bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 20
Acts 20
Quechuan QXO (Biblia en Quechua del sur de Conchucos)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
1
Tsaypitanam discïpulukunata qayaskatsir Tayta Dios munanqannö imaypis kawayänanpä Pablo valuratsirqan. Despidikuskirnam Macedonia provinciapana aywakurqan.
2
Tsay provinciachö marka marka purirmi Jesucristuman criyikuqkunata shumaq valuratsirqan. Tsaypitanam Greciaman chaykur
3
kimsa killa tsaychö täkurqan. Tsaypita Siriaman büquiwan kutikunanpäna kaykarmi Israel runakuna payta wanutsiyänanpä willanakuyanqanta musyaskirqan. Tsaymi büquiwan aywananpa rantinqa chakillapana Macedonia provinciapa päsarqan.
4
Payta wallkirmi aywayarqan Pirrupa tsurin Sópater, Aristarco, Segundu, Gayo, Timoteo, Tíquico y Trófimupis. Sópaterqa Berea markapitam karqan. Aristarcuwan Segunduqa Tesalónica markapitam kayarqan. Gayuqa Derbe markapitam karqan. Timoteo, Tíquico y Trófimunam Asia provinciapita kayarqan.
5
Paykuna puntarmi Troas markachö shuyäyämarqan.
6
Levadüraynaq Tanta Mikuna fiesta päsaskiptinmi Filipuspita büquiwan yarquyarqä. Pitsqa junaqta Troasman chaykurmi puntaqkunata taripaskir juk semäna tsaychö kayarqä.
7
Domingu junaqmi Santa Cënata mikuyänäpä wawqikunawan y panikunawan qorikäyarqä. Waraynin wäray aywakunan kaptinmi pullan paqasyaq Pablo yachatsirqan.
8
Yachatsinqan cuartuchömi atska chiwchikuna karqan.
9
Tsay cuartuqa kimsa kaq pïsuchömi karqan. Ventänanchömi juk jövin Eutico jutiyuq jamaraykarqan. Atska höra Pablo yachatsiptinmi jamaraykanqanchö punukaskir ventänapita jeqarpurqan. Tsaymi wanushqatana joqarkuyarqan.
10
Pablo yarpuskirmi tsay jövinta makallarkur wawqikunata y panikunata nirqan: «¡Ama mantsakäyaytsu! ¡Kawaykanmi!»
11
Qorikäyanqan cuartuman kutirnam Santa Cënata mikuyarqan. Patsa waranqanyaq yachaskatsirmi Pablo aywakurqan.
12
Tsay jövintanam kawaykaqtana wayinman pushayarqan. Kawamunqanta rikaykurmi llapanpis kushikuyarqan.
13
Troas markapita Asón markayaq chakillapam Pablo aywarqan. Noqakunanam büquiwan puntayarqä Asónchö Pabluta qoriyänäpä.
14
Asónchö qorikaskirnam llapäkuna büquiwan Mitilene markaman aywayarqä.
15
Mitilenipita aywakurnam waraynin junaq Quío niyanqan isla lädupa päsayarqä. Tsaypita waraynin junaqnam Samos islaman chäyarqä. Tsaypita [Trogilio markachö jamapaskir] juk junaqtarämi Mileto markaman chäyarqä.
16
Pentecostés fiestapä Jerusalénman imaykanöpapis chayta munarmi Asia provinciachö qoyayta Pablo munarqantsu. Tsaymi Éfesuman mana chällarna aywayarqä.
17
Mileto markaman chaykurnam Éfesuchö täraq mayor wawqikunata Pablo qayatsirqan.
18
Chaykuyaptinnam nirqan: «Qamkuna musyayankim kay Asia provinciaman chämunqä junaqpita imanö kawanqätapis.
19
Israel runakuna conträ shäriyaptin ñakarpis waqarpis Señor Jesucristuta llapan shonqüwanmi sirvirqü.
20
Tayta Dios munanqannö kawayänaykipä kaqtaqa runakunapa puntanchöpis y wayikikunachöpis llapantam yachatsirqü.
21
Israel runakunata y mana Israel runakunatapis tantiyatsirqü jutsankunata dëjar Señornintsik Jesucristuman criyikuyänanpämi.
22
«Kananqa Espíritu Santu pushamaptinmi Jerusalénman aywaykä. Peru tsayman chaptï ima päsamänanpä kaqtapis manam musyätsu.
23
May markaman aywaptïpis Espíritu Santum musyatsiman carcelman wichqayämänanpä y ñakatsiyämänanpä kanqanta.
24
Peru tsayta musyarpis manam llakikütsu. Noqaqa wanunqäyaqmi Señor Jesucristo nimanqannö [kushishqa] willakushä Tayta Dios kuyapäkuq kanqanta.
25
«Qamkuna kaqchö kaykar Tayta Diospa mandakuyninpä willakunqäta wiyamaqkuna, kananpitaqa manam mayqaykipis rikayämankinatsu.
26
Tayta Diospa willakuyninta llapantam qamkunata willarqü. Tsaymi Tayta Dios mayqaykitapis juzgar condenayäshuptiki jutsayuqtsu kashä.
28
Tsaynö kaykaptinqa cuidädutä jutsata rurayankiman. Mayor wawqikuna kayänaykipä Espíritu Santu churaykäyäshuptikiqa mitsikuq runa üshankunata alli mitsinqannö Tayta Diospa iglesianta shumaq rikayanki. Paymi iglesianta rantinanpä kikinpa yawarninta jicharqan.
29
«Noqa musyämi aywakuptï llutan yachatsikuqkuna mallaqashqa löbunö shayämunanpä kanqanta. Paykunaqa llutankunata yachatsirmi Tayta Diosman yärakuqkunata engañayanqa.
30
Tsaynöllam qamkunapitapis llutan yachatsikuqkuna yurir discïpulukunata criyitsiyta munayanqa.
31
Tsaynö kananpä kaykaptinqa shumaq cuidakuyay. Yarpäyay kimsa watantin paqaspapis junaqpapis jukniki juknikita waqapaypa yachatsinqäta.
32
[Wawqikuna,] kananqa kuyapäkuq Tayta Diospa poderninmanmi qamkunata dëjaykü. Paypa willakuyninmi poderyuq kaykan shumaq tantiyatsiyäshunaykipä. Tsaynöpam llapan salvashqa kaqkunawan juntu herenciata chaskiyanki.
33
«Noqa manam pipa qellayninta, qorinta ni röpantapis munaparqütsu.
34
Musyayanqaykinöpis nisitanqäkunapä y noqawan puriqkuna nisitayanqankunapäpis kikïmi arurqü.
35
Tsaynöpam qamkunata yachatsirqü noqanö arur faltäpakuqkunata yanapayänaykipä. Señor Jesucristum nirqan: «Imatapis chaskir kushikunqantsikpitapis mas kushikuypämi kaykan pitapis yanapanqantsik».
36
Pablo tsaynö yachaskatsirmi paykunawan qonqurikuykur Tayta Diosta mañakurqan.
37
Mañakuyta ushaskiptinmi llapanpis waqarnin payta makallakurkur mutsayarqan.
38
«Mananam rikayämankinatsu» niptinmi pasaypa llakikuyarqan. Tsaypitanam aywakunanpäna büqui kaykanqanyaq pushayarqan.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28