bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 17
Acts 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
Tsaypita Anfípolis y Apolonia markakunapa päsarmi Pablo y Silas Tesalónica markaman chäyarqan. Tsaychö sinagöga kaptinmi
2
imaypis aywanqannö tsay sinagögaman Pablo aywarqan. Tsaychömi Tayta Diospa palabranta kimsa jamay junaq yachatsirqan.
3
Tsaynö yachatsirmi salvamaqnintsik Cristo wanunqanta y kawamunqanta tantiyatsirqan. Tsaynöllam nirqan: «Jesúsmi salvamaqnintsik Cristo».
4
Tsaynö niptinmi wakin Israel runakuna Jesucristuman criyikur Pabluwan y Silaswan qorikäyarqan. Tsaynöllam Tayta Diosta cäsuq mana Israel runakunapis y reqishqa warmikunapis Jesucristuman atskaq criyikuyarqan.
5
Peru Jesúsman mana criyiq Israel runakunam sïqa Pabluta chikir mana alli runakunata niyarqan: «Pablupa y Silaspa contran shäriyänanpä runakunata willapäyay». Tsaynö willapäyaptinmi Pablutawan Silasta ashirnin atskaq runakuna Jasónpa wayinman rabyashqa yaykuyarqan.
6
Tsaychö mana tarirnam Jasóntawan wakin wawqikunatana autoridäkunaman apaykur niyarqan: «¡Kay runakunaqa llutanta yachatsirmi maytsaypapis puriykäyan! ¡Kananqa kay markamannam chäyämushqa!
7
¡Jasónmi paykunata patsatsishqa! «¡Jesús jutiyuq runam mas poderyuq rey» nirmi mandamaqnintsik rey Césarpa leyninkunata manakaqman churaykäyan!»
8
Tsaynö niyaptinmi tsaychö runakuna y autoridäkunapis pasaypa rabyakuyarqan.
9
Peru Jasóntawan wakin wawqikunata multata pägaskatsirmi autoridäkuna dëjaskiyarqan.
10
Tsay paqasmi Pablutawan Silasta wawqikuna y panikuna Berea markaman mandayarqan. Bereaman chaykurmi sinagögaman yachatsiq aywayarqan.
11
Berea runakunaqa Tesalónica runakunapita mas tantiyakuq karmi Tayta Diospa willakuyninta llapan shonqunkunawan chaskiyarqan. Pabluwan Silas yachatsiyanqan rasunpa kanqanta musyayänanpämi Tayta Diospa palabranta qoyay qoyay yachakuyarqan.
12
Tsay markachöqa atskaq Israel runakuna, mana Israel runakuna y mana Israel reqishqa warmikunapis Jesúsmanmi criyiyarqan.
13
Tayta Diospa willakuyninta Bereachöpis Pablo willakuykanqanta musyaskirmi Tesalónicachö täraq Israel runakuna tsayman aywayarqan. Chaykurnam Pablupa contran shäriyänanpä runakunata willayarqan.
14
Tsaymi wawqikuna y panikuna jinan höra lamar kuchunman aywakunanpä Pabluta despachayarqan. Silaswan Timoteunam Bereachö quëdakuyarqan.
15
Pabluta pushaqkunaqa Atenas markayaqmi chätsiyarqan. Kutikuyaptinnam Pablo nirqan: «Bereaman chaykur Silastawan Timoteuta kayman ras mandayämuy».
16
Atenaschö Silasta y Timoteuta shuyarar purirmi atska ïdulukunata rikar Pablo pasaypa ajanarqan.
17
Tsaymi sinagögaman aywar Israel runakunata y Diosta cäsuq mana Israel runakunatapis Tayta Diospa willakuyninta tantiyatsiq. Pläzamanpis qoyay qoyay aywarmi runakunata willaq.
18
Tsaychömi Epicúreo y Estoico ninqan yachaq runakunawan rimanakuyaq. Jesúspita willaptin y wanushqakuna kawayämunanpä kanqanta willaptinmi wakin runakuna niyarqan: «Kay yachaq tukuq runa ¿imatarä parlakunpis?» Y wakinnam niyarqan: «Kay runaqa mana reqinqantsik dioskunapämi parlan».
19
Tsaymi mas tantiyatsinanpä tsay runakuna Pabluta pushayarqan autoridäkuna qorikäyanqan Areópago ninqanman.
20
Tsaychömi Pabluta niyarqan: «Qamqa imaypis mana wiyayanqätam yachaykätsinki. Tsaymi imanö kanqantapis shumaq musyayta munayä».
21
(Atenas runakuna y tsaychö täraq jäpa runakunapis mushuq yachatsikuy kaptinqa imaypis wiyayaqmi. Tsaypitam qoyay qoyay tsay wiyayanqankunallata parlayaq.)
22
Tsaymi Areópaguchö qorikashqa autoridäkunapa puntanman ichiykur Pablo nirqan: «Atenas runakuna, noqa rikaykämi dioskunata respitar adoraykäyanqaykita.
23
Markapa purirmi ïdulu adorayänan wayikunata, altarkunata y ïdulukunatapis rikarqü. Tsaynöllam juk altarchö rikarqü «kay altarqa mana reqinqantsik diospämi» nir qellqashqa kaykaqta. Tsay mana reqiyanqayki Diospämi willakuykä.
24
«Paymi kay patsata y llapan imaykatapis kamashqa. Ciëlutapis y kay patsatapis poderninchömi tsararan. Tsaymi runakuna rurayanqan templuchöqa tärantsu.
25
Noqantsik manam imatapis payta alistapantsiktsu. Tsaypa rantinqa paymi kawanantsikpäpis jamaynintsik qaramantsik y llapan munanqantsikkunatapis alistapämantsik.
26
«Juk runallata kamaskirmi bendicionninta churamurqan atskaqman mirayaptin nacionkuna maytsaychöpis kayänanpä. Paymi destinarqan tsay nacionkuna imayyaq kayänanpä y mujunninkuna maypa kananpäpis.
27
Tayta Diosmi tsaynö kamakätsishqa imaykanöpapis payman criyikunantsikpä. Payqa manam noqantsikpita karuchötsu kaykan, sinöqa ñöpantsikchömi kaykan.
28
Tayta Dios yanapamashqarämi kawantsik y purintsikpis. Marka mayikipis shumaq yarpachakuskirmi qellqar nirqan: «Llapantsikpis paypa wamrankunam kaykantsik».
29
«Tayta Diospa wamran kaykarqa ama yarpäshuntsu qoripita, qellaypita o rumipita rurashqa ïdulukunanö kanqanta. Tsaykunataqa runakuna kikinpa yarpayllankunapitam rurayan.
30
Runakuna mana musyarnin ïdulukunata rurayanqanpita Tayta Dios manam castigarqantsu. Kananqa maytsaychö täraq runakunatam nin ïdulukuna adorayta jaqiskir pay munanqannöna kawayänanpä.
31
Llapan runakunata mana favornin shäriypa juzgananpämi Tayta Dios juk runata akrashqa. Tsay runa pï kanqanta musyanantsikpämi wanunqanpita kawatsimushqa».
32
Wanunqanpita kawamunqanta Pablo niptinmi wakin runakuna asipäyarqan. Wakin runakunanam niyarqan: «Juk junaq masta tantiyatsiyämänaykipämi qayayäshayki».
33
Tsaymi tsay runakuna qorikäyanqanpita Pablo aywakurqan.
34
Peru juk ishkay runakunam sïqa Pablo willakunqanman criyir paywan qorikäyarqan. Paykunam kayarqan Areópaguchö mandakuq Dionisio, Dámaris jutiyuq warmi y mas wakinkunapis.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28