bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chinese
/
Chinese TTVR (現代台語譯本羅馬字版)
/
Numbers 32
Numbers 32
Chinese TTVR (現代台語譯本羅馬字版)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Lū-piān kap Ka-tek nn̄g chi-cho̍k ê cheng-siⁿ hui-siông chōe. In khòaⁿ-tio̍h Ngá-siā kap Ki-lia̍t nn̄g ê tōe-khu sek-ha̍p chhī in ê cheng-siⁿ,
2
chiū khì kìⁿ Mô͘-se, chè-si Í-lī-a-sat, kap hōe-chiòng ê siú-léng, kóng,
3
“Siōng Chú hō͘ Í-sek-lia̍t -lâng kong-chiàm ê A-tha-lio̍k, Tí-pún, Ngá-siā, Lêng-la, Hi-si̍t-pún, Í-lī-a-lī, Sī-pan, Nî-pho, kap Pí-ún, sī chin sek-ha̍p chhī cheng-siⁿ ê só͘-chāi. Lí ê po̍k-jîn tú-tú ū chin chōe cheng-siⁿ.”
5
In koh kóng, “Goán nā tit-tio̍h lí ê un-hūi, chhiáⁿ lí chiong chit-ê tōe-khu hō͘ lí ê po̍k-jîn chòe sán-gia̍p, hō͘ goán m̄-bián kè Iok-tàn-hô.”
6
Mô͘-se ìn Ka-tek kap Lū-piān ê kiáⁿ-sun kóng, “Lín kiám beh pàng lín ê hiaⁿ-tī kè-khì kau-chiàn, ka-kī lâu tiàm chia?
7
Lín sī-án-chóaⁿ beh hō͘ Í-sek-lia̍t -lâng hoe-sim sit-chì, m̄-káⁿ kè Iok-tàn-hô, ji̍p-khì Siōng Chú sù hō͘ in ê tōe?
8
Tī Ka-te-su Pa-nî-a ê sî, góa phài lín lāu-pē hit-tāi ê lâng khì thàm-cha hit-ê tōe, in mā-sī án-ni.
9
In khì kàu Í-si̍t-kok Soaⁿ-kok, thàm-cha chit-ê tōe liáu-āu tńg--lâi, chiū hō͘ Í-sek-lia̍t -lâng hoe-sim sit-chì, hāi in bô beh ji̍p-khì Siōng Chú sù hō͘ in ê tōe.
10
Hit-sî, Siōng Chú hoat tōa siū-khì, li̍p-sè kóng,
11
‘Só͘-ū tùi Ai-ki̍p chhut--lâi, jī-cha̍p hè í-siōng ê lâng, it-tēng bōe-tàng khòaⁿ-tio̍h góa tùi A-pek-la-hán, Í-sat, Ngá-kok li̍p-sè beh sù hō͘ in ê tōe; in-ūi in bô it-sim-it-ì kun-tè góa;
12
chí-ū Ki-nî-sé chong-cho̍k Iâ-hu-nî ê kiáⁿ Ka-le̍k kap Lūn ê kiáⁿ Iok-su-a ōe-tàng ji̍p--khì, in-ūi in it-sim-it-ì kun-tè góa.’
13
Siōng Chú tùi Í-sek-lia̍t -lâng hoat siū-khì, hō͘ in tī khòng-iá liû-lōng sì-cha̍p nî, thèng-hāu kàu ûi-pōe Siōng Chú hit-tāi lóng sí-liáu.
14
Taⁿ, lín chit-tīn chōe-jîn kèng-jiân beh sòa-chiap lín lāu-pē hit-tāi, ke-thiⁿ Siōng Chú tùi Í-sek-lia̍t -lâng ê siū-khì.
15
Lín nā oa̍t-cháu bô beh sūn-thàn Siōng Chú, I chiū ōe kā Í-sek-lia̍t -lâng pàng tī khòng-iá, án-ni, lín ōe hō͘ chit-ê bîn-cho̍k lóng bia̍t-bông.”
16
Chit nn̄g ê chi-cho̍k ê lâng kiâⁿ-óa Mô͘-se, tùi i kóng, “Goán tī chia sī kan-ta beh ūi cheng-siⁿ tah iûⁿ-tiâu, ūi goán ê bó͘-kiáⁿ khí siâⁿ,
17
goán ōe gia̍h kun-khì, chòe Í-sek-lia̍t -lâng ê sian-hong, chhōa in khì kàu pun hō͘ in ê tōe. Put-kò, goán ê bó͘-kiáⁿ tio̍h tòa tī kian-kò͘ ê siâⁿ, chiah bián siū chit só͘-chāi ê lâng chhim-hoān.
18
Tī só͘-ū ê Í-sek-lia̍t -lâng lóng tit-tio̍h in ê sán-gia̍p í-chêng, goán bōe tńg-lâi goán ê chhù.
19
Koh goán kap in kè Iok-tàn-hô, bōe khì pun sán-gia̍p, in-ūi goán ê sán-gia̍p chiū-sī tī Iok-tàn-hô tang-pêng.”
20
Mô͘-se chiū tùi in kóng, “Lín nā beh án-ni chòe, beh tī Siōng Chú bīn-chêng tòa kun-khì khì kau-chiàn,
21
lín só͘-ū tòa kun-khì ê lâng tio̍h tī Siōng Chú bīn-chêng kè Iok-tàn-hô, ti̍t-kàu Siōng Chú chiong I ê tùi-te̍k kóaⁿ--chhut-khì,
22
kàu I cheng-ho̍k hit-ê tōe, lín chiah thang tò--lâi. Án-ni, lín tùi Siōng Chú, tùi Í-sek-lia̍t -lâng ê chek-jīm chiū sǹg oân-sêng, chit-tè tōe tī Siōng Chú bīn-chêng chiah hō͘ lín chòe sán-gia̍p.
23
Lín nā bô án-ni chòe, chiū-sī tek-chōe Siōng Chú; lín tio̍h chai, lín ōe in-ūi lín ê chōe siū hêng-hoa̍t.
24
Taⁿ, lín thang ūi-tio̍h lín ê bó͘-kiáⁿ khí siâⁿ, ūi-tio̍h iûⁿ-kûn tah iûⁿ-tiâu, m̄-kú lín tio̍h chiàu lín só͘ kóng--ê khì chòe.”
25
Ka-tek kap Lū-piān nn̄g chi-cho̍k ê lâng tùi Mô͘-se kóng, “Lí ê po̍k-jîn beh chiàu goán ê chú ê bēng-lēng khì chòe.
26
Goán ê bó͘, kiáⁿ, iûⁿ-kûn, cheng-siⁿ, lóng beh lâu tī Ki-lia̍t chiah-ê siâⁿ.
27
Lí ê po̍k-jîn, só͘-ū ōe tòa kun-khì khì sio-thâi--ê, lóng beh chiàu goán ê chú só͘ kóng ê ōe, tī Siōng Chú ê bīn-chêng kè-hô khì kau-chiàn.”
28
Mô͘-se chiū ūi-tio̍h in hoan-hù chè-si Í-lī-a-sat, Lūn ê kiáⁿ Iok-su-a, í-ki̍p Í-sek-lia̍t ta̍k chi-cho̍k ê cho̍k-tiúⁿ,
29
kóng, “ Ka-tek kap Lū-piān nn̄g chi-cho̍k só͘-ū tòa kun-khì--ê, nā kap lín chòe-hé tī Siōng Chú ê bīn-chêng kè Iok-tàn-hô khì kau-chiàn, lín cheng-ho̍k hit-ê tōe liáu-āu, tio̍h chiong Ki-lia̍t tōe-khu hō͘ in chòe sán-gia̍p.
30
M̄-kú, in nā bô beh tòa kun-khì kap lín chòe-hé kè-hô, in kan-ta ōe-tàng tī Ka-lâm -tōe kap tāi-ke chòe-hé pun sán-gia̍p.”
31
Ka-tek kap Lū-piān nn̄g chi-cho̍k ê lâng ìn kóng, “Siōng Chú án-chóaⁿ bēng-lēng goán chiah-ê po̍k-jîn, goán chiū chiàu án-ni chòe.
32
Goán beh tòa kun-khì tī Siōng Chú ê bīn-chêng kè-hô ji̍p-khì Ka-lâm -tōe, m̄-kú Iok-tàn-hô chit-pêng ê tōe tio̍h hō͘ goán chòe sán-gia̍p.”
33
Mô͘-se chiong A-mô͘-lī -ông Se-hông kap Pa-san -ông Go̍k ê kok, chiū-sī in ê kok-thó͘ kap kéng-lāi ê siâⁿ, pun hō͘ Ka-tek kap Lū-piān nn̄g ê chi-cho̍k, í-ki̍p Iok-sek ê hō͘-tāi Má-ná-se pòaⁿ chi-cho̍k.
34
Ka-tek ê hō͘-tāi tiông-kiàn Tí-pún, A-tha-lio̍k, A-lô-ní,
35
A-tha-lio̍k Sok-hoán, Ngá-siā, Iok-pí-hap,
36
Pek Lêng-la, Pek Hap-lân chiah-ê kian-kò͘ ê siâⁿ, koh khí iûⁿ-tiâu.
37
Lū-piān ê hō͘-tāi tiông-kiàn Hi-si̍t-pún, Í-lī-a-lī, Ki-lia̍t-têng,
38
Nî-pho, Pa-le̍k Bián (chit nn̄g ê siâⁿ ê miâ ū kái--kè), kap Se-pí-má. In kā chiah-ê tiông-kiàn ê siâⁿ hō sin ê miâ.
39
Má-ná-se ê kiáⁿ Má-kiat ê hō͘-tāi khì Ki-lia̍t, chiàm-léng hit-ê tōe-khu, chiong goân-lâi tòa tī hia ê A-mô͘-lī -lâng kóaⁿ--chhut-khì.
40
Mô͘-se chiū chiong Ki-lia̍t hō͘ Má-ná-se ê hō͘-tāi Má-kiat chong-cho̍k; in chiū tī hia khiā-khí.
41
Má-ná-se ê hō͘-tāi Gâi-ní khì kong-chhú Ki-lia̍t tōe-khu ê chng-siā, kā hiah-ê chng-siā hō-chòe Hap-o-te̍k Gâi-ní.
42
Ná-pa kong-chiàm Ki-la̍p kap hù-kūn ê chng-siā; ēng ka-kī ê miâ kā hit-ê só͘-chāi hō-chòe Ná-pa.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36