bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 15
Acts 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
1
Tsay witsanmi Judeapita Antioquíaman aywaykur wakin runakuna wawqikunata yachatsir niyarqan: «Moisés qellqanqan leykuna ninqannö mana señalakurqa manam salvakuyankitsu».
2
Tsaynö yachatsiyaptinmi Pablo y Bernabé paykunawan pasaypa rimanakuyarqan. Tsaymi Antioquía wawqikuna y panikuna willanakuskir Pabluta, Bernabéta y wakin wawqikunatapis Jerusalénman mandayarqan apostolkunata y mayor wawqikunata tapuyämunanpä.
3
Jerusalénpa aywaqnö Feniciapa y Samariapa päsarmi wawqikunata y panikunata willayarqan mana Israel runakunapis Jesucristuman criyikuyanqanta. Tsaynö willayaptinmi llapanpis kushikuyarqan.
4
Jerusalénman chäyaptinnam apostolkuna, mayor wawqikuna y tsaychö kaykaq llapan wawqikuna y panikunapis paykunata kushishqa chaskiyarqan. Tsaypitanam Pabluwan Bernabé willakuyarqan marka marka puriyaptin Tayta Dios yanapanqanta.
5
Tsaymi Jesúsman criyikuq wakin fariseukuna contran shärir niyarqan: «Jesúsman criyikurpis mana Israel runakuna señalakuyätsun y Moisés qellqanqan leykunata cumpliyätsun».
6
Tsaynö niyaptinmi apostolkuna y mayor wawqikunapis qorikaykur willanakuyarqan.
7
Pasaypa rimanakuyaptinmi Pedro ichirkur nirqan: «Wawqikuna, musyayankim mana Israel runakuna Jesucristuman manarä criyikuyaptin willakuyninta willakunäpä Tayta Dios akramanqanta.
8
Tayta Diosqa musyanmi runapa shonqun imata yarpanqantapis. Tsaymi rasunpa criyiyanqanta musyanantsikpä noqantsikman mandamunqannö paykunamanpis Espíritu Santuta mandamushqa.
9
Tsaynöpam musyantsik Jesucristuman criyikuq kaqtaqa Israel runa o mana Israel runa kaptinpis Tayta Dios shonqunkunata purificar salvanqanta.
10
«Tsaynö kaykaptinqa ¿imanirtä Tayta Diosta rabyanätsir discïpulukunata niyanki Moisés qellqanqan leykunata cumpliyänanpä? Tsay leykunataqa unay castantsikkuna ni kikintsikpis manam cumpliyta puëdirquntsiktsu.
11
Israel runa kashqapis o mana Israel runa kashqapis Señor Jesucristo kuyapämarnintsikmi salvamantsik».
12
Pedro tsaynö niptinmi tsaychö kaq runakuna upällakuyarqan. Tsaynam Pabluwan Bernabé willayarqan mana Israel runakuna kaqchöpis milagrukunata rurayänanpä Tayta Dios yanapanqanta.
13
Tsaynö willayta ushaskiyaptinmi Santiago nirqan: «Wawqikuna, wiyayämay.
14
Simónmi willamarquntsik mana Israel runakunata willakuptin Tayta Dios salvanqanta.
15
Tsaynö kananpämi profëtakuna qellqayanqanchöpis nin:
16
«Tsaypita kutimurmi Davidpa juchushqa wayinta yapay shäritsishä. Unay kanqannö yapay kananpämi juchushqa kaqkunata allïtsashä.
17
Tsaynö rurashä llapan runakunapis ashiyämänanpämi. Noqa akranqä mana Israel runakunapis noqamannam criyikayämunqa.
18
Noqa Tayta Diosmi tsaynö kananpä nï. Tsaynö kananpämi unaypitana musyatsirqä».
19
«Tsaymi noqa nï: Mana Israel runakunapis Jesucristuman criyikuyaptin ima tsapatapis ama churapäshuntsu.
20
Tsaypa rantinqa cartakushun ïdulukunapä pishtayanqan aytsata mana mikuyänanpä, fornicación jutsata mana rurayänanpä, kikillan wanushqa ashmakunapa aytsanta mana mikuyänanpä y ashmapa yawarnintapis mana mikuyänanpä.
21
Tsaykunata cumpliyänanpäqa unaypitam Moisés qellqanqan leykunata cada markachö yachatsiyan. Tsaynöllam cada jamay junaq sinagögakunachö liyiyan».
22
Tsaynö niptinmi apostolkuna, mayor wawqikuna y llapan wawqikuna y panikunapis kushikuyarqan. Tsaymi Pablo y Bernabé Antioquíaman kutiyaptin wallkiyänanpä ishkay wawqikunata akrayarqan. Tsay wawqikunam kayarqan Judas y Silas. Judaspa jukaq jutinmi karqan Barsabás. Judasta y Silastam llapan wawqikuna y panikuna respitayaq.
23
Paykuna apayanqan cartachömi nirqan: Antioquíachö, Siriachö y Ciliciachö kaykaq mana Israel wawqikuna y panikuna, qamkunapämi apostolkuna, mayor wawqikuna y Jerusalénchö kaykaq wawqikuna y panikunapis kay cartata cartakayämü. Salüdükunatam apatsiyämü.
24
Noqakuna musyayarqümi wakin wawqikuna Jerusalénpita shamur llutankunata yachatsikur llakikatsiyäshunqaykita. [Paykunam Moiséspa leyninta cumplir señalakuyänaykipä kanqanta niyan.] Paykunata manam noqakunatsu mandayämurqü.
25
Tsayta musyarmi llapäkuna willanakuskir kuyay wawqintsik Pabluwan y Bernabéwan ishkay wawqikunata mandaykäyämü.
26
Pabluwan Bernabémi wanuytapis mana mantsaypa Señornintsik Jesucristupa willakuyninta willakuykäyan.
27
Paykunawanmi Judasta y Silasta mandayämü kay cartachö qellqayämunqäta tantiyatsiyäshunaykipä.
28
Manam noqakunapis ni Espíritu Santupis qamkunata obligayätsu Moisés qellqanqan leykunata cumpliyänaykipä.
29
Peru ïdulukunapä pishtayanqan aytsata, kikillan wanushqa ashmakunapa aytsanta y ashmapa yawarninta ama mikuyaytsu. Tsaynölla fornicación jutsata ama rurayaytsu. Kay ninqäkunata cumpliyaptikiqa allim kanqa. Aywallä.
30
Despachayaptinmi Judaswan Silas Antioquíaman chaykur wawqikuna y panikuna qorikaskiyaptin apayanqan cartata entregayarqan.
31
Tsay cartata liyipäriyaptinnam llapan kushikuyarqan.
32
Judaswan Silaspis profëta karmi imaykanöpa tantiyatsir wawqikunata y panikunata valuratsiyarqan.
33
Tsaychö atska junaq qoyaskiyaptinnam Tayta Diosta mañakuskir Jerusalénman kutikuyänanpä wawqikuna y panikuna despachayarqan.
34
[Peru Silasqa tsaychömi quëdakurqan.]
35
Pabluwan Bernabépis Antioquíachö quëdarmi Jesucristupa alli willakuyninta wakin wawqikunawanpis yachatsiyarqan.
36
Tsaypita atska killatanam Bernabéta Pablo nirqan: «Jesucristupa willakuyninta willakunqantsik markakunaman kutir wawqikuna y panikuna imanö kayanqantapis musyamushun».
37
Tsaynam Bernabéqa Marcos niyanqan Juanta pushayta munarqan.
38
Peru Pablum sïqa munarqantsu, Panfiliapita dëjaskir kutimushqa kaptin.
39
Tsaymi Pabluwan Bernabé pasaypa rimanakur rakikäyarqan. Bernabémi Marcusta pusharkur büquiwan Chipriman aywarqan.
40
Pablunam yanapananpä Silasta akrarqan. Tsaypitam wawqikuna y panikuna Tayta Diosta mañakuskir mandayaptin paykunapis aywayarqan.
41
Siria y Cilicia provinciakunachö markakunaman charmi Pabluwan Silas wawqikunata y panikunata valuratsiyarqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28