bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Ezekiel 18
Ezekiel 18
Kamba (MBIVILIA ŨVOO MŨSEO)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
1
Mwĩai Ngai nĩwaneenie nakwa ĩngĩ angũlya atĩĩ,
2
“Mwĩthĩawa mũyasya ata ĩũlũ wa andũ ma Ĩsilaeli yĩla mũũneena nthimo ĩno: ‘Asyai nĩmaĩe nzavivũ syĩ ngaati, na maeo ma syana me na nthithi’?
3
O tondũ nyie Mwĩai Ngai Mũsumbĩ nĩ thayũ, nĩngwasya kana inyw'ĩ andũ ma Ĩsilaeli mũikasyoka kũneena nthimo ĩno ĩngĩ.
4
Mathayũ onthe nĩ makwa, thayũ wa mũsyai nĩ wakwa, na o ta ũu thayũ wa mwana nĩ wakwa. Mũndũ ũla wĩkaa naĩ akakw'a.
5
“Ethĩwa mũndũ nĩ mũlũngalu na nĩwĩkaa maũndũ ala mosanaa na mĩao na ma w'o,
6
ethĩwa ndaendaa kũĩĩa lĩu ithembeonĩ ila syĩ iĩmanĩ, kana kũthaitha mĩvw'anano ya andũ ma Ĩsilaeli; ethĩwa ndekaa ũlaalai na kĩveti kya mũtũi wake, kana kũmanyana kĩ-mwĩĩ na mũndũ mũka e ĩvindanĩ yake ya mwei;
7
ethĩwa ndathĩnasya andũ angĩ, ĩndĩ nũtũngaa ngwatĩlĩĩlyo ya mũndũ ũla ũmũkovete kĩndũ; ethĩwa ndoyaa na nũmanengae ala me na nzaa lĩu wake na aĩvw'ĩka ala athei ngũa;
8
ethĩwa ndakovethasya atũngĩwe ũtandĩthyo kana ose mbingĩ, na ethĩwa nĩwĩsiĩĩaa ndakeke ũthũku, na nũsilanasya andũ na sila wa katĩ;
9
ethĩwa nũatĩĩaa myamũlo yakwa na kũkwata motw'ĩo makwa, mũndũ ũsu nĩ mũlũngalu na akekala thayũ. Nĩasya ũu nyie Mwĩai Ngai Mũsumbĩ.
10
“Ĩndĩ ethĩwa mũndũ ũsu akasyaa mwana na aĩtw'ĩka kĩng'ei na mũaani,
11
alee kwĩka maũndũ malũngalu, ĩndĩ wĩthĩe aĩsaa e ithembeonĩ ila syĩ iĩmanĩ, na ekaa ũlaalai na kĩveti kya mũtũi wake;
12
ethĩwa athĩnasya ala ngya na athĩni na nĩwũyaa; ethĩwa ndatũngaa ngwatĩlĩĩlyo ya mũndũ ũla wakovethya kĩndũ; ethĩwa nũthaithaa mĩvw'anano na nĩwĩkaa mothatyo;
13
ethĩwa akovethasya akwate ũtandĩthyo na kwosa mbingĩ, mwĩona mũndũ ũsu ta wĩĩkala thayũ? Aiee, ndeĩkala thayũ. Nĩwĩkĩte maũndũ aa onthe ma kũthatya, kwoou vate ndĩi akakw'a, na nĩ we wĩĩthĩwa eeyĩetee kĩkw'ũ.
14
“Ĩndĩ ethĩwa mũndũ ũũ akasyaa mwana, na mwana ũsu ayona mothũku onthe ala ĩthe wĩkĩte na ayĩw'a w'ĩa, na aĩlea kwĩka take,
15
alee kũĩĩa lĩu ithembeonĩ ila syĩ iĩmanĩ, na ailea kũthaitha mĩvw'anano ya andũ ma Ĩsilaeli, kana kwĩka ũlaalai na kĩveti kya mũtũi wake;
16
alee kũvĩtĩsya mũndũ o na ũmwe; alee kwosa ngwatĩlĩĩlyo akovethya mũndũ kĩndũ kana oye, ĩndĩ ainenge ũla wĩ na nzaa lĩu, na aĩvw'ĩka ũla mũthei ngũa;
17
esiĩĩe ndakeke ũthũku, alee kwosa ũtandĩthyo kana mbingĩ; aatĩĩe myamũlo yakwa na motw'ĩo makwa, mwana ũsu ndekw'a nũndũ wa mavĩtyo ma ĩthe; vate ndĩi akekala thayũ.
18
Ĩndĩ ĩthe akakw'a nũndũ wa mavĩtyo make, nĩkwĩthĩwa nĩwaumĩthasya andũ syĩndũ na vinya, na nĩwooyĩie mwana-a-inyia, na eeka andũ make maũndũ mathũku.
19
“Ĩndĩ inyw'ĩ mwĩkũlya, ‘Mwana ũsu aleaa kũkanw'a nũndũ wa mavĩtyo ma ĩthe nĩkĩ?’ Nĩkwĩthĩwa mwana ũsu nĩwĩkĩte maũndũ ala mosanaa na mĩao na ma w'o, na nĩwĩkĩĩte kĩthito kũatĩĩa motw'ĩo makwa onthe, vate ndĩi akekala thayũ.
20
Mũndũ ũla wĩkaa naĩ akakw'a. Mwana ndesilĩlwa nũndũ wa mavĩtyo ma mũsyai, nake mũsyai ndesilĩlwa nũndũ wa mavĩtyo ma mwana. Ũlũngalu wa mũndũ mũlũngalu ũkamũtethya we mwene, naw'o ũthũku wa mũndũ mũthũku ũkamwananga we mwene.
21
“Ĩndĩ ethĩwa mũndũ mũthũku akaeka kwĩka naĩ syake syonthe ila wĩkaa, na kwĩanĩsya motw'ĩo makwa onthe, na kwĩka maũndũ ala mosanĩte na mĩao na ma w'o, vate nzika akekala thayũ; ndakakw'a.
22
Ndakatalĩlwa ĩvĩtyo o na yĩmwe ya mavĩtyo ala weekie; akekala thayũ nũndũ wa ũlũngalu ũla wĩkĩte.
23
Nyie Mwĩai Ngai Mũsumbĩ nĩkũlya, ‘Mwĩona ta nĩtanĩaa kĩkw'ũ kya mũndũ mũthũku? Ti kavaa aekane na mũendele wake na kwĩkala thayũ?
24
Ĩndĩ ethĩwa mũndũ mũlũngalu akaeka kwĩka ũlũngalu wake na ayĩka ũthũku; eke maũndũ ma kũthatya ta ala mekawa nĩ mũndũ mũthũku, mwĩona ta wĩĩkala thayũ? Vai ũmwe wa maũndũ malũngalu ala wĩkĩte ũkalilikanwa. Nũndũ wa ĩvĩtyo ya kwĩthĩwa ate mũĩkĩĩku, na nũndũ wa naĩ syonthe ila wĩkĩte, akakw'a.’
25
“Ĩndĩ inyw'ĩ mwĩasya, ‘Maũndũ ala Mwĩai ũkwĩka ti maĩlu.’ Mbĩthukĩĩsyei ĩndĩ yu inyw'ĩ andũ ma Ĩsilaeli: Nĩmũkũlya, nĩ w'o kana maũndũ ala ngwĩka ti maĩlu? Yo mĩendele yenyu ti yo ĩte myaĩlu?
26
Yĩla mũndũ mũlũngalu waeka kwĩka ũlũngalu wake na eeka ũthũku akakw'a; nũndũ wa ũthũku ũsu wĩkĩte, akakw'a.
27
O ta ũu yĩla mũndũ mũthũku waeka kwĩka ũthũku ũla wĩkaa, na kwĩka maũndũ ala mosanĩte na mĩao na ma w'o, akatangĩĩa thayũ wake.
28
Nĩkwĩthĩwa nũtw'ĩte kũeka mavĩtyo onthe ala wĩkaa, vate ndĩi akekala thayũ, ndakakw'a.
29
Ĩndĩ inyw'ĩ andũ ma Ĩsilaeli mwĩasya, ‘Maũndũ ala Mwĩai ũkwĩka ti maĩlu.’ Ĩndĩ nĩenda kũmũkũlya atĩĩ inyw'ĩ andũ ma Ĩsilaeli, ‘Nĩ w'o kana maũndũ ala ngwĩka ti maĩlu? Yo mĩendele yenyu ti yo ĩte myaĩlu?’
30
“Kwoou nyie Mwĩai Ngai Mũsumbĩ nĩasya kana ngamũsilĩla inyw'ĩ andũ ma Ĩsilaeli, kĩla mũndũ kwĩanana na mĩendele yake. Alyũlai ngoo na mũitia mavĩtyo menyu, nĩ kana naĩ ndĩkamũmine.
31
Ĩkyai vaasa nenyu mavĩtyo onthe ala mũmbĩtĩsye namo, na osai ngoo nzaũ na veva mweũ! Nĩkĩ inyw'ĩ andũ ma Ĩsilaeli mũkwenda kũkw'a?
32
Nyie Mwĩai Ngai Mũsumbĩ nĩasya kana, ndyendeeaw'a nĩ kĩkw'ũ kya mũndũ o na wĩva. Kwoou tiai naĩ syenyu mwĩkale thayũ.”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Recommended Reading
Commentary
Ezekiel Commentaries
→
Devotional
Ezekiel Devotional Guide
→
Get This Bible
Kamba (MBIVILIA ŨVOO MŨSEO) Study Bible
→