bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 24
Acts 24
Quechuan QXO (Biblia en Quechua del sur de Conchucos)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
1
Tsaypita pitsqa junaqtanam juk ishkay Israel mayor runakunata y Tértulo jutiyuq abogäduta pushashqa mas mandaq sacerdöti Ananías Cesareaman chäyarqan. Pablupa contran parlayänanpämi Félixpa despächunman aywayarqan.
2
Despächuman Pabluta chaykatsiptinnam Tértulo nirqan: «Tayta Félix, qam alli mandakuq kaptikim noqakuna alli kawayä. Tsaynöllam shumaq tantiyakur kay nacionchö alli kaqkunata ruratsirquyki.
3
Tsayta rikarmi maytsaychöpis kushishqa agradëcikuyä.
4
«Tiempuykita alläpa mana perditsinäpä rätulla wiyamänaykipä rugakushayki.
5
Kay prësu apayämunqan runaqa imayka qeshyanömi kaykan. Payqa Nazareno sectapa mandaqnin karmi maytsaychöpis Israel runakunata chikinakaykätsin.
6
Jerusalénchö templutapis manakaqmanmi churayta munashqa. Tsaymi prësu tsarir [leynïkuna ninqannö arreglayta munayarqü.
7
Prësuraykätsiyaptïmi Lisias chaykamur maqa maqaykur qechuyämashqa.
8
Tsaypitam niyämashqa qampa puntaykichörä ima jutsan kanqantapis shimpiyänäpä kanqanta.] Llapan niyanqäkuna rasun kaq kanqanta musyanaykipä kanan kikiki tapuykullay».
9
Tértulo ninqannöllam paywan kaykaq Israel runakunapis niyarqan.
10
Tsaymi parlamunanpä Félix sëñasta ruraptin Pablo nirqan: «Tayta Félix, atska watanam kay nacionchö runakuna quejakuyanqanta arreglarquyki. Tsaymi manakaqkunapita conträ shäriyanqanta mana mantsariypa willashayki.
11
Tayta Diosta adoraq Jerusalénman chanqä tsayrämi chunka ishkay junaq. Tapukuptikiqa pïmaypis ninqänöllam willayäshunki.
12
Templuchöpis ni sinagögakunachöpis ni markachöpis manam piwanpis rimanakuykaqtatsu ni pitapis rabyanaykätsiqtatsu tariyämashqa.
13
Tumpayämanqannö llutanta rurashqa kaptïqa kanan mayqanpis shimpimätsun.
14
«Peru Diospa Nänin ninqannöllam unay castäkuna adorayanqan Tayta Diosta sirvï. Diospa Nänin juk secta kanqanta paykuna niyaptinpis Moisés llapan qellqanqan leykunaman y profëtakuna llapan qellqayanqanmanmi criyï.
15
Alli runakunatapis mana alli runakunatapis Tayta Dios kawatsimunanpä kanqanta paykuna criyiyanqannömi noqapis criyï.
16
Tsaymi Tayta Diospa puntanchö y runakunapa rikananchöpis allikunallata rurayta munä.
17
«Atska watatam qellayta apar Jerusalénman kutirqü pobrikunata yanapanäpä y Tayta Diospä sacrificiuta rupatsinäpä.
18
Sacrificiukunata sacerdötikunaman templuchö entregaykaptïmi [Asia provinciapita shamuq Israel runakuna] templuchö purificakushqa kaykaqta tariyämashqa. Manam atskaq runakunatawantsu ni pitapis büllata ruraykätsiqtatsu tariyämashqa.
19
Imatapis manakaqkunata rurashqa kaptïqa puntaykichö shimpiyämänanpämi tsay runakuna shayämunman karqan.
20
Sanedrín juezkunapis manam ima jutsä kanqantapis tariyashqatsu. Tapuptiki kay runakunapis tsaynö kanqantam niyäshunki.
21
Tsay autoridäkunapa puntanchömi nirqä: «Wanushqakunata Tayta Dios kawatsimunanpä kanqanta criyiptïmi juzgaykäyämanki». Tsay imachi jutsä kaykan».
22
Tsaynö ninqanta wiyaykurmi Félix nirqan: «Comandanti Lisias shamur willamaptinrämi arreglayäshayki». Félix shumaqmi tantiyarqan Diospa Näninta qatiraqkuna imata criyiyanqantapis.
23
Tsaypitam Pablo cuidaq capitanta nirqan: «Carcelman Pabluta kutitsiy. Imallanpis aparkur pipis watukaq shamuptin ama michankitsu».
24
Tsaypita warayninkunanam warmin Drusilawan despächunman Félix kutiykur Pabluta qayatsirqan. Drusilaqa Israel warmim karqan. Pablo chaykurmi paykunata parlaparqan Jesucristuman criyikuyänanpä.
25
Tsaynöllam tantiyatsirqan Dios munanqannö kawayänanpä, jutsata mana rurayänanpä y juiciu finalchö Tayta Dios juzgananpä kanqanta. Tsayta wiyaykurmi Félix mantsakashqa nirqan: «Wichqaranqaykiman kutikuy. Tiempü kanqan höram yapay qayatsimushayki».
26
Pakayllapa pägananta munarmi Pabluta atska kuti Félix qayatsir paywan parlarqan.
27
Tsaypita ishkay watatanam Félixpa rantin gobernador kananpä jukna yaykurqan. Paypa jutinmi karqan Porcio Festo. Félix yarqukur alli autoridä kanqanta Israel runakuna niyänanta munarmi carcelchö Pabluta dëjarqan.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28