bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 14
Acts 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
Tsaypitanam Iconio markachö Pabluwan Bernabé sinagögaman yaykuyarqan. Tsaychö shumaq willakuyaptinmi Israel runakuna y mana Israel runakunapis Jesucristuman atskaq criyikuyarqan.
2
Peru mana criyikuq kaq Israel runakunam sïqa wakin mana Israel runakunata willapäyarqan Jesúsman yärakuqkunapa contran shäriyänanpä.
3
Contran shäriyaptinpis Pabluwan Bernabéqa Tayta Diosman criyikurmi atska junaq mana mantsaypa willakuyarqan. Salvamänapä willakuynin rasunpa kanqanta musyayänanpämi Tayta Dios paykunata yanaparqan milagrukunata rurayänanpä.
4
Tsaynö kaptinpis tsay markachö täraq runakuna kikinpura chikinakurmi wakinqa Israel runakunapa favornin shäriyarqan y wakinnam apostolkunapa favornin shäriyarqan.
5
Tsaymi Israel runakuna y mana Israel runakunapis apostolkunata saqmaypa wanutsiyänanpä autoridäkunawan willanakuyarqan.
6
Tsayta musyaykurmi Pabluwan Bernabé qeshpir aywakuyarqan Listraman, Derbiman y Licaoniachö kaq wakin markakunamanpis.
7
Tsay markakunachömi Tayta Diospa alli willakuyninta willakuyarqan.
8
Listra markachömi yurinqanpita mana puriq weqru runa karqan.
9
Paymi Pablo parlanqankunata wiyar jamaraykarqan. Payta rikaykurmi allïnanpä Tayta Diosman yärakuykanqanta Pablo tantiyaskir
10
jinchipa nirqan: «¡Shärir shumaq ichiy!» Tsaynö niptinmi ras ichirkur puriyta qallaskirqan.
11
Tsayta rikaykurmi runakuna kikinkunapa idiömanchö niyarqan: «¡Dioskunam runa tukullar noqantsikman shayämushqa!»
12
Tsaymi Bernabéta niyarqan Zeus kanqanta. Y Pablutana willakuq kaptin Hermes kanqanta niyarqan.
13
Tsay marka yaykunachömi Zeus niyanqan diosta adorayänan templu karqan. Apostolkunata adorayänanpä törukunata pishtar rupatsiyta munayaptinmi tsay templuchö sirviq sacerdöti waytan wallqashqata törukunata marka punkuman qatirqan.
14
Tsayta tantiyaskirmi apóstol Pabluwan apóstol Bernabé röpankunata rachiskir runakuna kaqman cörrilla aywaykur niyarqan:
15
«¡Taytakuna, ama tsayta rurayaytsu! Noqakunapis qamkunanö runallam kayä. Shayämurqü manakaq dioskunata jaqiskir imayyaqpis kawaq Tayta Diostana adorayänaykipä tantiyatsiqmi. Paymi ciëluta, kay patsata, lamarta y llapan imaykatapis kamashqa.
16
Ñöpataqa kikinkuna munayanqannö kawayänanpämi runakunata Tayta Dios dëjarqan.
17
Tsaynö dëjarpis pïmaytam tantiyatsin rasunpa kaq Dios kanqanta y kuyakuq kanqanta. Paymi mikuynikikuna alli wayunanpä tamyata tamyatsimun y kushishqa kawanantsikpäpis mikuyta alistapämantsik».
18
Peru tsaynö tantiyatsiptinpis Pabluta y Bernabéta mana adorayänanpä ajatarämi tantiyayarqan.
19
Tsaypitanam apostolkunata chikiq Israel runakuna Antioquíapita y Iconiupitapis Listraman chäyarqan. Pablupa contran shäriyänanpä willapäyaptinmi Pabluta pitiqpä saqmaskiyarqan. Wanushqana kanqanta yarparmi qarachashqa apaykur markapita jukläman jitaskiyarqan.
20
Tsaychö discïpulukuna juntaparaykäyaptin kawaskamurmi markaman Pablo kutirqan. Tsaypita warayninnam Derbe markaman Bernabéwan aywayarqan.
21
Derbiman chaykur alli willakuyta willakuyaptinmi atskaq runakuna Jesúsman criyikurnin discïpulunkunana kayarqan. Tsaypitanam Listra, Iconio y Antioquía markakunaman kutiyarqan.
22
Tsay markakunaman chaykurmi Jesúspa discïpulunkunata mana ajayaypa criyikuyänanpä valuratsir niyarqan: «Tayta Diospa mandakuyninman yaykunapäqa imayka ñakaytarämi päsashun».
23
Tsaynöllam wawqikunata y panikunata yanapayänanpä cada iglesiachö mayor wawqikunata churayarqan. Tsaypitanam ayunar y Tayta Diosta mañakur criyikuyanqan Señor Jesucristupa poderninman dëjayarqan.
24
Pisidia provinciapita kutirnam Panfilia provinciamanna chäyarqan.
25
Perge markachöpis Tayta Diospa willakuyninta willakuskirmi Atalia markaman aywayarqan.
26
Tsaypitam büquiwan Antioquíaman kutiyarqan. Antioquíapitam puntatapis wawqikuna y panikuna willakur puriyänanpä mandashqa kayarqan. Mandarmi Tayta Diosta mañakuyarqan paykunata yanapananpä.
27
Antioquíaman chaykurnam wawqikuna y panikuna qorikäyaptin Tayta Dios alli yanapanqanta willayarqan. Tsaynöllam willayarqan mana Israel runakunapis Jesucristuman criyikuyänanpä Tayta Dios yanapanqanta.
28
Pabluwan Bernabé tsaychö unaymi discïpulukunawan täkuyarqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28