Numbers 29

Chinese TTVR (現代台語譯本羅馬字版)

← Chapter 28 Jump to: Chapter 30 →

1“Chhit-ge̍h chhoe-it, lín tio̍h kú-hêng sèng-hōe, jīm-hô ji̍t-siông ê kang-chok lóng m̄-thang chòe; che sī lín pûn sàu-kak ê ji̍t.

2Lín tio̍h hiàn phang-phang ê sio-hòa-chè hō͘ Siōng Chú, chiū-sī hiàn bô hâ-chhû ê chi̍t chiah gû-káng-á, chi̍t chiah mî-iûⁿ-káng, chhit chiah chi̍t-hè ê mî-iûⁿ-káng-á.

3Hiàn sò͘-chè ê sî, tio̍h ēng chhiau-iû ê iù mī-hún: Chi̍t chiah gû-káng phòe-ha̍p saⁿ kong-kun, chi̍t chiah mî-iûⁿ-káng phòe-ha̍p nn̄g kong-kun;

4hit chhit chiah mî-iûⁿ-káng-á, ta̍k-chiah phòe-ha̍p chi̍t kong-kun.

5Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè, kā lín sio̍k-chōe.

6Tû-liáu ta̍k kò-ge̍h chhoe-it ê sio-hòa-chè kap chòe-hé hiàn ê sò͘-chè, í-ki̍p ta̍k-ji̍t tio̍h hiàn ê sio-hòa-chè kap sò͘-chè, í-ki̍p chiàu kui-lē hiàn ê tiān-chiú-chè í-gōa, í-siōng hiah-ê lóng tio̍h ēng hé sio chòe phang-phang ê chè-mi̍h hiàn hō͘ Siōng Chú.”

7“Chhit-ge̍h chhoe-cha̍p, lín tio̍h kú-hêng sèng-hōe, khek-khó͘ kìm-chia̍h, jīm-hô ji̍t-siông ê kang-chok lóng m̄-thang chòe.

8Lín tio̍h hiàn phang-phang ê sio-hòa-chè hō͘ Siōng Chú, chiū-sī bô hâ-chhû ê chi̍t chiah gû-káng-á, chi̍t chiah mî-iûⁿ-káng, kap chhit chiah chi̍t-hè ê mî-iûⁿ-káng-á.

9Hiàn sò͘-chè ê sî, tio̍h ēng chhiau-iû ê iù mī-hún: Hiàn gû-káng ê sî, tio̍h phòe-ha̍p saⁿ kong-kun; hiàn mî-iûⁿ-káng ê sî, tio̍h phòe-ha̍p nn̄g kong-kun;

10hiàn hit chhit chiah mî-iûⁿ-káng-á ê sî, ta̍k-chiah tio̍h phòe-ha̍p chi̍t kong-kun.

11Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī sio̍k-chōe-chè, ta̍k-ji̍t hiàn ê sio-hòa-chè kap sò͘-chè, í-ki̍p tiān-chiú-chè í-gōa tio̍h hiàn ê chè.”

12“Chhit-ge̍h cha̍p-gō͘, lín tio̍h kú-hêng sèng-hōe kèng-pài Siōng Chú; jīm-hô ji̍t-siông ê kang-chok lóng m̄-thang chòe, chhit ji̍t kú siú-choeh khèng-chiok.

13Lín tio̍h hiàn sio-hòa-chè, ēng hé sio chòe phang-phang ê chè-mi̍h hiàn hō͘ Siōng Chú, chiū-sī hiàn bô hâ-chhû ê cha̍p-saⁿ chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

14Hiàn cha̍p-saⁿ chiah gû-káng-á ê sî, ta̍k-chiah tio̍h phòe-ha̍p saⁿ kong-kun chhiau-iû ê iù mī-hún chòe sò͘-chè; hiàn nn̄g chiah mî-iûⁿ-káng ê sî, ta̍k-chiah tio̍h phòe-ha̍p nn̄g kong-kun chhiau-iû ê iù mī-hún;

15hiàn cha̍p-sì chiah mî-iûⁿ-káng-á ê sî, ta̍k-chiah tio̍h phòe-ha̍p chi̍t kong-kun chhiau-iû ê iù mī-hún.

16Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

17“Tē-jī ji̍t, tio̍h hiàn bô hâ-chhû ê cha̍p-jī chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

18Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

19Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

20“Tē-saⁿ ji̍t, tio̍h hiàn bô hâ-chhû ê cha̍p-it chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

21Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

22Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

23“Tē-sì ji̍t, tio̍h hiàn bô hâ-chhû ê cha̍p chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

24Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

25Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

26“Tē-gō͘ ji̍t, tio̍h hiàn bô hâ-chhû ê káu chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

27Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

28Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

29“Tē-la̍k ji̍t, tio̍h hiàn bô hâ-chhû ê poeh chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

30Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

31Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

32“Tē-chhit ji̍t, tio̍h hiàn bô hâ-chhû ê chhit chiah gû-káng-á, nn̄g chiah mî-iûⁿ-káng, cha̍p-sì chiah chi̍t-hè ê mî-iûⁿ-káng-á.

33Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

34Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

35“Tē-poeh ji̍t, lín tio̍h kú-hêng giâm-siok-hōe, jīm-hô ji̍t-siông ê kang-chok lóng m̄-thang chòe.

36Lín tio̍h hiàn bô hâ-chhû ê chi̍t chiah gû-káng-á, chi̍t chiah mî-iûⁿ-káng, chhit chiah chi̍t-hè ê mî-iûⁿ-káng-á, ēng hé sio chòe phang-phang ê sio-hòa-chè hiàn hō͘ Siōng Chú.

37Hiàn gû-káng-á, mî-iûⁿ-káng, kap mî-iûⁿ-káng-á ê sî, mā tio̍h chiàu sò͘-bo̍k kap kui-lē hiàn sò͘-chè kap tiān-chiú-chè.

38Koh tio̍h hiàn chi̍t chiah soaⁿ-iûⁿ-káng chòe sio̍k-chōe-chè. Chiah-ê sī ta̍k-ji̍t hiàn ê sio-hòa-chè, sò͘-chè, kap tiān-chiú-chè í-gōa tio̍h hiàn ê chè.

39“Í-siōng chiah-ê sio-hòa-chè, sò͘-chè, tiān-chiú-chè, kap pêng-an-chè, lín tio̍h tī só͘ tēng ê choeh-kî hiàn hō͘ Siōng Chú, che sī lín chhut tī só͘ hē ê goān kap kam-sim hiàn--ê í-gōa só͘ tio̍h hiàn--ê.”

40Mô͘-se chiū lóng chiàu Siōng Chú ê bēng-lēng hoan-hù Í-sek-lia̍t -lâng.

← Chapter 28 Jump to: Chapter 30 →