bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 4
Acts 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
1
Pedruwan Juan willakuykäyaptinmi sacerdötikuna, saduceukuna y templuchö wardiakunapa capitanninpis chäyarqan.
2
Jesucristo kawamunqannö wanuqkuna kawayämunanpä kanqanta yachatsiyaptinmi pasaypa ajänakurkuyarqan.
3
Prësu tsariskir tardina kaptinmi waraynin wärayyaq carcelman wichqayarqan.
4
Peru tsaynö kaptinpis Pedruwan Juan willakuyanqanta wiyarmi atskaq criyiyarqan. Tsay criyiqkunam pitsqa waranqanö (5,000) kayarqan.
5
Waraynin wäraynam Jerusalénchö qorikäyarqan Israel runakunapa autoridäninkuna, respitashqa mayor runakuna y ley yachatsikuqkuna.
6
Paykunawanmi qorikäyarqan mas mandaq sacerdöti Anás, Caifás, Juan, Alejandro y Anáspa wakin castankunapis.
7
Tsaypitam Pedrutawan Juanta carcelpita jipiskamur tapuyarqan: «¿Ima podernikikunawantä y pipa jutinchötä kaykunata rurayarquyki?»
8
Espíritu Santupa poderninwanmi Pedro nirqan: «Autoridäkuna y Israel mayor runakuna,
9
¿puriyta mana puëdiq runata allïtsiyanqäpitaku tapuyämanki?
10
Qamkuna y llapan Israel runakunapis, wiyayämay. Nazaretpita Jesúspa jutinchömi kay runata allïtsiyarqü. Payta crucificaypa wanutsishqa kayaptikipis Tayta Diosmi kawatsimushqa.
11
«Kay rumiqa manam allitsu» nir wayi shäritsiqkuna jitariqnömi payta wanutsiyarquyki. Tsaynö kaptinpis maestra ruminömi kaykan.
12
Jesucristullam salvamaqnintsik kaykan. Paypita mas jukqa salvamänapä manam pipis kantsu».
13
Pedruwan Juan mana estudiashqa kaykarpis mana mantsariypa parlayaptinmi autoridäkuna espantakuyarqan. Nikäyanqanchömi Jesúspa discïpulunkuna kayanqanta tantiyaskiyarqan.
14
Allïtsinqan runa tsaychö ichiraykaqta rikarmi ima niytapis puëdiyarqantsu.
15
Qorikäyanqanpita Pedrutawan Juanta waqtaman qarquskirmi kikinkunapura willanakur niyarqan:
16
«Kay runakunata ¿imatatä rurashun? Tsay runata allïtsiyanqantaqa Jerusalénchö täraq llapan runakunam musyayan. Tsaytaqa manam ñëgashwantsu.
17
Peru willakuyanqan maytsaymanpis mana chänanpä paykunata nishun Jesúspa jutinchö pitapis manana willayänanpä».
18
Tsaynö willanakuskirmi waqtapita qayaykatsimur niyarqan Jesúspa jutinchö imaypis manana willakuyänanpä ni mana yachatsiyänanpä.
19
Pedruwan Juannam niyarqan: «Taytakuna, shumaq tantiyakuyay. ¿Alliku kanman Tayta Diosta cäsuyänäpa rantin qamkunata cäsuyaptï?
20
Rikayanqäta y wiyayanqätaqa manam upälla kakuyämantsu. Tsaytaqa imaypis willakuyäshämi».
21
Puriyta mana puëdiq runata allïtsiyanqanpita llapan runakuna Tayta Diosta alabayaptinmi autoridäkuna castigayarqannatsu. Tsaypa rantinqa alli yätsirkurmi dëjayarqan.
22
Jesúspa poderninwan alliq runaqa chusku chunka (40) watayuqpita masmi karqan.
23
Carcelpita yarquskirnam Pedruwan Juanqa criyikuq mayinkunaman kutiykur willayarqan mandaq sacerdötikuna y Israel mayor runakuna imata niyanqantapis.
24
Tsaynö willayaptinmi llapanpis Tayta Diosta mañakur niyarqan: «Tayta Dios, qammi kamarquyki ciëluta, kay patsata, lamarta y llapan imaykatapis.
25
Espíritu Santu tantiyatsiptinmi sirvishuqniki David nirqan: «¿Imanirtä runakuna Diospa contran shäriyan? ¿Imanirtä manakaqkunata yarpäyan?
26
Tayta Diospa y akranqan Cristupa contran shäriyänanpämi kay patsachö reykuna y autoridäkuna qorikaykur willanakuyan».
27
«David ninqannöllam Herodes, Poncio Pilato, mana Israel runakuna y Israel runakunapis santu sirvishuqniki Jesúspa contran shäriyänanpä kay Jerusalénchö qorikäyarqan. Paytam salvakuq Cristo kananpä churarquyki.
28
Tsaynö kananpä unaypita ninqaykinöllam llapantapis rurayarqan.
29
«Tayta Dios, autoridäkuna niyämanqanta wiyarquykim. Willakuynikita mana mantsariypa willakuyänäpä yanapaykayällämay.
30
Santu sirvishuqniki Jesúspa jutinchö imayka milagrukunata rurar qeshyaqkunatapis podernikiwan allïtsiyänäpä yanapaykayällämay».
31
Tayta Diosta mañakuyta ushaskiyaptinmi qorikäyanqan wayi tsuktsukyarqan. Tsaymi Espíritu Santupa poderninwan Tayta Diospa willakuyninta mana mantsariypa willakuyarqan.
32
Jesucristuman criyikuqkuna llapanpis juk yarpayllam kayarqan. Tsaymi imatapis kikinkunapä churakuyänanpa rantinqa nisitayanqanman rakipänakuyaq.
33
Señor Jesucristo kawamunqantam mana mantsariypa apostolkuna willakuyaq. Llapan criyikuqkunatam Tayta Dios yanaparqan.
34
Tsaymi paykunaqa mayqanpis faltapakuyarqantsu. Chakrankunata y wayinkunata rantikuskirmi tsay qellayta
35
apostolkunaman apayaq. Paykunanam faltapakuqkunata nisitayanqanman aypuyaq.
36
Tsaynöllam José jutiyuq runapis rurarqan. Payqa Chipre islapita Leví trïbu runam karqan. Paypa kuyay jutintam Bernabé kananpä apostolkuna churayarqan. Tsay jutiqa «kuyapäkuq runa» ninanmi.
37
Bernabémi chakranta rantikuskir apostolkunaman qellayta aparqan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28