Numbers 7

Chinese TTVR (現代台語譯本羅馬字版)

← Chapter 6 Jump to: Chapter 8 →

1Mô͘-se khí hōe-bō͘ oân-sêng liáu-āu, chiū kā hōe-bō͘ boah-iû hun-pia̍t-choh-sèng, pau-koat lāi-bīn só͘-ū ê khì-khū, chè-tôaⁿ kap chè-tôaⁿ ê khì-khū, lóng kā in boah-iû hun-pia̍t-choh-sèng.

2Hit-ji̍t Í-sek-lia̍t ta̍k chi-cho̍k, ta̍k chong-cho̍k hū-chek jîn-kháu-phó͘-cha ê cho̍k-tiúⁿ lóng tòa lé-mi̍h lâi hōng-hiàn.

3In múi nn̄g ê cho̍k-tiúⁿ hōng-hiàn chi̍t tâi ū khàm pò͘-phâng ê chhia, ta̍k-ê cho̍k-tiúⁿ hōng-hiàn chi̍t chiah gû-káng, chiong chit la̍k tâi chhia kap cha̍p-jī chiah gû-káng sàng kàu hōe-bō͘ Siōng Chú ê bīn-chêng.

4Siōng Chú kā Mô͘-se kóng,

5“Lí tio̍h kā hiah-ê siu--khí-lâi, chòe hōe-bō͘ ê lō͘-ēng, chiàu Lī-bī -lâng sū-hōng ê chit-chek, kau hō͘ in.”

6Mô͘-se chiū siu hiah-ê chhia kap gû, kau hō͘ Lī-bī -lâng.

7Chiàu Kek-sūn ê kiáⁿ-sun sū-hōng ê chit-chek, Mô͘-se chiong nn̄g tâi chhia, sì chiah gû kau hō͘ in.

8Chiàu Bí-la-lī ê kiáⁿ-sun sū-hōng ê chit-chek, chiong sì tâi chhia, poeh chiah gû kau hō͘ in. Chit nn̄g ê ka-cho̍k lóng siū chè-si A-lûn ê kiáⁿ Í-tha-má kàm-tok.

9M̄-kú chhia kap gû bô kau hō͘ Ko-hat ê kiáⁿ-sun, in-ūi in sū-hōng ê chit-chek sī tio̍h ēng keng-thâu kng sèng-mi̍h.

10Kā chè-tôaⁿ boah-iû hōng-hiàn chè-tôaⁿ ê sî, chèng siú-léng lóng tī chè-tôaⁿ chêng hōng-hiàn lé-mi̍h.

11Siōng Chú kā Mô͘-se kóng, “Hōng-hiàn chè-tôaⁿ ê kî-kan, ta̍k-ji̍t tio̍h ū chi̍t ê siú-léng lâi hōng-hiàn lé-mi̍h.”

← Chapter 6 Jump to: Chapter 8 →