bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 22
Acts 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
«Wawqikuna y taytakuna, kanan wiyayämay».
2
Hebreo idiömachö parlanqanta wiyaykurmi llapan upällaskiyarqan. Tsaymi Pablo nirqan:
3
«Ciliciapa capitalnin Tarsuchö yuriq Israel runam kä. Kay Jerusalénchömi shaksharqü. Tayta Gamalielmi unay castantsikkuna yachatsiyanqan leykunata yachatsimashqa. Tsaymi qamkunanölla Tayta Diosta llapan shonqüwan sirviyta munä.
4
«Diospa Nänin qatiraqkunata ushakätsiyta munarmi warmitapis ollqutapis prësu tsariskir carcelman wichqatsirqä.
5
Tsaynö ruranqätam mas mandaq sacerdöti y llapan Israel mayor runakunapis musyayan. Paykunapitam ordinta chaskirqä Damascuman aywar Jesúsman criyikuqkunata Jerusalénman prësu apaykamur castigatsinäpä.
6
«Damascuman yaykuykaptïmi pullan junaqnö ciëlupita aktsi illaqpita chipipirrä atsikyaykamurqan.
7
Tsaymi patsaman ishkiskir wiyarqä «Saulo, Saulo, ¿imanirtä qatikachämanki?» nimuqta.
8
Tsayta wiyarmi tapurqä: «Taytay, ¿pitä kanki?» Tsaymi nimarqan: «Noqaqa Nazaretpita Jesúsmi kä. Noqatam qatikachaykämanki».
9
«Noqawan aywaqkunam aktsita rikar [alläpa mantsakäyarqan]. Parlapämanqantaqa manam tantiyayarqantsu.
10
Noqanam nirqä: «Taytay, ¿imatatä ruräman?» Tsaynam nimarqan: «Shärir Damascuman ayway. Tsaychönam imata ruranaykipäpis willashunki».
11
Atsikyämuqpa chipipiyninwan qaprayashqa kaptïmi noqawan aywaqkuna janchashqalla Damascuman chätsiyämarqan.
12
«Tsaychömi Ananías jutiyuq runa täkurqan. Paymi Moisés qellqanqan leykunata cumplir Tayta Dios munanqannö kawarqan. Damascuchö täraq Israel runakunaqa llapanmi pay alli runa kanqanta niyaq.
13
Ananías rikamaq shamurmi nimarqan: «Wawqi Saulo, rikayna». Tsaynö nimaptinmi jinan höra ñawï alliskiptin payta rikarqä.
14
Tsaypitam nimarqan: «Unay castantsikkuna adorayanqan Tayta Diosmi akrashurquyki munanqanta ruranaykipä, Jutsaynaq Kaqta rikanaykipä y parlamunqankunatapis wiyanaykipä.
15
Kananqa paypa testïgun karmi rikanqaykita y wiyanqaykita pïmaytapis willanki.
16
Ras bautizakur jutsaykikunapita perdonashunaykipä Tayta Diosta mañakuy».
17
«Damascupita Jerusalénman kutimurmi Tayta Diosta mañakunäpä templuman yaykurqä. Mañakuykaptïmi revelacionchö
18
Jesucristo yuripaskamar nimarqan: «Jerusalénpita ras yarquy. Kaychöqa noqapä willakuptiki manam criyiyäshunkitsu».
19
Tsaynö nimaptinmi nirqä: «Taytay, ¿imanirtä criyiyämanqatsu? Paykuna musyayanmi maytsay sinagögaman aywarpis qamman criyikuqkunata maqa maqarkur carcelman apanqäta.
20
Willakuqniki Estebanta wanutsiyaptinpis tsay runakunapa röpanta cuidarmi kushishqa rikararqä».
21
Tsaynö niptïmi nimarqan: «Ayway. Qamtam mandaykä karu markakunachö mana Israel runakunaman».
22
Mana Israel runakunaman willakuq aywananpä ninqanta Pablo willakuptinmi runakuna pasaypa rabyar niyarqan: «¡Tsay runa ama kawatsuntsu! ¡Ras wanutsun!»
23
Tsaymi pasaypa qayararnin janan kaq röpankunatapis lloqtiskir allpatapis junishpa mashtayarqan.
24
Tsaynö rurayaptinmi Pabluta cuartelman yaykaskatsir soldädukunata comandanti nirqan: «Kay runata castigayay. Tsayrämi willamäshun imanir paypa contran shäriyanqantapis».
25
Castigananpä wataykäyaptinnam capitanta Pablo nirqan: «Roma runa kaykaptï y autoridäkuna manarä juzgayämaptin ¿imanirtä castigayämänaykipä alistakuyanki?»
26
Tsaynö niptinmi comandantiman aywar capitán nirqan: «¡Imanirtä castiganäpä nimarquyki! ¡Tsay runaqa Roma runash!»
27
Tsaynö niptinmi comandanti aywaykur Pabluta tapurqan: «¿Rasunpaku Roma runa kanki?» Pablunam nirqan: «Awmi, taytay. Roma runam kä».
28
Tsaymi comandanti nirqan: «Noqa Roma runa kanäpäqa atska qellaytarämi pägarqü». Pablunam nirqan: «Noqaqa yurinqäpitam Roma runa kä».
29
Tsaynö niptinmi Pabluta castigayänanpä kaykaq soldädukuna dëjaskiyarqan. Roma runa Pablo kanqanta musyarmi comandantipis watatsinqanpita mantsapakurqan.
30
Pablupa contran imanir runakuna shäriyanqantapis musyayta munarmi waraynin junaq mandaq sacerdötikunata y llapan Sanedrín juezkunata tsay comandanti qayatsirqan. Tsaypitam paykuna qorikäyanqanman Pabluta apatsirqan.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28