bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Acts 16
Acts 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Tsaypitanam Derbe y Listra markakunaman Pabluwan Silas chäyarqan. Listra markachömi juk discïpulu Timoteo jutiyuq täkurqan. Timoteupa papänin mana Israel runa kaptinpis mamanqa Jesucristuman criyikuq Israel warmim karqan.
2
Timoteo alli jövin kanqantam Listra y Iconio markakunachö täraq wawqikuna y panikuna parlayaq.
3
Timoteupa papänin mana Israel runa kaptinmi pïmaypis musyayarqan Timoteo señalanni kanqanta. Tsaymi Pablo pushayta munar tsay kinraychö täraq Israel runakuna imatapis mana niyänanpä Timoteuta señalatsirqan.
4
Tsaypita marka marka purirmi wawqikunata y panikunata willayarqan apostolkuna y mayor wawqikuna Jerusalénchö willanakur niyanqanta cumpliyänanpä.
5
Tsaynöpam Jesucristuman shumaq criyikur wawqikuna y panikuna qoyay qoyay masrä atskayäyarqan.
6
Asia provinciaman willakuq aywayta munayaptinpis Espíritu Santu manam munarqantsu. Tsaynam Galaciapa y Frigiapa päsayarqan.
7
Misia partiman chaykur Bitinia provinciapa aywayta yarpäyaptinpis Jesúspa Espïritun tsaypa aywayänanta manam munarqantsu.
8
Tsaymi Misia partipa päsar Troas markaman chäyarqan.
9
Juk paqasnam revelacionchö Pablo rikarqan Macedonia provinciapita juk runa ichirkur qayakamuqta: «Taytay, Macedoniaman yanapayämänaykipä shayämuy».
10
Revelacionta rikanqanta willayämaptinmi tantiyayarqä tsay markakunamanpis alli willakuyninta chätsiyänäpä Tayta Dios munanqanta. Tsaymi Macedoniaman aywayänäpä ras alistakuyarqä.
11
Troaspita büquiwan aywarmi Samotracia islaman chäyarqä. Waraynin junaqnam Neápolis markaman chäyarqä.
12
Tsaypitanam Filipos markaman chäyarqä. Filipos markaqa Macedonia provinciachö wakin markakunapita mas jatunmi kaykan. Tsaychöqa Roma runakunam täyan. Juk ishkay junaqllam tsaychö qoyäyarqä.
13
Tayta Diosta mañakuyänanpä imaypis mayu kuchunman qorikäyanqanta musyarmi jamay junaqchö markapita yarqur tsayman aywayarqä. Tsaychö warmikuna qorikashqa kaykaqtam Tayta Diospa willakuyninta willayarqä.
14
Tsaychömi Tiatira markapita Lidiapis kaykarqan. Payqa granäti tëlakunatam rantikuq. Mana Israel warmi karpis Tayta Diostam cäsuq. Lidiata Tayta Dios tantiyatsiptinmi Pablo willakunqanman criyirqan.
15
Paypis y wayinchö täraqkunapis bautizakuskirmi rugamar niyämarqan: «Señor Jesucristuman criyikuq mayiki kaykaptïqa patsakuyänaykipä wayïman shayämuy». Tsaynö niptinmi wayinman aywayarqä.
16
Juk kutim Tayta Diosta mañakuq aywayanqächö supaypa poderninwan suerti qatipakuq jipashwan tinkuyarqä. Tsay jipashmi patronninkunata atska qellayta gänatsirqan.
17
Paymi Pablupa y noqakunapa qepäkunata shamur jinchipa nirqan: «¡Kay runakunaqa poderyuq Tayta Diostam sirviyan! ¡Paykunam tantiyatsiyäshunki imanö salvakuyänaykipä kanqantapis!»
18
Tsaynö qoyay qoyay qatiräyämaptinmi Pablo rabyar jipashchö kaykaq supayta nirqan: «¡Kay jipashpita yarqunaykipämi Jesucristupa jutinchö qamta nï!» Tsaynö niptinmi jinan höra supay yarqurqan.
19
Tsaymi jipashpa patronninkuna qellayta manana gänayänanpä kanqanta tantiyar Pabluta y Silasta prësu tsariskir autoridäkuna juzgayänanpä pläzaman apayarqan.
20
Autoridäkunaman chaykatsirmi niyarqan: «Kay Israel runakunam marka mayintsikkunata rabyanätsiyan.
21
Israel runakunapa costumbrinkunata rurayänanpämi markantsikchö yachatsiyan. Noqantsik Roma runa kaykarqa manam tsay costumbrinkunata rurashwantsu».
22
Tsaynö niyaptinmi llapan runakuna Pablupa y Silaspa contran shäriyarqan. Tsaymi autoridäkuna mandayarqan Pablupa y Silaspa röpankunata lloqtiskatsir garutiyänanpä.
23
Tsaypitam carcelman wichqaskatsir shumaq cuidananpä prësukuna cuidaq wardiata niyarqan.
24
Tsaynö niyaptinmi mas ruri kaq calapösuman wichqaskir chakinkunata cëpuman ullutsirqan.
25
Pullan paqasnö kaykaptinmi Pabluwan Silas Tayta Diosta mañakur alabayarqan. Tsaytam wakin prësukunapis wiyaparäyarqan.
26
Tsay höra illaqpita patsa pasaypa kuyur carceltapis kuyutsiptinmi llapan punkukunapis ras kichakaskiyarqan y prësukuna wataräyanqan cadënakunapis paskakaskiyarqan.
27
Prësukuna cuidaq wardianam rikcharkur punkukuna kicharaykaqta tarirqan. Tsaymi prësukuna qeshpiyanqanta yarpar espädanwan wanutsikuyta munarqan.
28
Pablunam jinchipa nirqan: «¡Ama wanutsikuytsu! ¡Llapäkunam kaykäyä!»
29
Tsaynö niptinmi aktsita mañakuskir Pabluwan Silas kaykäyanqanman cörrilla yaykur puntankunaman tsuktsukyarrä qonqurikuykurqan.
30
Carcelpita jipiskamurmi tapurqan: «Taytakuna, salvakunäpä ¿imatatä ruräman?»
31
Paykunanam niyarqan: «Señor Jesucristuman criyikuy. Payman criyikurqa qampis y wayikichö täraqkunapis salvakuyankim».
32
Tsaypitanam tsay wardiata y wayinchö täraqkunatapis Señor Jesucristupa willakuyninta willayarqan.
33
Tsay paqasmi wardiaqa Pablupa y Silaspa herïdankunata mayllaskir jampirqan. Tsaypitanam paypis y wayinchö täraqkunapis bautizakuskir
34
wayinman pushaykur mikuyta qararqan. Tayta Diosman criyikuyänanpä tantiyakunqanpitam wayinchö täraqkunawan pasaypa kushikuyarqan.
35
Waraynin wäraynam Pablutawan Silasta jipiyänanpä autoridäkuna wardiakunata mandayarqan.
36
Tsaymi prësukuna cuidaq wardia Pabluta nirqan: «Autoridäkunam willakatsiyämushqa qamkunata jipinäpä. Kananqa tranquïluna aywakuyay».
37
Pablunam wardiakunata nirqan: «Roma runa kaykäyaptïmi manarä juzgayämar llapanpa puntanchö wiruyämashqa y kay carcelman wichqatsiyämashqa. Kananqa ¿pakayllapa jipiyämaytaku munaykäyan? ¡Jipiyämänanpä kikinkunarä shayämutsun!»
38
Tsaynö ninqantam wardiakunaqa autoridäkunata willayarqan. Roma runa kayanqanta musyaskirmi autoridäkuna mantsapakuyarqan.
39
Tsaymi Pablo y Silas kaqman aywaykur perdonta mañakuyarqan. Tsaypitanam carcelpita jipiskir tsay markapita aywakuyänanpä rugayarqan.
40
Carcelpita yarquskirmi Lidiapa wayinman aywayarqan. Tsaychö wawqikunata y panikunata animaskatsirmi Filipos markapita aywakuyarqan.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28