ũtheu wa ĩsyĩtwa yakwa ĩtheu, yĩla yĩvukĩw'e andũnĩ ma mbaĩ ingĩ, ĩsyĩtwa yĩla mũvukĩsye andũnĩ asu. Yĩla ngonany'a kana nĩ mũtheu kũla maĩ kwĩsĩla vala ũĩ, nĩvo ĩndĩ andũ asu ma nthĩ ingĩ memanya kana ninyie Mwĩai Ngai. Ũu nĩ w'o nyie Mwĩai Ngai Mũsumbĩ ngwasya.
24
Ngamumya kĩla mbaĩnĩ na nthĩ, na kũmũtũnga nthĩ yenyu ene.
25
Ngamũminzangĩsya kĩw'ũ kĩtheu, na kũtuma mwĩthĩwa mwĩ atheu kuma ũvukunĩ wenyu wa ngai sya mĩvw'anano, na ũvuku ũla ũngĩ w'onthe mwĩ naw'o.
26
Ngamũnenga thayũ mweũ, na kwĩkĩa veva mweũ nthĩnĩ wenyu; ngamũvetangĩa wũmũ wenyu wa ngoo, na kũtuma mwĩthĩwa na thayũ wa kwĩw'a.
27
Ngeekĩa Veva wakwa nthĩnĩ wenyu, na ngatumaa mwĩanĩsya motw'ĩo makwa, na kwĩkaa vyũ ũndũ myamũlo yakwa ĩkwasya.
28
Nĩvo ĩndĩ mwĩtũa nthĩ ĩla nanengie aaũmae menyu; mũkeethĩwa andũ makwa, nakwa ngeethĩwa Ngai wenyu.
29
Ngamũtangĩĩa kuma ũvukunĩ wenyu w'onthe, na ngeeyĩaa lĩu wa mbaa mbeke wingĩve mũno, na ndikamũetee nzaa.
30
Ngaingĩvya ũsyao wa mĩtunda, na o ta ũu ũsyao wa mĩũndanĩ ũkaingĩva, nĩ kana mũikaaĩthĩwe na thĩna wa nzaa mwĩ katĩ wa andũ ma nthĩ ingĩ.
31
Nĩvo ĩndĩ mwĩlilikana mwĩkalo mũthũku na maũndũ mathũku ala mweekie, na mũkathatw'a nĩ naĩ na mothũku menyu.
32
Nĩenda inyw'ĩ andũ ma Ĩsilaeli mũmanye kana ndikwĩka maũndũ aa onthe nũndũ wenyu ene. Nĩenda mwĩw'e nthoni, na kũthĩnĩka nũndũ wa maũndũ ala mũkwĩka. Ũu nĩ w'o nyie Mwĩai Ngai Mũsumbĩ ngwasya.”
33
Mwĩai Ngai Mũsumbĩ easya atĩĩ, “Yĩla ngamũthesya naĩ syenyu syonthe, ngatuma mũtũa ndũanĩ syenyu ĩngĩ, na ila mbomboku ikaakwa ĩngĩ.
34
Nthĩ ĩla ĩtwĩe yĩ weũ mũthei ĩkaĩmwa, vandũ va kũekwa yonekae yĩ nthei nĩ andũ ala mesĩlaa vo.
35
Andũ asu makaneenaa makasya, ‘Nthĩ ĩno yaĩ weũ mũthei, ĩndĩ yu yĩkalĩte ta mũũnda wa Eteni; andũ nĩmatũĩte ndũanĩ ila syekalaa syĩ mbomboku, nthei, na syĩ mbanange, na yu nĩ mbiĩĩe.’
36
Nĩvo ĩndĩ nthĩ ila syĩ vakuvĩ nenyu ila itialĩte syĩmanya kana nyie Mwĩai Ngai nĩnakĩte ĩngĩ kũndũ kũla kũomboku, na ngavanda mĩũnda ĩla yaĩ mĩthei. Nyie Mwĩai Ngai nĩnaneena na ũu nĩ w'o ngwĩka.”
37
Mwĩai Ngai Mũsumbĩ easya atĩĩ, “Nĩngũeka ĩngĩ andũ ma Ĩsilaeli mangũlye nĩtume maingĩva ta ndĩthya ya malondu.
38
Makangũlya maingĩve ta ndĩthya ya malondu ma nthembo; ta ndĩthya ya malondu ndũanĩ ya Yelũsalemu ĩvinda ya mĩthenya ya mboka ila itw'ĩtwe. Ũu nĩ w'o ndũa syenyu ila mbomboku syĩusũwa nĩ andũ. Nĩvo ĩndĩ memanya kana ninyie Mwĩai Ngai.”
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48