bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 9
Acts 9
Quechuan QXO (Biblia en Quechua del sur de Conchucos)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
1
Saulunam Señor Jesúspa discïpulunkunata wanutsiyta munar mas mandaq sacerdötiman aywar
2
nirqan: «Ordinta rurapayämay Damascuchö kaykaq sinagögakunaman yaykur Diospa Nänin qatiraqkunata warmitapis ollqutapis Jerusalénman prësu apamunäpä».
3
Tsay ordinwan aywar Damasco markaman chaykaptinnam ciëlupita aktsi illaqpita chipipirrä atsikyapaykamurqan.
4
Tsaynö atsikyapaykamuptinmi Sauluqa patsaman ishkiskir wiyarqan «Saulo, Saulo, ¿imanirtä qatikachämanki?» nimuqta.
5
Saulunam tapurqan: «¿Taytay, pitä kanki?» Tsaymi nimurqan: «Noqaqa qatikachaykanqayki Jesúsmi kä. [Ayjapa puntanchö clävuta jaytar töru däñakunqannömi kikillayki däñakuykanki».
6
Tsayta wiyaykurmi mantsariywan tsuktsukyarrä Saulo nirqan: «¿Taytay, imatatä rurashä?» Señor Jesúsnam nirqan:] «Shärir Damascuman ayway. Tsaychönam imata ruranaykipäpis willashunki».
7
Parlamunqanta wiyarpis pitapis mana rikarmi Sauluwan aywaqkuna pasaypa mantsakäyarqan.
8
Sauluqa ishkinqanpita shärirkur rikachakurpis manam imatapis rikarqantsu. Tsaymi paywan aywaq runakuna janchashqalla Damascuman chätsiyarqan.
9
Tsaychö kimsa junaq qaprayashqa karmi mikuytapis mikurqantsu ni yakutapis upurqantsu.
10
Damascuchömi juk discïpulu täkurqan Ananías jutiyuq. Paytam Señor Jesús yuripuykur nirqan: «¡Ananías!» Niptinmi nirqan: «¿Taytay, imatä?»
11
Señor Jesúsnam nirqan: «Derëcha ninqan cälliman ras ayway. Judaspa wayinman chaykur tapukunki Tarso markapita Saulo runapä. Tsay wayichömi Tayta Diosta pay mañakuykan.
12
Paymi revelacionchö rikashurquyki yapay rikananpä makikita umanman churaykur mañakunqaykita».
13
Ananíasnam nirqan: «Taytay, tsay runapämi atskaq parlayan qamman criyikamuqkunata Jerusalénchö pasaypa ñakatsinqanta.
14
Kananqa mandaq sacerdötikunapa ordinninwanshi kay markaman shamushqa qamman criyikuqkunata prësu apananpä».
15
Señor Jesúsnam nirqan: «Ayway. Willakuynïta willakunanpämi tsay runata akrarqü. Paymi willanqa juklä nación runakunata, reykunata y Israel mayinkunatapis.
16
Paytam musyatsishä noqa raykur pasaypa ñakananpä kanqanta».
17
Tsaynö niptinmi Saulo kaykanqan wayiman Ananías aywarqan. Chaykurmi Saulupa umanman makinta churaykur nirqan: «Wawqi Saulo, nänichö yuripushunqayki Señor Jesúsmi mandamashqa qaprayanqaykipita allïnaykipä y Espíritu Santupa poderninchö kanaykipä».
18
Ananías parlayta ushaskiptinmi jinan höra Saulupa ñawinpita pescädupa escämannö shushuskiptin ñawin alliskirqan. Tsaypitanam bautizakuskir
19
mikuyta mikuskiptin kallpan yuriskirqan. Damascuchömi discïpulukunawan ishkay kimsa junaq quëdarqan.
20
Tsaypitanam Tayta Diospa Tsurin Jesús kanqanta sinagögakunachö Saulo willakur qallaykurqan.
21
Tsaynö willakunqanta wiyarmi runakuna espantashqa niyarqan: «¿Manaku kay runaqa Jesúsman criyikuqkunata Jerusalénchö qatikacharqan? ¿Manaku kaymanpis shamushqa prësu tsarir mandaq sacerdötikunaman apananpä?»
22
Qoyay qoyay Saulo mas tantiyarmi Jesús salvamaqnintsik Cristo kanqanta willakurqan. Tsaynö willakuptinmi Damascuchö täraq Israel runakuna ima niytapis puëdiyarqantsu.
23
Tsaypita atska junaqkuna päsaskiptinmi Israel runakuna Sauluta wanutsiyänanpä willanakuyarqan.
24
Wanutsiyta munar paqaspa junaqpa marka yarquna punkuchö shuyäyanqantam Saulo musyarqan.
25
Tsaymi discïpulukuna juk paqas jatun canastaman wiñarkur marka murälla jananpa Sauluta yarputsiyarqan.
26
Jerusalénman Saulo chaykurmi Jesúspa discïpulunkunawan qorikayta munarqan. Peru Jesúsman criyikunqanta mana criyirmi paywan qorikayta mantsariyarqan.
27
Bernabénam apostolkunawan reqinakuyänanpä Sauluta pusharqan. Tsaychömi Señor Jesús nänichö Sauluta yuripunqanta y parlapanqanta willarqan. Tsaynöllam willarqan Damascuchö mana mantsaypa Jesúspa jutinchö willakunqanta.
28
Tsaynöpam apostolkunawan Jerusalénchö Saulo purir Jesúspa jutinchö mana mantsariypa willakurqan.
29
Tsaynö willarmi griego idiömata parlaq Israel runakunawan rimanakuyarqan. Tsay runakuna Sauluta wanutsiyta munayanqanta
30
musyarmi wawqikuna y panikuna Cesarea markaman pushayarqan. Tsaypitanam markan Tarsuman despachayarqan.
31
Jesúsman yärakuqkunanam Judeachö, Galileachö y Samariachöpis tranquïluna kawayarqan. Tayta Diosta mantsapakur pay munanqannö kawayänanpä Espíritu Santu yanapaptinmi mas atskaqna kayarqan.
32
Pedrunam criyikuq mayinkunata maytsaypa watukar purir Lida markamanpis charqan.
33
Tsaychömi Eneasta tarirqan puriyta mana puëdir puwaq watana cämallanchö ujuraykaqta.
34
Pedrunam nirqan: «Eneas, Jesucristum allïtsishunki. ¡Shäriy! ¡Cämaykita qoriy!» Tsaynö niptinmi Eneas jinan höra allishqana shärirqan.
35
Tsayta rikarmi Lidachö y Sarónchö täraq runakuna Señor Jesucristuman criyikuyarqan.
36
Jope markachömi juk discïpulu Tabita jutiyuq warmi täkurqan. Tabita ninanqa griego idiömachö Dorcas ninanmi. Tsay warmim imaypis allillata ruraq y pobrikunatapis yanapaq.
37
Qeshyar wanuskiptinmi bäñaskatsir wayi jananchö kaykaq cuartuman sutayarqan.
38
Jopipita Lida markamanqa amänullam karqan. Tsaymi Lidachö Pedro kaykanqanta musyaskir ishkaq runakunata discïpulukuna mandayarqan rugakayämunanpä: «Jopimanshi ras aywaykulläshun».
39
Tsaymi paykunawan Pedro aywar chaykuptin aya sutaraykanqan cuartuman yaykatsiyarqan. Tsaychömi Tabita yanapanqan viüdakuna waqar Pedruta rikatsiyarqan paykunapä ruranqan röpankunata.
40
Tsaymi tsaychö kaykaqkunata waqtaman qarquskir qonqurikuykur Tayta Diosta Pedro mañakurqan. Mañakuskirmi ayata nirqan: «¡Tabita, shäriy!» Tsaynö niptinmi wanushqa sutaraykanqanpita jinan höra kawaskamur Pedruta rikärir jamarkamurqan.
41
Tsaynam makinpita jancharkur Pedro ichirkatsirqan. Tabita kawamunqanta rikayänanpänam waqtachö kaykaq viüdakunata y wawqikunata y panikunata qayarqan.
42
Tabita kawamunqanta entëru Jope markachö musyaskirmi Señor Jesúsman atskaq criyikuyarqan.
43
Tsay markachömi suëla ruraq Simónpa wayinchö atska junaq Pedro quëdakurqan.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28