bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 11
Acts 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
1
Mana Israel runakunapis Tayta Diospa willakuyninta chaskiyanqantam apostolkuna y Judea provinciachö wawqikuna y panikunapis musyayarqan.
2
Tsaymi Jerusalénman Pedro kutiykuptin señalashqa kaq wakin wawqikuna parlakacharnin
3
niyarqan: «¡Imanirtä mana Israel runakunapa wayinman yaykur paykunawan mikurquyki!»
4
Pedrunam ima päsanqantapis willar nirqan:
5
«Jope markachö Tayta Diosta mañakuykarmi ciëlupita chuskun kuchunpa watashqa jatunkaray jaku niraq uraykämuqta revelacionchö rikarqä.
6
Tsay jakunö uraykämuqchömi imaykaläya ashmakunata rikarqä ashmana kaq y mana ashmana kaqkunata, lätaypa puriqkunata y päriqkunatapis.
7
Tsayta rikaraykaptïmi ciëlupita nimurqan: «Pedro, tsaykunata pishtaskir mikuy».
8
«Tsaynö nimaptinmi nirqä: «Taytay, manam tsaykunata mikümantsu. Impüru ashmakunataqa manam imaypis mikurqütsu».
9
«Tsaymi ciëlupita yapay nimurqan: «Mikunaykipä püru kanqanta Tayta Dios nikäshuptikiqa ama impüru kanqanta niytsu».
10
Tsay revelacionta kimsa kuti rikaskatsimarmi jakuta ciëlupa kutitsikurqan.
11
«Tsay höram Cesarea markapita mandamunqan kimsa runakuna ashiyämar patsaraykanqä wayiman chäyämurqan.
12
Tsaymi Espíritu Santu nimarqan mana mantsariypa paykunawan aywayänäpä. Tsaynö nimaptinmi kay joqta wawqikunawan aywar qayatsimaq runapa wayinman yaykuyarqä.
13
Tsaychömi willayämarqan wayinchö juk ángel yuripuykur ninqanta. Tsay angelshi ninä: «Simón jutiyuq runata pushayämunanpä Jope markaman manday. Paypa jukaq jutinmi Pedro.
14
Paymi tantiyatsishunki qam y wayikichö täraqkunapis imanöpa salvakuyänaykipä kanqanta».
15
«Tsaychö willakur qallaykaptïmi noqantsikman chämunqannölla paykunamanpis Espíritu Santu chashqa.
16
Tsaychömi Señor Jesucristo ninqanta yarpaskirqä: «Juanqa yakullawanmi bautizarqan. Peru qamkunam sïqa Espíritu Santuwan bautizashqa kayanki».
17
Señor Jesucristuman criyikushqa Espíritu Santuta qaramanqantsiknöllam paykunatapis Tayta Dios qarashqa. Tsaynö kaykaptinqa ¡noqa pitä kä Tayta Diosta michänäpä!»
18
Tsaynö willaptinmi Pedruta imatapis niyarqannatsu. Tsaypa rantinqa kushikurmi niyarqan: «¡Mana Israel runakunatapis Tayta Dios tantiyaykätsinmi jutsankunata dëjar mana ushakaq kawayta tariyänanpä!»
19
Estebanta wanuskatsiyaptin Jerusalénpita qeshpir aywakuqkunam Feniciaman, Chipriman y Antioquíaman chaykur Israel mayinkunallata alli willakuyta willayarqan. Mana Israel runakunataqa manam pitapis willayarqantsu.
20
Peru Chipripita y Cirenipita wakin wawqikunam sïqa Antioquíaman chaykur mana Israel runakunatapis Señor Jesucristupa alli willakuyninta willakuyarqan.
21
Tsaynö willakuyänanpä Tayta Dios yanapaptinmi Jesucristuman atskaq criyikuyarqan.
22
Tsayta wiyarmi Jerusalénchö kaykaq wawqikuna y panikuna Bernabéta Antioquíaman mandayarqan.
23
Tsaychö mana Israel runakunatapis Tayta Dios kuyapanqanta rikarmi Bernabé pasaypa kushikurqan. Tsaymi paykunata valuratsirqan shumaq cäsukur Tayta Diosman imaypis yärakuyänanpä.
24
Bernabéqa alli runam karqan. Tsaynöllam Tayta Diosman yärakur Espíritu Santupa poderninchö imaypis kawaq. Tsaychö yachatsiptinmi atskaq runakuna Señor Jesucristuman criyikuyarqan.
25
Tsaypitanam Bernabéqa Sauluta ashir Tarso markaman aywarqan.
26
Tinkuskir Antioquíaman kutimurmi Sauluwan Bernabé wawqikunawan y panikunawan juk wata qorikäyarqan. Tsay watam atskaq runakunata yachatsiyarqan. Antioquíachörämi Jesúspa discïpulunkunata cristiänu niyta qallaykuyarqan.
27
Tsay witsanmi Jerusalénpita Antioquíaman profëtakuna aywayarqan.
28
Tsaychömi Espíritu Santu tantiyatsiptin profëta Agabo willakurqan maytsaychöpis pasaypa hambrüna kananpä kanqanta. Willakunqannöllam hambrüna karqan Romachö Claudio César mas mandaq kanqan witsan.
29
Hambrüna kananpä willakuptinmi discïpulukuna willanakuyarqan imatapis kanqanpita qoriskir Judeachö kaq wawqikunaman y panikunaman apatsiyänanpä.
30
Tsaynö qoriskirnam Judeachö kaq mayor wawqikunaman Bernabéwan Saulo apatsiyarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28