bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 5
Acts 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Tsaychömi Ananías jutiyuq juk runa karqan. Paymi warmin Safirawan chakrankunata rantikuyarqan.
2
Ishkan willanakuskirmi chakra rantikuyanqan qellayta rakiskir wakillantana apostolkunaman Ananías aparqan.
3
Tsaymi Pedro nirqan: «Ananías, ¿imanirtä Satanásta cäsur Espíritu Santuta llullapaykanki? ¿Imanirtä wakin qellayta rakikuskir: «Kayllam chakräpa chanin» nikanki?
4
Rantikuyanqayki chakrapis y qellaypis ¿manaku kikikikunapa kashqa? Tsaynö kaykaptinqa ¿imanirtä llullakurquyki? Manam runakunatatsu llullaparquyki, sinöqa Tayta Diostam».
5
Pedro tsaynö ninqanta wiyaykurmi Ananías jinan höra wanuskirqan. Tsaynö wanunqanta musyaskirmi runakuna pasaypa mantsakäyarqan.
6
Ananíaspa ayantanam piturkur jövinkuna pampaq apayarqan.
7
Tsaypita kimsa höratanömi Ananíaspa warmin Safira charqan. Payqa manam musyarqantsu runan wanunqanta.
8
Chaykuptinmi Pedro tapurqan: «¿Rasunpaku runayki apamunqan qellayllachö chakraykikunata rantikuyarquyki?» Tsaymi Safira nirqan: «Awmi, tsayllachömi rantikuyarqü».
9
Pedrunam nirqan: «Señornintsikpa Espïritun musyaykaptin ¿imanirtä llullakuyänaykipä willanakuyarquyki? ¡Rikay! Punkuchönam kaykäyan runaykipa ayanta pampaq jövinkuna. Kanan qamtanam apayäshunki».
10
Tsaynö niykuptinmi Pedrupa puntanchö Safirapis wanuskirqan. Tsayman jövinkuna yaykuskirmi wanushqana jitaraykaqta tariyarqan. Tsaymi paytapis runanpa lädunman apaykur pampayarqan.
11
Ananíaswan Safira wanuyanqanta musyaykurmi Jesúsman criyikuqkunapis y mana criyikuqkunapis pasaypa mantsakäyarqan.
12
Runakuna rikaykäyaptinmi apostolkuna atska milagrukunata rurayaq. Tsaynöllam Jesúsman llapan yärakuqkuna templuman aywar Salomónpa Alarnin niyanqanman qorikäyaq.
13
Wakin runakunaqa Jesúsman criyikuqkunata alli rikarpis paykunawan juntakayta mantsayarqanmi.
14
Tsaynö kaptinpis Jesúsman criyikuqkunaqa warmipis ollqupis mas atskaqnam kayarqan.
15
Runakunanam qeshyaqkunata cämantinta cälliman jipiyämur yarpäyarqan Pedro päsaptin llantuyllanpis jananman chaptin allïnanpä kanqanta.
16
Cercan markakunapitam qeshyaykaqkunata y supay ñakatsinqankunata apakurkur runakuna Jerusalénman shayämuq. Tsay apayanqan qeshyaykaqkunatam apostolkuna llapanta allïtsiyarqan.
17
Tsaymi mas mandaq sacerdöti y saduceukuna apostolkunata chikirnin
18
prësu tsariskatsir carcelman wichqatsiyarqan.
19
Wichqaraykäyaptin tsay paqas Tayta Dios mandamunqan ángel chaykurmi cárcel punkukunata kicharqan. Pedruta y Juanta waqtaman jipiskirnam nirqan:
20
«Templupa patiunman aywar runakuna salvakuyänanpä alli willakuyta willakuyay».
21
Tsaymi waraynin wäray templupa patiunman apostolkuna yaykur runakunata willayarqan. Tsayyaqnam yanapaqninkunawan mas mandaq sacerdöti Sanedrín juezkunata y Israel runakunapa llapan autoridäninkunata sesionta rurayänanpä qayatsiyarqan. Willanakuskirmi wardiakunata mandayarqan carcelpita apostolkunata jipiyämunanpä.
22
Wardiakuna carcelman chaykur apostolkunata manam tariyarqannatsu. Kutiskirnam niyarqan:
23
«Cárcel punku shumaq wichqaraykaqtam y prësu cuidaqkunatapis punkukunachö ichiraykaqtam tariyarqü. Peru ruriman yaykurmi sïqa mayqan prësutapis tariyarqütsu».
24
Tsayta wiyaykurmi [mas mandaq sacerdöti,] templuchö wardiakunapa capitannin y wakin mandaq sacerdötikunapis yarpachakuyarqan: «¿Imanöparä qeshpiyashqa? ¿Imarä päsashqa?»
25
Tsaynö yarpachakur kaykäyaptinmi juk runa chaykur nirqan: «¡Carcelman wichqayanqayki runakuna templupa patiunchönam yachaykätsiyan!»
26
Tsaynö niptinmi wardiakunata pusharkur capitán aywarqan apostolkunata prësu tsariyämunanpä. Chaykurmi runakuna saqmayänanta mantsar mana maqayllapa prësu apayarqan.
27
Sanedrín juezkuna qorikashqa kaykaqman chaykatsiyaptinmi mas mandaq sacerdöti apostolkunata nirqan:
28
«¿Manaku qamkunata niyarqü Jesúspa jutinchö manana yachatsiyänaykipä? Peru tsaynö nikäyaptïpis Jesúspä yachatsirmi entëru Jerusalénchö musyaykätsiyanki. Tsaynöllam jitapaykäyämanki noqakuna Jesústa wanutsiyanqäta».
29
Tsaynö niptinmi Pedro y paywan kaykaq apostolkuna niyarqan: «Runakunata cäsuyänäpa rantinqa Tayta Diostam cäsuyäshä.
30
Qamkuna Jesústa crucificaypa wanutsishqa kayaptikipis unay castantsikkuna yärakuyanqan Tayta Diosmi kawatsimushqa.
31
Paymi mandamaqnintsik y salvamaqnintsik kaykan. Jutsa rurayta dëjar perdonashqa kanapämi derëcha kaq lädunman jamatsishqa.
32
Tsaytam noqakunapis musyatsiyä y Espíritu Santupis runakunata musyatsin. Payta cäsukuqkunamanmi Espíritu Santuta Tayta Dios mandamushqa».
33
Tsaynö niyanqanta wiyaykurmi autoridäkuna pasaypa rabyar wanutsiyta munayarqan.
34
Tsaymi llapan runakuna respitayanqan juk fariseo runa ichirkur apostolkunata waqtaman rätulla jipiyänanpä wardiakunata nirqan. Tsay fariseo runapa jutinmi Gamaliel karqan. Payqa Tayta Diospa leyninkunata allim yachatsiq.
35
Tsaynö jipiskiyaptinmi nirqan: «Israel runakuna, kay runakunapa contran imatapis manarä rurar shumaq yarpachakuyay.
36
¿Yarpäyankiku ñöpata Teudas jutiyuq runa «mandakuqmi kä» nir purinqanta? Paytam chusku pachak (400) runakuna qatiräyarqan. Tsaynö puriykaqta wanuskatsiyaptinmi qatiraqninkuna wakpa kaypa mashtakar aywakuyarqan.
37
Tsaynöllam censakuy witsan Galileapita shamuq Judas yurimuptinpis atskaq qatiräyarqan. Paytapis wanuskatsiyaptinmi qatiraqninkuna wakpa kaypa mashtakar aywakuyarqan.
38
Tsaymi noqa nï kay runakunawan mana mëtikuyänaykipä. Kikinkunapa yarpayllankunapita willakuyaptinqa tsayllachömi ushakanqa.
39
Peru willakuyänanpä Tayta Dios churashqa kaptinqa manam imanöpapis ushakätsiyankitsu. Ushakätsiyta munar cuidädutä Diospa contran kaykäyankiman».
40
Tsaymi Gamaliel ninqanta cäsur apostolkunata wanutsiyarqannatsu, sinöqa qayaykatsirmi alli asutatsiyarqan. Tsaypitanam Jesúspa jutinchö manana willakuyänanpä niskir dëjayarqan.
41
Dëjaskiyaptinmi apostolkuna Tayta Diosta kushishqa alabar niyarqan: «Kuyayämarmi permitirquyki qampa jutikichö willakuyanqäpita ñakayänäpä».
42
Paykunaqa qoyay qoyaymi templupa patiunchö y wayikunachöpis runakunata yachatsir Jesús salvamaqnintsik Cristo kanqanta willakuyaq.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28