bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 27
Acts 27
Quechuan QXO (Biblia en Quechua del sur de Conchucos)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
1
Italiaman apatsiyänanpä autoridäkuna willanakuskirmi wakin prësukunatawan capitán Juliuman Pabluta entregayarqan. Juliuqa Augusto niyanqan tröpapa capitanninmi karqan.
2
Tsaymi Adramitiupita shamuq büquiman yarkuyarqä. Tsay büquiqa Asia provinciachö kaq puertukunaman aywananpänam kaykarqan. Pabluta wallkiyänäpämi Aristarcuwan aywayarqä. Aristarcuqa Macedonia provinciachö Tesalónica markapitam karqan.
3
Waraynin junaq Sidónman charmi capitán Juliuqa Pabluta kuyapar nirqan: «Imallawanpis yanapayäshunaykipä reqinakunqaykiman ayway».
4
Sidónpita yarquyaptï pasaypa vientumuptinmi Chipre isla kuchullanpa aywayarqä.
5
Tsaypitam Cilicia y Panfilia tsimpanpa päsar Liciachö kaq Mira markaman chäyarqä.
6
Tsaychömi capitán Julio tarirqan Alejandríapita Italiaman aywaykaq büquita. Tsaymi tsay büquimanna yarkuyänäpä niyämarqan.
7
Tsaypita yarqur atska junaqtarämi ñakar Gnido markapa frentinpa päsayarqä. Tsaypita aywaykäyanqä kaqpa pasaypa vientumuptinmi Creta islapa tumar Salmón niyanqan lädunpa päsayarqä.
8
Creta isla kuchunpa aywayta ñakarmi Buenos Puertos markaman ajatarä chäyarqä. Tsay markaqa Lasea markapita amänullachömi kaykan.
9
Atska junaqna päsashqa kaptinmi tamya witsan qallaykunanpäna karqan. Tsaymi päsayänäpä mana alli kaptin büquichö aruq runakunata Pablo nirqan:
10
«Taytakuna, amana aywashunnatsu. Jinachö aywashqaqa büquipis cargapis ushakanqam. Noqantsikpis ushakäshunmi».
11
Pablo tsaynö niptinpis capitanqa manam cäsurqantsu, sinöqa büquiyuqta y büqui manijaqtam cäsurqan.
12
Tamya witsan Buenos Puertuschö quëdayänäpä mana alli kaptinmi llapäkunapis yarpäyarqä Cretachö Fenice markaman aywayta. Fenicichömi sïqa tamya witsanpis büqui pärananpä alli karqan.
13
Aywayänäpä vientu alli kaptinnam büquichö aruqkuna yarpäyarqan Feniciman chäyänäpäna kanqanta. Tsaymi büquipa anclankunata qoriskir Creta isla kuchullanpa aywayarqä.
14
Yarquyanqäpita pöcu tiempullatanam Euroclidón niyanqan shukukuy vientu Cretapita pasaypa vientumurqan.
15
Tsaymi vientu shamunqanpa aywayta mana puëdir büqui manijaqkuna dëjaskiyarqan vientu apanqallanmanna büqui aywakunanpä.
16
Tsaypita Clauda niyanqan taksha islapa aywarmi qarachaypa apanqan taksha büquita pasaypa ñakarrä büqui jananman yarkarkatsir watayarqä.
17
Tsaypitanam mana llaktsikänanpä aywaykäyanqä jatun büquitapis waskakunawan watayarqan. Tsaypitam lamar rurinchö Sirte niyanqan arënaman chänanta mantsar despaciu aywayänäpä büquipa juk anclanta jitarpuyarqan. Tsaypitam vientu apanqallanpa aywakuyarqä.
18
Tsaypita waraynin junaqpis tsaynölla vientumuptinmi büquipita cargankunata lamarman jitayarqan.
19
Büquipa anclanta jitarpuyanqanpita kimsa junaqtanam büquichö alläpa mana nisitayanqan kaqkunatapis jitariyarqan.
20
Pukutay tsaparaptinmi rupaypis ni qoyllurpis atska junaq rikakarqantsu. Pasaypa vientumuptinmi ushakäyänäpä kanqanta yarpäyarqä.
21
Atska junaq mallaqlla kayaptïmi chawpïkunaman ichiykur Pablo niyämarqan: «Taytakuna, Creta islapita mana yarqamunantsikpä ninqäta cäsuyämaptikiqa manam kayjinanpa ñakashwantsu karqan ni imakunatapis lamarman jitashwantsu karqan.
22
Peru taynö kaptinpis ama llakikuyaytsu. Manam mayqantsikpis wanushuntsu. Büquim sïqa ushakanqa.
23
Qanyan paqasmi sirvinqä Tayta Dios mandamunqan ángel yuripaykamar
24
nimashqa: «Pablo, ama mantsaytsu. Romachö mandakuq César juzgashunaykipä chankirämi. Büquichö kaykaq runakunatapis qam raykurmi Tayta Dios salvanqa».
25
Taytakuna, ángel tsaynö nikämaptinqa ama mantsarishuntsu. Tayta Diosmanmi yärakü. Ángel nimanqannöllam kanqa.
26
Büqui ushakaptinpis isla kuchunmanmi lamar jitaramäshun».
27
Adriático ninqan lamarchö ishkay semänana vientu puriykätsiyämaptinmi büqui manijaqkuna pullan paqasnö tantiyayarqan tsaki patsaman chaykäyanqäta.
28
Yakupa jondunta midiyaptinmi kimsa chunka joqta (36) metru karqan. Yapay midiptinmi ishkay chunka qanchis (27) metrullana karqan.
29
Tsaymi rumikunachö büqui takakänanta mantsarir büqui pärananpä chusku anclankunata watarkur büqui qepanpa jitarpuyarqan. Tsaypitam patsa waranqanyaq tsaychö shuyaräyarqä.
30
Büqui manijaqkuna qeshpiyta munarmi büqui puntanpapis anclata urätsiq tumpalla taksha büquita urätsiyarqan.
31
Qeshpiyta munayanqanta tantiyaskirmi capitanta y soldädukunata Pablo willar nirqan: «Büqui manijaqkuna aywakuyaptinqa manam salvakuyankitsu».
32
Tsaynö niptinmi taksha büqui wataraq waskakunata soldädukuna rutuyaptin lamarman jeqarpurqan.
33
Patsa waraskiptinnam runakunata Pablo nirqan: «Taytakuna, mikushunrä. «Imarä päsamäshun» nir yarpachakurmi ishkay semänana mikurquntsiktsu.
34
Kananqa kallpantsik yurinanpä mikuskishunrä. Manam mayqantsikpis wanushuntsu».
35
Niskirmi tantata aptarkur llapanpa puntanchö Tayta Diosta agradëcikurqan. Tsaypitam tantata pakiskir mikuyta qallaskirqan.
36
Pablo mikuykaqta rikaykurmi llapanpis mikuyarqan.
37
Büquichö aywaqkunam ishkay pachak qanchis chunka joqta (276) runakuna kayarqä.
38
Pacha junta mikuskirnam büqui ankashyänanpä apayanqan trïguta lamarman jitayarqan.
39
Patsa waraskiptinnam chaykäyanqä tsaki patsata rikarpis büqui manijaqkuna reqiyarqantsu maychö kaykäyanqantapis. Pläyata rikaykurnam büquita tsayman chätsiyta munayarqan.
40
Tsaymi wataraq waskakunata rutuskiyaptin anclakuna lamarchö quëdaskiyarqan. Tsaypitam timunnin wataraqta paskaskir büquita vientu apananpä kaq jatun rakta tëlata witsätsiyarqan. Tsaymi lamar kuchunman büqui aywar qallaykurqan.
41
Aywaykanqanchömi büquipa puntan arënaman jatikaskirqan. Tsaymi yaku jaytaptin büquipa qepan pakiskirqan.
42
Tsaymi prësukuna mana qeshpiyänanpä soldädukuna wanutsiyta munayarqan.
43
Tsaynö yarpäyaptinpis Pabluta salvayta munarmi capitán nirqan: «Ama pitapis wanutsiyaytsu. Nädayta yachaqkunaqa yaku kuchunman yarquyätsun.
44
Wakinkunana tablakunata o büquipa pakipinkunata tsarikurkur yaku kuchunman imanöpapis yarquyätsun». Tsaynöpam llapäkuna yakupita yarquyarqä.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28