bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 13
Acts 13
Quechuan QXO (Biblia en Quechua del sur de Conchucos)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 14 →
1
Antioquía iglesiachömi profëtakuna y yachatsikuqkuna kayarqan Bernabé, Yana Runa niyanqan Simón, Cirenipita kaq Lucio, Manaén y Saulupis. Manaénwan rey Herodesqa tsay wayillachö shakshaqmi kayarqan.
2
Juk junaq Tayta Diosman criyikuqkuna ayunar alabayaptinmi Espíritu Santu nirqan: «Bernabéta y Sauluta churayay willakuynïta willakur puriyänanpä. Tsaypämi paykunata qayarqü».
3
Ayunaskirnam Bernabépa y Saulupa umanman makinkunata churar Tayta Diosta mañakuyarqan. Tsaypitanam paykunata despachayarqan.
4
Espíritu Santu tsaynö mandaptinmi Bernabé y Saulo Seleucia markaman chäyarqan. Tsaypitanam büquiman yarkurkur Chipre islaman aywayarqan.
5
Salamina markaman chaykurmi sinagögakunachö Tayta Diospa willakuyninta willakuyarqan. Marcos niyanqan Juanpis paykunata yanaparmi purirqan.
6
Chipripa päsar willakurmi Pafos markaman chaykur Barjesús jutiyuq Israel runata tariyarqan. Payqa profëta tukuq brüjum karqan.
7
Tsay brüjum Chipripa mandaqnin Sergio Pauluta yanapar purirqan. Sergio Pauluqa alli yarpayyuq runam karqan. Tayta Diospa willakuyninta wiyayta munarmi Bernabéta y Sauluta qayatsirqan.
8
Peru tsay brüjunam paykunapa contran shärir Sergio Pauluta micharqan willakuyanqanta mana chaskinanpä. Barjesústaqa brüju kaptinmi Elimas niyaq.
9
Tsaynö michaptinmi Saulo ajanarqan. (Saulupaqa jukaq jutinmi Pablo karqan.) Tsaymi rikärir Espíritu Santupa poderninwan
10
nirqan: «¡Qamqa diablu munanqanta rurarmi Tayta Diospa contran kaykanki! ¿Imayyaqtä runakunata engañar Tayta Diospa willakuqnin tukunki?
11
Tsaynö kanqaykipitam Tayta Diospa castïgunwan qaprayar juk tiempuyaq atsikyayta rikankitsu». Tsaynö niptinmi jinan höra qaprayaskirqan. Maypapis aywayta mana puëdirmi janchayänanpä runakunata rugakurqan.
12
Qaprayanqanta rikaykur y Diospa willakuyninta wiyanqanpita kushikurmi Sergio Paulo criyirqan.
13
Tsaypitanam büquiman yarkurkur Pafos markapita Panfiliachö kaykaq Perge markaman Pablo yanapaqninkunawan aywayarqan. Tsaychö paykunata dëjaykurmi Marcos niyanqan Juan Jerusalénman kutirqan.
14
Perge markapita aywarmi Pisidiachö kaq Antioquía markaman Bernabé y Pablo chäyarqan. Jamay junaq kaptinnam sinagögaman aywayarqan.
15
Leykunata y profëtakuna qellqayanqanta liyir ushaskiptinmi sinagögachö mandakuqkuna Pabluwan Bernabé jamaykäyanqanman juk runata mandayarqan ninanpä: «Wawqikuna, imallapis yachatsiyämänaykipä kaptinqa yachaykatsiyällämay».
16
Tsaymi Pablo ichirkur runakuna upällayänanpä makinta joqarkur nirqan: «Israel runakuna y Tayta Diosta mantsapakuq mana Israel runakunapis, yachatsinqäta shumaq wiyayämay.
17
Adoranqantsik Tayta Diosshi unay castantsikkunata akraykur Egiptuchö jäpa kayaptinpis jatun nación kayänanpä yanapanä. Tsaypitanash milagrukunata rurar Egiptupita jipimunä.
18
Chusku chunka (40) watanö tsunyaq jirkakunapa purir mana cäsukuyaptinpis pacienciakunäshi.
19
Tsaypita Canaánman chaykatsirnash qanchis nacionkunata ushakaskatsir herenciankuna entreganä.
20
Egiptuchö kayanqanpita Canaánchö herenciankunata chaskiyanqanyaq chusku pachak pitsqa chunka (450) watanöshi päsanä. «Canaánchönash profëta Samuel kawanqan witsanyaq Tayta Dios juezkunata churanä mandaq kayänanpä.
21
Tsaypitanash mandaqnin rey kananpä runakuna mañakuyaptin Benjamín trïbu Cispa tsurin Saúlta churanä. Payshi chusku chunka (40) wata rey kanä.
22
Tsaypitanash Saúlta jipiskir Davidtana rey kananpä churanä. Paypäshi Tayta Dios ninä: «Isaípa tsurin Davidqa noqa munanqänö kawarmi llapan ninqäkunata cäsunqa».
23
«Tsaypitanam Tayta Dios promitinqannölla rey David castapita salvamaqnintsik Jesús Israelchö yurirqan.
24
Manarä Jesús willakuptinmi Israel runakunata Bautizaq Juan willarqan jutsankunata dëjar bautizakuyänanpä.
25
Tsaypita wanunanpä wallkallana faltaykaptinmi Juan nirqan: «¿Pï kanqätatä yarpäyanki? Manam noqatsu Cristo kä. Cristuqa qepätarämi shamunqa. Noqaqa llanqi watunta paskanalläpäpis manam välïtsu».
26
«Abrahampita miraq Israel wawqikuna y Tayta Diosta mantsapakuq mana Israel runakuna, noqantsikmanmi salvakunantsikpä alli willakuy chämushqa.
27
Jerusalénchö täraq runakuna y autoridäninkunaqa profëtakuna qellqayanqanta cada jamay junaq sinagögachö liyirpis Jesúspä qellqayanqanta manam tantiyayarqantsu. Tsaymi profëtakuna qellqayanqanta cumplir Jesústa wanutsiyarqan.
28
Jutsaynaq kaykaptinmi Jesústa wanutsinanpä Pilatuta rugakuyarqan.
29
Profëtakuna qellqayanqannöllam llapanpis päsarqan. Wanuskiptinnam cruzpita jipiskir pampayarqan.
30
Peru Tayta Diosmi kawatsimushqa.
31
Tsaypitanam Galileapita Jerusalénman paywan aywaq discïpulunkunata atska kuti yuripurqan. Paykunam Jesúspita kanan willakuykäyan.
32
«Tsaynöllam noqakunapis Tayta Diospa willakuyninta willaykäyä. Unay castantsikkunata promitinqantam
33
Tayta Dios cumplishqa. Tsaynö cumplirqan Jesucristuta kawaskatsimurmi. Ishkay kaq salmuchömi Jesucristupä nin: «Qamqa tsurïmi kanki. Kanan junaqpitam papäniki kä».
34
Jesucristo kawamur imaypis manana wanunanpä kanqantaqa Tayta Diosmi nin: «Davidta promitinqä santu bendicionkunatam qamta qarashayki. Tsay promitinqätam imaypis cumplishä».
35
Tsaynöllam juk salmuchöpis qellqashqa kaykan: «Santu sirviqniki kaptïmi sepultürachö cuerpü ismunantapis munankitsu».
36
«Davidqa manam kikinpätsu tsaynö qellqarqan. Tayta Dios munanqanta cumpliskir David wanukuptinmi unay castankuna pamparäyanqanchö paypapis cuerpun ushakarqan.
37
Peru Jesústam sïqa Tayta Dios kawatsimushqa. Tsaymi paypa cuerpunqa sepultürachö ushakashqatsu.
38
«Wawqikuna, ninqäta shumaq tantiyakuyay. Jesucristo raykurmi jutsantsikkunata Tayta Dios perdonamantsik.
39
Llapantapis payman criyikuq kaqtaqa Tayta Diosmi jutsaynaqta chaskin. Moisés qellqanqan leykunata cumplinqanpitaqa manam pipis salvakuntsu.
40
Cuidädu profëtakuna qellqayanqanchö ninqannö qamkunatapis päsayäshunkiman.
41
Paykuna qellqayanqanmi nin: «Mana criyikuqkuna, pasaypa mantsakäyay. Pasaypa mantsariypä kaqkunata ruranäpänam kaykä. Imanö ruranäpä kanqanta willayäshuptikipis manam criyiyankitsu».
42
Sinagögapita Pablo y Bernabé yarquskiyaptinmi [mana Israel runakuna] rugayarqan jukaq jamay junaqpis yapay yachatsiyänanpä.
43
Pabluwan y Bernabéwanmi Israel runakuna y Diosta cäsuq mana Israel runakunapis atskaq aywayarqan. Paykunatam Pablo valuratsirqan kuyapäkuq Tayta Diosman imaypis yärakuyänanpä.
44
Jukaq jamay junaqnam tsay markachö cäsi llapan runakuna Tayta Diospa willakuyninta wiyayta munar sinagögaman qorikäyarqan.
45
Peru atskaq runakunata rikaykurmi wakin Israel runakuna Pabluta chikirnin parlanqanta manakaqman churayarqan.
46
Tsaymi Pabluwan Bernabé mana mantsariypa niyarqan: «Israel runakuna kayaptikim qamkunata Tayta Diospa willakuyninta puntata willayarqü. Tsaynö willayaptïpis mana ushakaq kawayta manam chaskiyta munayankitsu. Mana chaskiyaptikim mana Israel runakunatana willayäshä.
47
Paykunata willanapämi Tayta Dios nishqa: «Maytsay nacionkunapä aktsi kanaykipämi churarqü. Tsaynöpam maytsaychöpis runakuna salvakuyanqa».
48
Tsaynö parlayanqanta wiyarmi mana Israel runakuna kushikur Tayta Diosta alabayarqan. Tsaynöpam mana ushakaq kawayta tariyänanpä Tayta Dios akranqankuna llapanpis Jesucristuman yärakuyarqan.
49
Tsaymi Tayta Diospa willakuyninta Pabluwan Bernabé marka marka willakuyarqan.
50
Peru paykunapa contran shäriyänanpämi Tayta Diosta mantsapakuq alli rikashqa warmikunata y respitashqa runakunata Israel runakuna willayarqan. Contran shärir tsay markakunapita qarquyaptinmi
51
chakinkunachö polvuta tapsikuskir Iconio markamanna Pabluwan Bernabé aywakuyarqan.
52
Jesucristupa discïpulunkunaqa Espíritu Santupa poderninchö karmi kushishqa kawayarqan.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28