bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 8
Acts 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
1
Estebanta wanutsiyaptin Saulupis kushikurqanmi. Tsay junaqpitanam Jesúsman criyikuqkunata Jerusalénchö qatikachar qallaykuyarqan. Judeapa y Samariapa qeshpir aywakuyaptinmi apostolkunallana Jerusalénchö quëdayarqan.
2
Tayta Dios munanqannö kawaqkunam Estebanpa ayanta pasaypa llakikur pampayarqan.
3
Saulunam Jesúsman criyikuqkunata wayin wayin ashir tarinqan kaqtaqa warmitapis ollqutapis carcelman wichqatsirqan.
4
Jerusalénpita qeshpiqkunam maytsaychöpis alli willakuyta willakuyarqan.
5
Tsaynöllam Felipipis Samaria markaman chaykur Jesús salvamaqnintsik Cristo kanqanta willakurqan.
6
Tsaychömi milagrukunata ruranqanta rikar y parlanqanta wiyar llapan runakuna kushikuyarqan.
7
Runakunapita supaykunata qarquptinmi qayararrä yarquyarqan. Tsaynöllam atskaq ratakunatapis y puriyta mana puëdiq runakunatapis allïtsirqan.
8
Tsaynö ruraptinmi tsay markachö täraqkuna pasaypa kushikuyarqan.
9
Tsay markachömi Simón jutiyuq juk brüju karqan. Paymi «noqaqa yachaqmi kä» nir Samaria runakunata unaypitana criyitsirqan.
10
Simón ninqankunata wiyarmi pobrikunapis rïcukunapis niyaq: «¡Kay runataqa Tayta Diosmi yanapaykan!»
11
Simónqa brüju karmi unaypita mägicawan runakunata engañaq.
12
Peru tsaynö kaptinpis Tayta Diospa mandakuyninpa alli willakuyninpä y Jesucristupä Felipe willakuptinnam ollqupis warmipis criyir bautizakuyarqan.
13
Tsaymi kikin Simónpis criyikur bautizakuskir Felipe maypa aywaptinpis paywan purirqan. Señalkunata y milagrukunata ruranqanta rikarmi Simón pasaypa espantakurqan.
14
Diospa willakuyninta Samariachö runakuna chaskiyanqanta musyarmi Jerusalénchö kaykaq apostolkuna Pedruta y Juanta tsayman mandayarqan.
15
Chaykurmi Samaria runakunapis Espíritu Santuta chaskiyänanpä Tayta Diosta mañakuyarqan.
16
Jesúspa jutinchö bautizakushqa kaykarpis Espíritu Santuta manarämi mayqanpis chaskishqarätsu kayarqan.
17
Tsaymi paykunapa umankunaman makinkunata churaykur mañakuyaptin Espíritu Santuta chaskiyarqan.
18
Tsayta rikarmi Simónqa apostolkunata pägayta munar
19
nirqan: «Tsay podernikikunata rantikaykamay noqapis runakunapa umanman makïta churaptï Espíritu Santuta chaskiyänanpä».
20
Tsaynö niptinmi Pedro nirqan: «¿Imanirtä Tayta Dios qaranqan Espíritu Santu rantina kanqanta yarpaykanki? ¡Tsaynö yarpanqaykipitam qellayniki infiernuman apashunki!
21
Qamqa shonquykichö mana allitam yarpaykanki. Tsaynö kaykarqa manam noqakuna rurayanqäman mëtikamunkimantsu.
22
Llutan yarpanqaykikunata jaqirir perdonashunaykipä Tayta Diosta mañakuy. Mañakuptikiqa capazmi perdonashunkiman.
23
Jutsa ruraypa poderninchö kanqayki y envidiösu kanqaykim reqishqa kaykan».
24
Tsaynö niptinmi Simón rugakur nirqan: «Ninqaykikuna mana päsamänanpä Tayta Diosta mañakuykuyällay».
25
Tayta Diospa willakuyninta tsaychö willakuskirnam Pedruwan Juan Jerusalénman kutir Samariachö kaykaq wakin markakunachöpis willakuyarqan.
26
Tsaypitam Tayta Diospa angelnin Felipita nirqan: «Sur kaq lädupa yarqur Jerusalénpita Gaza markaman aywaq nänipa ayway. Tsay näniqa tsunyaq jirkapam päsan».
27
Tsaymi Felipiqa tsay nänipa aywar Etiopía nacionpita juk eunucu runata rikarqan. Paymi Etiopía nacionchö reina Candacipa tesorërun karqan. Tayta Diosta adoraq Jerusalénman aywanqanpita
28
kutirmi carrëtanman jamaykur profëta Isaías qellqanqan libruta liyiraykar aywarqan.
29
Tsaymi Felipita Espíritu Santu nirqan: «Taqay carrëtawan aywaykaq runaman witipay».
30
Ninqannö witirmi profëta Isaías qellqanqan libruta liyiykaqta wiyarqan. Tsaymi tapurqan: «Tsay liyiykanqaykita ¿tantiyankiku?»
31
Etiopía runanam nirqan: «Pipis mana tantiyatsimaptinqa ¿imanöparä tantiyashä?» Tsaypitam Felipita rugakurqan carrëtaman yarkurkur lädunman jamananpä.
32
Tayta Diospa palabranta liyinqanmi nirqan: «Üshata pishtayänanpä apaqnömi payta apayarqan. Millwanta rutuyaptin üsha wiyaräkunqannömi upällalla wiyaräkurqan. Tsaynö upälla kakurmi ni juk shimillapis parlakurqantsu.
33
Manakaqman churayaptinpis manam favornin pipis shärirqantsu. Payta wanutsiyaptin tsurinpis manam karqantsu».
34
Eunucunam Felipita nirqan: «Taytay, tantiyaykatsillämay. Profëta Isaías ¿pipätä kayta qellqarqan? ¿Kikinpäku o jukpäku?»
35
Tsaymi liyinqanta tantiyatsir Jesúspa alli willakuyninta Felipe willarqan.
36
Tsaypita aywaykäyanqanchö yaku kaqman chaykurmi tsay eunucu nirqan: «Kaychö yaku kaykaptinqa ¿manatsurä bautizaykamankiman?»
37
[Felipinam nirqan: «Llapan shonquykiwan criyiptikiqa bautizashayki». Tsaymi nirqan: «Jesucristo Tayta Diospa Tsurin kanqanta rasunpam criyï».]
38
Tsaymi carrëtanta ichiykatsir yakuman uräyarqan. Tsaychömi eunucuta Felipe bautizarqan.
39
Yakupita yarqaskayämuptinmi Señor Jesucristupa Espïritun Felipita jukläpa aparqan. Payta mana rikarpis eunucuqa kushishqam aywakurqan.
40
Felipinam Azoto markachöna rikakuskir Jesúspa alli willakuyninta willakur marka marka purirqan. Tsaynö willakurmi Cesarea markamanpis charqan.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28