bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 10
Acts 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Cesarea markachömi Cornelio jutiyuq runa täkurqan. Payqa Italiano ninqan batallonpa capitanninmi karqan.
2
Wayinchö llapan täraqkunawanmi Corneliuqa Tayta Diosta mantsapakur pay munanqannö kawayaq. Pobrikunata yanaparmi Tayta Diosta imaypis mañakuq.
3
Juk tardi las tres kaykaptinmi Tayta Diospa angelninta revelacionchö rikarqan. Tsay angelmi «¡Cornelio!» nirqan.
4
Tsaymi pasaypa mantsakashqa rikaraykanqanchö nirqan: «¿Taytay, imatä?» Angelnam nirqan: «Mañakunqaykitam Tayta Dios wiyashurquyki. Pobrikunata yanapanqaykitam rikashurquyki.
5
Kananqa Simón jutiyuq runata pushayämunanpä Jope markaman manday. Paypa jukaq jutinmi Pedro.
6
Payqa lamar kuchunchö suëla ruraq Simónpa wayinchömi patsaraykan. [Paymi willashunki imata ruranaykipäpis]».
7
Ángel aywakuptinnam Cornelio qayarqan ishkay sirviqninkunata y Dios munanqannö kawaq juk yanapaqnin soldädutapis.
8
Paykunatam ángel ninqankunata willaykur Jope markaman mandarqan.
9
Tsaypita waraynin pullan junaqnam Cornelio mandanqan runakuna Jope markaman chäyarqan. Tsay höram Pedrupis patsaranqan wayi jananman Tayta Diosta mañakuq witsarqan.
10
Mañakuykarmi pasaypa mallaqar mikuyta munarqan. Kusinakuyanqanyaqmi Tayta Dios revelaptin
11
ciëlu kicharaykämuqta rikarqan. Ciëlupitanam chuskun puntanpa watashqa jatunkaray jaku niraq uraykämuqta rikarqan.
12
Tsay jakuchömi kaykarqan imaykaläya ashmakuna, lätaypa puriqkuna y päriqkunapis.
13
Tsaynam ciëlupita nimurqan: «Pedro, tsaykunata pishtaskir mikuy».
14
Pedrunam nirqan: «Taytay, manam tsaykunata mikümantsu. Impüru ashmakunataqa manam imaypis mikurqütsu».
15
Tsaynö niptinmi yapay nimurqan: «Mikunaykipä püru kanqanta Tayta Dios nikäshuptikiqa ama impüru kanqanta niytsu».
16
Tsay revelacionta kimsa kuti Pedro rikaskiptinmi tsay jakuta ciëlupa kutitsikurqan.
17
«¿Imapärä rikatsimashqa?» nir yarpachakuykaptinmi Cornelio mandanqan runakuna tapukurnin Simónpa wayiman chäyarqan.
18
Chaykurnam tapukuyarqan: «¿Kaychöku Simón Pedro patsaraykan?»
19
Revelacionta rikanqanpita Pedro yarpachakuykaptinmi Espíritu Santu nirqan: «Kimsaq runakunam ashiykäyäshunki.
20
Noqam tsay runakunata mandamurqü. Mana mantsariypa paykunawan ayway».
21
Tsaynö niptin yarpaskamurmi tsay runakunata Pedro nirqan: «Tsay ashiykäyanqayki runaqa noqam kä. ¿Imallapärä ashiykäyämanki?»
22
Paykunanam niyarqan: «Taytay, capitán Cornelium mandayämashqa. Payqa Tayta Diosta mantsapakuq alli runam. Paytaqa llapan Israel runakunam kuyayan. Qamta qayatsishunaykipäshi Tayta Diospa santu angelnin nishqa. Willakuyninta willanaykipäshi wayinman aywaykulläshun».
23
Tsaynö niyaptinmi patsaranqan wayichö Pedro paykunata quëdatsirqan. Waraynin wäraynam Cornelio mandanqan runakunawan y Jopichö täraq wakin wawqikunawan Pedro aywarqan.
24
Aywayanqanpita warayninrämi Cesarea markaman chäyarqan. Corneliunam castankunawan y kuyanakuyanqan runakunawan wayinchö shuyaykäyarqan.
25
Chaykuyaptinnam Pedrupa puntanman Cornelio qonquriykur payta adorarqan.
26
Tsaymi Corneliuta jancharkur Pedro nirqan: «¡Shäriy! Noqapis qamnö runallam kä».
27
Tsaypitanam paywan parlaraykar yaykuskir atskaq runakuna qorikashqa kaykaqta tarirqan.
28
Pedrunam nirqan: «Qamkunaqa musyayankim Israel runakuna mana Israel runakunawan mana qorikänanpä ni wayinmanpis mana chänanpä kanqanta. Peru tsaynö kaykaptinpis Tayta Diosmi tantiyatsimashqa pipis impüru mana kanqanta.
29
Tsaymi qayatsimaptiki ras shamurqü. Kanan imapä qayatsimanqaykitapis nimay».
30
Corneliunam nirqan: «Chusku junaqnam kaynö höra [ayunar] Tayta Diosta mañakuykarqä. Las tres de la tardim chipipiykaq röpashqa runa yuripamashqa.
31
Paymi nimashqa: «Cornelio, mañakunqaykitam Tayta Dios wiyashqa. Pobrikunata yanapanqaykitam rikashqa.
32
Kananqa Simón jutiyuq runata pushayämunanpä Jope markaman manday. Paypa jukaq jutinmi Pedro. Payqa lamar kuchunchö suëla ruraq Simónpa wayinchömi patsaraykan. [Pay chaykamurmi parlapäshunki]».
33
Tsaynö nimaptinmi ras mandamurqä. Taytay, shamunqaykipita kushikümi. Willakuyninta wiyayta munarmi Tayta Diospa puntanchö llapäkuna qorikäyarqü».
34
Pedrunam nirqan: «Kanan rasunpam tantiyä Tayta Dios pïmaytapis kuyanqanta.
35
Tsaynöllam may nacionpita kaptinpis payta mantsapakur cäsukuq kaqtaqa pïmaytapis kuyapan.
36
Tsaynö kuyapämarnintsikmi Jesucristo raykur perdonamantsik paywan alli kawanantsikpä. Jesucristuqa llapanpapis Señorninmi kaykan. Tsay alli willakuytam Israel runakunata Tayta Dios musyatsirqan.
37
«Qamkuna musyayankim bautizakuyänanpä Juan willakunqanpitarä Galileachö qallaykur entëru Judeachö ima päsanqantapis.
38
Tsay witsanmi Nazaret markapita Jesús poderyuq kananpä Espíritu Santuta Tayta Dios payman mandamurqan. Tayta Dios yanapaptinmi marka marka Jesús purirqan allikunata rurar y diablu qeshyatsinqan runakunata allïtsir.
39
«Noqakunam rikayarqü Jerusalénchö y entëru Judeachö Jesús ruranqankunata. Cruzchö wanutsiyaptinpis
40
kimsa junaqtam Tayta Dios kawatsimushqa. Kawaskamurmi yuripäyämashqa.
41
Tsaytaqa manam llapan runakunatsu rikayashqa, sinöqa unaypita Tayta Dios akranqan kaqkunallam. Tsaymi kawaskamuptin paywan juntu mikur upur kayarqü.
42
Tsaypitanam mandayämashqa willakuyninta willakur niyänäpä: «Wanushqakunata y kawaykaqkunata juzgananpämi Tayta Dios Jesústa churashqa».
43
Paypämi llapan profëtakunapis willakuyarqan. Tsaynöpam musyantsik llapanpis payman criyikuq kaqtaqa jutsankunapita Tayta Dios paypa jutinchö perdonanqanta».
44
Pedro tsaynö willakuykaptinmi tsaychö wiyaykaqkunaman Espíritu Santu shamurqan.
45
Tsayta rikarmi Pedruwan aywaq Israel runakuna espantakur niyarqan: «¡Mana Israel runakunatapis Espíritu Santutam Tayta Dios qarashqa!»
46
Tsaynö niyarqan juk idiömakunapa parlar Tayta Diosta alabayaptinmi.
47
Tsaymi Pedro nirqan: «Paykunapis noqantsiknö Espíritu Santuta chaskiykäyaptinqa manam pipis bautizakuyänanta michanmantsu».
48
Tsaynö nirmi Jesucristupa jutinchö paykunata bautizarqan. Tsaypitanam Corneliupa wayinchö qorikaqkuna Pedruta rugayarqan ishkay kimsa junaqllapis quëdananpä.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28