bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 18
Acts 18
Quechuan QXO (Biblia en Quechua del sur de Conchucos)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
Tsaypitanam Atenaspita aywakur Corinto markaman Pablo charqan.
2
Tsaychömi Aquila jutiyuq Israel runawan reqinakuyarqan. Aquilaqa Ponto provinciachö yuriqmi karqan. Warminpa jutinmi karqan Priscila. Paykuna tsayrämi Italiapita Corintuman chäyashqa kayarqan. Corintumanmi aywakuyarqan Claudio César llapan Israel runakunata Romapita qarquptin. Reqinakuskirmi
3
paykunawan toldërata rurar Pablo täkurqan. Pablunöllam Priscilawan Aquilapis toldëra rurayta yachayarqan.
4
Cada jamay junaq sinagögaman aywarmi Israel runakunata y mana Israel runakunatapis Jesucristupä Pablo yachatsirqan.
5
Macedonia provinciapita Silaswan Timoteo chäyaptinnam aruyninta Pablo dëjaskir qoyay qoyay Tayta Diospa willakuyninta willakurqan. Willakurmi Israel mayinkunata tantiyatsirqan Jesúsqa salvamaqnintsik Cristo kanqanta.
6
Peru Israel runakunaqa Pablupa contran shärirmi imaykata ashlliyarqan. Tsaymi röpanta tapsiskirnin Pablo nirqan: «Tayta Dios castigayäshunaykipä kikikikunam jutsayuq kayanki. Noqaqa Tayta Diospa willakuyninta willarqünam. Kananpitaqa mana Israel runakunatanam willashä».
7
Tsaynö nirmi tsay sinagögachö yachatsinanpa rantinqa Ticio Justupa wayinchöna yachatsirqan. Justuqa mana Israel runa kaykarpis Tayta Diosta cäsuqmi karqan. Paypa wayinqa sinagöga lädunchömi karqan.
8
Tsaychö yachatsiptinmi sinagögachö mandakuq runa y tsay runapa wayinchö täraqkunapis Señor Jesucristuman criyikuyarqan. Tsay runapa jutinmi Crispo karqan. Tsaynöllam Corintuchö täraq wakin runakunapis Pablo willakunqanta wiyar Jesúsman criyikurnin bautizakuyarqan.
9
Juk paqasmi Pabluta revelacionchö yuripaykur Jesucristo nirqan: «Mana mantsaypa y mana upällakuypa willakuynïta willakuy.
10
Kay markachö salvanäpä kaq runakunaqa atskaqmi kayan. Tsaymi willakuptiki pipis mana yatashunaykipä qamwan kaykäshä».
11
Tsaynö niptinmi Tayta Diospa willakuyninta yachatsir juk wata y joqta killa Corinto markachö Pablo täkurqan.
12
Galión jutiyuq runa Acaya provinciapa mandaqnin kanqan witsanmi Pablupa contran Israel runakuna shäriyarqan. Tsaymi Pabluta Galiónpa despächunman apaykur
13
niyarqan: «Kay runaqa Tayta Diospa leyninkunata mana cäsurmi llutanta yachaykätsin».
14
Pablo parlananpä kaykaptinnam Galión nirqan: «Israel runakuna, kay runa suwakushqa o pitapis wanutsishqa kaptinqa qamkunata atiendïmanmi.
15
Peru leynikikunapita rimanakuyanqaykitaqa manam musyayta munätsu. Tsaytaqa kikikikuna imanöpis arreglayay».
16
Tsaynö nirmi despächunpita qarqurqan.
17
Tsaypitanam sinagögachö mandaq Sóstenesta despächu punkuchö tsariskir pasaypa maqayarqan. Maqayaptinpis Galióntaqa manam imapis qokurqantsu.
18
Tsaypita atska killarämi Corinto markachö Pablo täkurqan. Tsaypitanam wawqikunapita y panikunapita despidikuskir Cencrea markaman aywarqan. Tsaychönam Tayta Diosta awninqanta cumplir aqtsanta rutukurqan. Tsaypitanam Siria provinciaman Priscilawan y Aquilawan büquiman yarkurkur aywakuyarqan.
19
Éfeso markaman chaykurmi Priscilawan Aquila tsaychö quëdakuyarqan. Pablunam Éfesupita manarä päsar sinagögaman yaykuykur Israel runakunata Jesúspä willarqan.
20
Sinagögachö kaq runakuna paykunawan quëdananpä rugayaptinpis Pablo manam munarqantsu.
21
Tsaypa rantinmi paykunapita despidikuskir nirqan: «[ Pascuapämi Jerusalénman imaykanöpapis chayta munä.] Tayta Dios munaptinqa yapaymi kutimushä». Tsaynö nirmi büquiman yarkurkur Éfesupita aywakurqan.
22
Cesarea markaman chaykurnam büquipita yarquskir Jerusalénman aywarqan wawqikunata y panikunata watukaq. Tsaypitanam Antioquíaman kutirqan.
23
Tsaychö tärarkurnam Galacia y Frigia provinciakunapa yapay kutir marka marka aywar discïpulukunata valuratsirqan.
24
Tsay witsanmi shumaq parlayta yachaq Apolos jutiyuq Israel runa Éfeso markaman charqan. Payqa Alejandría markapitam karqan. Tsaynöllam Tayta Diospa palabranta alli yacharqan.
25
Tayta Diospa willakuyninta alli yacharpis bautismupä Juan yachatsinqallantam yacharqan. Tsaynö karpis Señor Jesucristupä llapan shonqunwanmi kushishqa yachatsirqan.
26
Sinagögachö pitapis mana mantsaypa willakuykaqta wiyaykurmi Priscilawan Aquila jukläman pushaykur Tayta Diospa willakuyninta masta tantiyatsiyarqan.
27
Acaya provinciaman Apolos aywayta munaptinmi wawqikuna y panikuna valuratsiyarqan. Tsaymi Acayachö kaq wawqikunaman y panikunaman cartakuyarqan chaptin payta chaskiyänanpä. Tsay criyikuqkuna criyikuyänanpämi Tayta Dios kuyapar tantiyatsirqan. Acayaman Apolos chanqanmi Jesucristuman criyikuqkunapä alli karqan.
28
Paymi Israel runakunata Tayta Diospa palabranta shumaq yachatsir Jesús salvamaqnintsik Cristo kanqanta tantiyatsirqan.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28