bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Luganda
/
Luganda (BIBU1) (BIBULIYA ENTUKUVU)
/
Revelation 16
Revelation 16
Luganda (BIBU1) (BIBULIYA ENTUKUVU)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Awo mu Kiggwa ne mpuliramu eddoboozi eddene nga ligamba bamalayika omusanvu nti: “Mugende mufuke mu nsi ebibya omusanvu eby'obusungu bwa Katonda.”
2
Malayika omubereberye n'agenda n'afuka ekibya kye mu nsi; amabwa amabi ag'obulabe ne gajja ku bantu abaali balina akabonero k'ekisolo n'abo abaali basinza ekifaananyi kyakyo.
3
Ne malayika owookubiri n'afuka ekibya kye mu nnyanja, n'efuuka ng'omusaayi gw'omuntu afudde; buli kiramu kyonna ekyali mu nnyanja ne kifa.
4
Ne malayika owookusatu n'afuka ekibya kye mu migga ne mu nzizi z'amazzi, wonna ne wafuuka musaayi.
5
Ne mpulira malayika w'amazzi ng'agamba nti: “Oli mutuukirivu mu nnamula yo eno, ayi ggwe aliwo, eyaliwo, ayi Omutuukirivu.
6
Kubanga baayiwa omusaayi gw'abatuukirivu n'ogw'abalanzi; naawe obawadde omusaayi banywe; ekyo kye kibagwanidde!”
7
Ate ne mpulira omwaliiro nga gugamba nti: “Kye kiikyo, ayi Mukama Katonda Omuyinza wa buli kantu; ennamula yo ya mazima era ntuukirivu.”
8
Ne malayika owookuna n'afuka ekibya kye ku njuba, n'eweebwa obuyinza okwokya abantu n'omuliro.
9
Abantu ne bookebwa olw'ebbugumu lyayo eringi, ne bavuma erinnya lya Katonda eyalina obuyinza ku bibonoobono ebyo, ne batabonerera bamutendereze.
10
Ne malayika owookutaano n'afuka ekibya kye ku nnamulondo y'ekisolo, obwakabaka bwakyo ne bufuuka nzikiza; abantu ne beerumaaluma ennimi zaabwe olw'ennaku.
11
Ne bavuma Katonda w'eggulu olw'obulumi n'ebiwundu byabwe, ne bateenenya bikolwa byabwe.
12
Ne malayika owoomukaga n'afuka ekibya kye mu mugga guli omunene Ewufuraati, amazzi gaagwo gonna ne gakalira okukolera bakabaka b'ebuvanjuba ekkubo.
13
Ne ndaba nga mu kamwa ka ssessota ne mu kamwa k'ekisolo ne mu kamwa k'omulanzi ow'obulimba mufubutukamu emyoyo esatu emigwagwa nga gifaanana ng'ebikere.
14
Gy'egyo emyoyo emibi egigenda gikola obubonero, egigenda mu bakabaka b'ensi yonna okubakunga balwane ku lunaku olukulu olwa Katonda Omuyinza wa buli kantu.
15
– “Laba, nzija ng'omubbi! Yeesiimye oyo atunula, akuumira okumpi ebyambalo bye aleme kugenda bwereere, ensonyi ze zireme kulabibwa.” -
16
Ne babakuŋŋaanyiza mu kifo, mu Lwebureeyi ekiyitibwa Arumageddoni.
17
Ne malayika owoomusanvu n'afuka ekibya kye mu bbanga; eddoboozi eddene ne liva mu Kiggwa ku nnamulondo nga ligamba nti: “Kiwedde!”
18
Awo ne wabaawo ebimyanso, amaloboozi, okubwatuka ne musisi ow'amaanyi, atabangawo bukya bantu babeera ku nsi, musisi oyo yali munene bulala.
19
Ekibuga Ekikulu ne kyeyubuluzaamu ebitundu bisatu; ebibuga by'omu mawanga ne bisaanawo. Katonda n'ajjukira Babiloni, ekibuga ekinene, okukinywesa ekikompe ky'omwenge gw'obusungu bwe.
20
Buli kizinga ne kidduka, n'ensozi nga tezikyasangika.
21
Amayinja g'omuzira agazitowa okwenkana talenta, ne gagwa ku bantu nga gava mu ggulu; abantu ne bavuma Katonda olw'ekibonoobono ky'omuzira; ekibonoobono kino kyali kinene nnyo.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22