bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 23
Acts 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
1
Tsaymi juezkunata rikaskir Pablo nirqan: «Taytakuna, Tayta Dios rikamanqanta tantiyakurmi kananyaq imatapis llutanta rurarqütsu».
2
Tsaynö niptinmi mas mandaq sacerdöti Ananías puntanchö kaqkunata nirqan Pabluta shimichö laqyayänanpä.
3
Laqyatsiptinmi Pablo nirqan: «¡Allish tukuq runa! ¡Kikikitam Tayta Dios castigashunki! Ley ninqannö juzgamänaykipä jamaykarqa ¿imanirtä leyta mana cäsuypa laqyatsimanki?»
4
Tsaynö niptinmi Pablupa puntanchö kaykaq runakuna niyarqan: «¿Imanirtä Tayta Dios akranqan mas mandaq sacerdötita contestanki?»
5
Pablunam nirqan: «Taytakuna, mandaq sacerdöti kanqanta manam musyarqütsu. Musyarqa manam imatapis nïmantsu karqan. Tayta Diospa palabranmi nin: «Markaykichö autoridäkunata ama maldicionayankitsu».
6
Pablo musyarqanmi tsay juezkuna wakin saduceo kayanqanta y wakin fariseo kayanqanta. Tsaymi jinchipa nirqan: «¡Taytakuna! Noqaqa fariseum kä. Papänïpis fariseum kashqa. Wanushqakunata Tayta Dios kawatsimunanpä kanqanta criyiptïmi juzgaykäyämanki».
7
Tsaynö niptinmi fariseukunaqa Pablupa favornin shärir saduceukunawan rimanakuyarqan.
8
Saduceukunam yachatsiyan wanushqakuna manana kawayämunanpä kanqanta. Tsaynöllam yachatsiyan angelpis ni runapa almanpis mana kanqanta. Fariseukunanam yachatsiyan wanushqakuna kawayämunanpä kanqanta, ángel kanqanta y almapis kanqanta.
9
Tsaynö rimanakuyaptinmi ley yachatsikuq fariseukuna niyarqan: «Kay runaqa manam imatapis mana allitaqa rurashqatsu. Capazmi ángel o alma karpis parlapashqa kanqa. [Cuidädütä Tayta Diospa contran kaykäyankiman]».
10
Tsarinakun tsarinakun rimanakuyaptinmi comandanti mantsarir nirqan: «Capazmi Pabluta wanutsiyanmanpis». Tsaymi soldädukunata qayatsimurqan Pabluta carcelman kutitsiyänanpä.
11
Tsay paqasmi Pabluta yuripuskir Señor Jesucristo nirqan: «Pablo, ama mantsariytsu. Jerusalénchö willakuynïta willakunqaykinömi Romachöpis willakunki».
12
Autoridäkuna qorikäyanqanpita waraynin junaqmi Pabluta wanutsiyänanpä wakin Israel runakuna jurar niyarqan: «Pabluta manarä wanutsirqa ama imatapis mikushuntsu ni upushuntsu».
13
Tsaynö willanakuq runakunam chusku chunkapita (40) mas kayarqan.
14
Paykunam mandaq sacerdötikunaman y Israel mayor runakunaman aywaykur niyarqan: «Noqakunam jurayarqü Pabluta manarä wanutsirqa imatapis mana mikuyänäpä ni upuyänäpä.
15
«Pablutam shumaq tapuyta munayä» niq tumpalla comandantita niyay waraynin wäray Pabluta apatsimunanpä. Noqakuna alistakushqallam kaykäyäshä apaykämuqllata wanutsiyänäpä».
16
Tsaynö willanakuyanqanta wiyaykurmi Pablupa paninpa ollqu wamran carcelman aywaykur Pabluta willarqan.
17
Willaptinmi Pablo juk capitanta qayaykur nirqan: «Kay jövinta comandantiman pushay. Paytam willayta munaykan».
18
Jövinta comandantiman pushaykurmi capitán nirqan: «Prësu kaykaq Pablum rugakamashqa kay jövinta qamman pushamunäpä. Paymi imata wiyanqantapis willashunki».
19
Tsaymi tsay jövinta janchashqa juk läduman pushaykur comandanti tapurqan: «¿Imatä willamänaykipä kan?»
20
Jövinnam nirqan: «Wakin Israel runakunam willanakuyashqa Sanedrín juezkuna qorikäyanqanman Pabluta waray wäray apatsinaykipä. Tsaynö mañakuyäshunki Pabluta shumaq tapuyta munaq tumpallash.
21
Tsayta ama criyiytsu. Chusku chunkapita (40) masmi runakuna jurayashqa Pabluta manarä wanutsirqa imatapis mana mikuyänanpä ni upuyänanpä. Paykunam shuyaraykäyan Pabluta apaykätsillaptikina wanuratsiyänanpä».
22
Willaykuptinnam tsay jövinta comandanti nirqan: «Willamanqaykita ama pitapis willankitsu». Tsaynö yätsiskirmi tsay jövinta despacharqan.
23
Tsayta musyaykurmi comandanti ishkay capitankunata qayaskatsir nirqan: «Kanan alistakuyay ishkay pachak (200) soldädukuna chakipa aywayänanpä, qanchis chunka (70) soldädukuna caballun muntashqa aywayänanpä y ishkay pachak (200) soldädukuna lanzankunawan aywayänanpä. Paykunam kanan paqas las nuëvi Cesarea markaman yarquyanqa.
24
Pablo muntananpäpis caballukunata alistapay. Gobernador Félixman Pabluta alli chätsiyätsun».
25
Tsaynöllam paykunawan apatsinanpä cartatapis qellqarqan. Tsay cartachömi nirqan:
26
Gobernador Tayta Félix: Noqa Claudio Lisiasmi qampä saludakamü.
27
Israel runakunam kay runata tsariskir wanutsiyänanpäna kaykäyashqa. Tsaymi Roma runa kanqanta musyaskir soldädükunawan aywaykur washäyämurqü.
28
Tsaypitanam imapita contran shäriyanqantapis musyayta munar Sanedrín juezkuna qorikäyanqanman aparqü.
29
Tsaychönam contrankuna niyashqa leyninkunata mana cumplinqanta. Tsaynö niyaptinpis manam ima jutsantapis tarirqütsu wanutsishqa kananpä ni carcelchö wichqaränanpäpis.
30
Israel runakuna payta wanutsiyänanpä willanakuyanqanta musyaskirmi qamman apaykätsimü. Tsaynöllam paykunatapis nirqü puntaykichörä arreglayänanpä. Tsayllatam kanan qellqamü.
31
Comandanti mandanqannöllam soldädukuna tsay paqas Pabluta apayarqan Antípatris markayaq.
32
Waraynin wäraymi caballun muntashqa aywaqkunallana Cesareaman Pabluwan aywayarqan. Wakin soldädukunaqa cuartelninmannam kutikuyarqan.
33
Cesareaman chaykurnam gobernador Félixta cartata entregar Pablutapis entregayarqan.
34
Tsay cartata Félix liyiskirmi maypita kanqanta Pabluta tapurqan. Cilicia provinciapita kanqanta musyaskirmi
35
nirqan: «Contraykikuna chäyämuptinrämi declaracionnikita wiyashä». Tsaypitam Pabluta wichqatsirqan rey Herodes ruratsinqan despächunchö kaykaq carcelman.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28