bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 21
Acts 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
1
Paykunapita despidikuskirmi Cos islayaq büquiwan aywayarqä. Warayninnam Rodas islayaq aywayarqä y tsaypitanam Pátara markayaq chäyarqä.
2
Tsaychömi Feniciaman aywaq büquita tariyarqä. Tsay büquiwan aywarmi
3
Chipre islata itsuq kaq lädupa päsayarqä. Tsaypita Siria provinciapa aywarmi Tiro markaman chäyarqä. Tsaychömi büquiwan apayanqan cargankunata jaqiriyarqan.
4
Tsaychö discïpulukunata tariskirmi qanchis junaq paykunawan qoyäyarqä. Paykunam Espíritu Santu tantiyatsiptin Pabluta niyarqan Jerusalénman mana aywananpä.
5
Tsay markapita aywakuyaptïnam wawqikuna warminkunawan y wamrankunawan lamar kuchunyaq pushayämarqan. Tsaychömi qonqurikuykur Tayta Diosta llapäkuna mañakuyarqä.
6
Tsaypita despidikuskirmi büquiman yarkuyarqä. Paykunanam wayinkunapa kutikuyarqan.
7
Tiro markapita aywakurnam Tolemaida markayaq chäyarqä. Tsaychö wawqikunawan y panikunawan tinkuskirmi paykunawan juk junaq qoyäyarqä.
8
Waraynin junaq yarqurnam Cesareaman chaykur Tayta Diospa alli willakuyninta willakuq Felipipa wayinchö patsakuyarqä. Paytam Jerusalénchö mikuyta aypunanpä joqta wawqikunatawan puntata akrashqa kayarqan.
9
Felipipa chusku jipash tsurinkunam Tayta Diospa profetïsankuna kayarqan.
10
Tsaychö atska junaqna kaykäyaptïmi Judea provinciapita Agabo jutiyuq profëta chämurqan.
11
Noqakuna kaykäyanqä kaqman shamurmi Pablupa wachukunta aptarkur makinta y chakintapis watakurqan. Tsaypitanam nirqan: «Espíritu Santum nin: «Kaynömi kay wachukupa duëñunta Israel runakuna Jerusalénchö watarätsiyanqa. Tsaypitam mana Israel runakunaman entregayanqa».
12
Tsayta wiyaykurmi llapan wawqikunawan y panikunawan Pabluta rugayarqä Jerusalénman mana aywananpä.
13
Pablunam niyämarqan: «¿Imanirtä waqar llakikuyman churayämanki? Señor Jesucristupa jutinchö willakunqäpita manam wataränalläpätsu listu kaykä, sinöqa Jerusalénchö wanunäpäpis listum kaykä».
14
Imanöpa niyaptïpis Pablo mana cäsuyämaptinmi mastaqa rugayarqänatsu. Tsaypa rantinqa «Tayta Dios munaptinqa jina tsaynöchi kanqa» niyarqä.
15
Tsaypitanam Jerusalénman aywayänäpä alistakuyarqä.
16
Cesareachö täraq wakin discïpulukunam wallkiyämar Mnasónpa wayinman pushayämarqan. Mnasónqa Chipripitam karqan. Payqa ñöpapitanam Jesúspa discïpulun karqan. Paypa wayinchönam patsakuyarqä.
17
Jerusalénman chaykuyaptïnam wawqikuna y panikuna kushishqa chaskiyämarqan.
18
Waraynin junaq Santiaguta watukaq Pabluwan aywarmi mayor wawqikunatapis qorikashqa kaykaqta tariyarqä.
19
Paykunata saludaskirmi Pablo willarqan mana Israel runakuna kaqchö willakuptin Tayta Dios imata ruranqantapis.
20
Tsayta wiyaykurmi Tayta Diosta kushishqa agradëcikuyarqan. Tsaypitam Pabluta willar niyarqan: «Wawqi Pablo, musyankim waranqanpa Israel runakunapis Jesucristuman criyikuykäyanqanta. Paykunaqa llapanmi niyan Moisés qellqanqan leykunata cäsunantsikpä kanqanta.
21
Paykunatam runakuna niyan: «Pabluqa jäpa markachö täraq Israel mayintsikkunatam yachaykätsin Moiséspa leyninkunata mana cumpliyänanpä. Manam munantsu wamrankunata señalatsiyänanta ni costumbrintsikkunata cumpliyänantapis».
22
Kanan ¿imatatä rurashun? Chämunqaykita musyarmi [tsaytsika runakuna qorikäyanqa].
23
«Kanan nishayki imata ruranaykipäpis. Kaychömi chusku runakuna Tayta Diosta promitiyanqanta cumpliykäyan.
24
Tsay runakunawan templuman aywar purificakuyay. Aqtsankunata rutukuyänanpä gastunkuna alistapay. Tsaynöpam llapanpis tantiyayanqa contrayki parlaqkuna manakaqkunata parlaykäyanqanta. Tsaynöllam tantiyayanqa qampis Moisés qellqanqan leykunata cumpliykanqaykita.
25
«Jesucristuman criyikuq mana Israel runakunamanqa maynam cartakurquntsik. Tsay cartachömi nirquntsik [tsay leykunata mana cumplirpis] ïdulukunapa jutinchö pishtayanqan aytsata, ashmapa yawarninta y kikillan wanushqa ashmakunapa aytsanta mana mikuyänanpä y fornicación jutsata mana rurayänanpä».
26
Tsaymi willanakuyanqannölla waraynin wäray tsay chuskun wawqikunawan Pablo aywarqan. Waqtachö purificakuskirmi templuman yaykur sacerdötikunata willarqan ofrendankunata churar Tayta Diosta promitiyanqanta imay cumpliyänanpä kanqantapis.
27
Qanchis junaqta cumpliykäyaptinnam Asia provinciapita shamuq Israel runakuna rikayarqan templuchö Pablo kaykaqta. Tsaymi Pabluta tsariskir
28
jinchipa qayarar niyarqan: «¡Israel mayikuna, yanapayämay! ¡Kay runam maytsay markakunapa purin contrantsik parlar! ¡Tsaynöllam llutanta yachatsir leynintsikta y templuntsiktapis manakaqman churaykan! ¡ Sagrädu templuntsikta mana respitarmi mana Israel runakunata yaykatsimushqa!»
29
(Tsaynö niyarqan Trófimutawan Pabluta cällichö puriykaqta rikashqa karmi. Trófimuqa Éfeso markapita mana Israel runam karqan.)
30
Tsaynö niyaptinmi llapan runakuna pasaypa rabyashqa cörrilla shamur Pabluta qarachashqa waqta patiuman jipiskir templupa ruri patiun punkunkunata wichqaskiyarqan.
31
Tsaychömi Pabluta wanutsiyta munar maqayarqan. Roma soldädukunapa comandantin tsayta musyaskirmi
32
capitankunata y soldädukunata pusharkur cörrilla aywayarqan Pabluta maqaykäyanqan kaqman. Soldädunkunawan comandanti chaykaqta rikaskirmi Pabluta dëjaskiyarqan.
33
Comandantinam Pabluta prësutsir ishkay cadënawan watatsirqan. Tsaypitam runakunata tapurqan: «¿Pitä kay runa? ¿Imatatä rurashqa?»
34
Peru juknö juknö parlar büllata rurayaptinmi ima päsanqantapis mana musyar Pabluta cuartelman apatsirqan.
35
Qepanpa aywar runakuna maqayta munayaptinmi grädaman chaykatsir soldädukuna Pabluta wantuypa cuartelman witsätsiyarqan.
36
Paykunatam atskaq runakuna qatir «¡wanutsun!» niyarqan.
37
Cuartelman yaykutsiyänanpä kaykaptinnam comandantita Pablo nirqan: «Taytay, ichikllata parlarkushun». Niptinmi Pabluta nirqan: «¿Griego parlayta yachankiku?
38
Qamqa ¿manaku Egipto runa kanki? ¿Manaku qam gobiernupa contran shäriq kanki? ¿Manaku chusku waranqa (4,000) wanutsikuq runakunata pushashqa desiertupa puriq kanki?»
39
Pablunam nirqan: «Noqaqa Cilicia provinciapa capitalnin Tarso markachö yuriq Israel runam kä. Taytay, Israel mayïkunawan rätulla parlanäpä rugakulläshayki».
40
Tsaynö rugakuptinmi comandanti awnirqan. Tsaymi grädachö ichiykur runakuna upällakuyänanpä makinwan Pablo sëñasta rurarqan. Llapanpis upällaskiyaptinmi hebreo idiömapa parlapar nirqan:
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28